سال 2024 کا پہلا سورج گرہن اگلے مہینے 8 اپریل کو ہوگا۔

سورج گرہن میکسیکو سے شروع ہوگا اور ٹیکساس، اوکلاہوما، آرکنساس، مسوری، الینوائے، کینٹکی، انڈیانا، اوہائیو، پنسلوانیا، نیویارک، ورمونٹ، نیو ہیمپشائر سے ہوتا ہوا کینیڈا پہنچے گا۔

سورج گرہن کے دوران، امریکہ کی زیادہ تر ریاستوں میں مکمل اندھیرا چھائے گا، جس کے نتیجے میں سینکڑوں اسکولوں کی جلد بندش کا اعلان کیا جائے گا۔

اس کے علاوہ، ٹینیسی اور مشی گن کے کچھ حصے مکمل سورج گرہن کا مشاہدہ کریں گے، جو کل 4 گھنٹے اور 39 منٹ تک جاری رہے گا۔

پاکستان اور بھارت میں سورج گرہن کے نظر آنے کا کوئی امکان نہیں ہے۔

سائنسدانوں کا کہنا ہے کہ 8 اپریل کو ہونے والا سورج گرہن سال کا طویل ترین ہوگا۔ آخری مکمل سورج گرہن 50 سال قبل دیکھا گیا تھا اور اب لوگوں کو اس سال دوبارہ اسے دیکھنے کا موقع ملا ہے۔

سورج گرہن کیسے ہوتا ہے؟ سائنس دانوں کا کہنا ہے کہ جب چاند زمین اور سورج کے درمیان آتا ہے تو تھوڑی دیر کے لیے اندھیرا چھا جاتا ہے۔

تاہم، اگر چاند بالکل زمین اور سورج کے درمیان آتا ہے، اور سورج کو مکمل طور پر ڈھانپ لیتا ہے، تو اس کے نتیجے میں مکمل سورج گرہن ہوتا ہے۔

Advertisements

اس رجحان کی وجہ سے سورج کی شعاعیں زمین کی سطح تک نہیں پہنچ سکتیں اور کچھ علاقوں میں مکمل اندھیرا چھا جاتی ہے جسے مکمل سورج گرہن کہا جاتا ہے۔