• صفحہ اول
  • /
  • خبریں
  • /
  • وزیراعظم کی جیفریز کو پاکستان میں دفتر کھولنے کی دعوت

وزیراعظم کی جیفریز کو پاکستان میں دفتر کھولنے کی دعوت

اسلام آباد: وزیرِ اعظم میاں شہباز شریف نے بین الاقوامی انویسٹمنٹ بینکنگ اینڈ کیپیٹل مارکیٹس فرم (جیفریز) کو پاکستان میں اپنا دفتر کھولنے کی دعوت دی ہے۔

انہوں نے یہ دعوت جیفریز کے اعلیٰ سطحی وفد سے ملاقات کے دوران دی، اس موقع پر وفاقی وزیر خزانہ سینیٹر اسحاق ڈار بھی موجود تھے۔

پاکستان مسلم لیگ (ن) کے مرکزی صدر اور وزیراعظم میاں شہباز شریف نے وفد سے بات چیت کرتے ہوئے کہا کہ
حکومت ملکی معیشت کو مستحکم کرنے کیلئے ہر ممکن اقدامات اٹھا رہی ہے، اتحادی حکومت کے مشکل فیصلوں سے ملک ڈیفالٹ کے خطرے سے نکل چکا۔

انہوں نے کہا کہ معاشی صورتحال پرغلط معلومات پھیلا کر بے بنیاد ہیجانی کیفیت پیدا کی جارہی ہے، ہم نے سیاسی قیمت کی پرواہ کئے بغیر ملک کو گزشتہ چار سال کی نااہلیوں کا خمیازہ بھگتنے سے بچایا ہے۔

Advertisements
julia rana solicitors london

وزیراعظم میاں شہباز شریف نے وفد سے بات چیت کرتے ہوئے کہا کہ حکومت مہنگائی کم کرنے اورعوام کو ریلیف دینے کیلئے اقدامات اٹھا رہی ہے، بیرونی تجارتی خسارہ کم کرنے کیلئے کوشاں ہیں، پاکستان میں بیرونی سرمایہ کاروں کو ہر ممکن سہولتیں فراہم کر رہے ہیں۔

  • julia rana solicitors
  • julia rana solicitors london
  • merkit.pk

خبریں
مکالمہ پر لگنے والی خبریں دیگر زرائع سے لی جاتی ہیں اور مکمل غیرجانبداری سے شائع کی جاتی ہیں۔ کسی خبر کی غلطی کی نشاندہی فورا ایڈیٹر سے کیجئے

بذریعہ فیس بک تبصرہ تحریر کریں

Leave a Reply