وزیر اعلیٰ خیبر پختونخوا پرویز خٹک نے اعتراف کیا ہے کہ پنجاب میں مسلم لیگ (ن) کی پوزیشن بہت مستحکم ہے ۔ ایک اخبار کو انٹرویودیتے ہوئے پرویز خٹک کا کہنا تھا کہ پنجاب میں مسلم لیگ (ن) کا مضبوط ووٹ بینک ہے ۔
وہاں نواز شریف کی مقبولیت کی جڑیں گہری ہیں اگر تحریک انصاف کے کارکن یہ سمجھتے ہیں کہ وہ عمران خان کی مقبولیت کو پنجاب میں کیش کرالیں گے تو ایسا نہیں۔ انہوں نے یہ بھی تسلیم کیا کہ ہم نے کے پی کے میں تبدیلی کا نعرہ لگایا تھا لیکن اس پر عملدرآمد کے حوالے سے پوری طرح کامیاب نہیں ہوئے۔
پرویز خٹک نے کہا کہ آئندہ انتخابات میں ہم صوبے میں کسی سیاسی جماعت کے ساتھ اتحاد نہیں کریں گے، ٹیکنو کریٹس اور قومی حکومت کے قیام کی باتیں غیر سنجیدہ ہیں،جمہوریت کیخلاف کوئی فیصلہ تسلیم نہیں کریں گے۔
پرویز خٹک نے یہ بھی اعتراف کیا کہ تبدیلی کا جو ویژن تحریک انصاف خیبر پختونخوا کےاندر لے کرآئی تھی اس کو سوفیصد عملی جامہ نہیں پہنایا جا سکا۔ انھوں نے کہا کہ پنجاب میں مسلم لیگ (ن)کو ایک بڑی سیاسی طاقت ہونے کی حیثیت حاصل ہے اسے ہرانا کوئی آسان کام نہیں ہوگا۔
Facebook Comments
بذریعہ فیس بک تبصرہ تحریر کریں