اسلام آباد پولیس نے 12 ربیع الاول کے مرکزی جلوس پر ٹریفک پلان جاری کر دیا۔

وفاقی دارالحکومت کی پولیس کا کہنا ہے کہ 12 ربیع الاول کے موقع پر اسلام آباد کے تمام راستے کھلے رہیں گے اور اسلام آباد کیپیٹل پولیس شہریوں کی حفاظت اور ٹریفک کی روانی کو یقینی بنانے کے لیے مرکزی شاہراہوں سمیت ضلع بھر میں موجود رہے گی۔

اسلام آباد میں جشن عید میلاد النبیﷺ کے موقع پر مرکزی جلوس نکالا جائے گا جس کا پولیس کی جانب سے ٹریفک پلان جاری کر دیا گیا ہے۔

12 ربیع الاول کا مرکزی جلوس جی گراؤنڈ جی 7 مرکز و رحمت کمیونٹی سینٹر سے برآمد ہو گا اور جامع مسجد الرضا جی 7، جامع مسجد الحبیب جی 7 تھری کارنر سے ہوتا ہوا فضل حق روڈ پر آئے گا۔