سرگودھا(نمائندہ خصوصی)سرگودھا کے قریب سلانوالی میں 10 مزدور پہاڑی تودے تلے دب گئے۔6 جاں بحق ہوگئے۔ 3 مزدوروں کو زخمی حالت میںباہر نکال لیا گیا ۔عینی شاہدین کے مطابق پہاڑ توڑنے کا کام جاری تھا کہ اسی دوران تودہ مزدوروں پر آگرا ۔ جاں بحق ہونے والوںمیں فلک شیر ، کامران، شاہد، عابد، اعجاز اور شیر محمد شامل ہیں۔امدادی کارروائیاں جاری ہیں۔ پہاڑی سلسلے میں حفاظتی انتظامات نہ ہونے کے باعث پہلے بھی حادثات پیش آچکے ہیں۔