سانگھڑ:سانگھڑ میں نواب شاہ روڈ پر مسافر وین اور گاڑی میں تصادم کے نتیجے میں 3 افراد جاں بحق اور 11 زخمی ہو گئے۔
تفصیلات کے مطابق،پیر کو سانگھڑ کے نواحی گاؤں میں نواب شاہ روڈ پرمسافروین اور ویگو گاڑی کے درمیان تصادم ہوا ،جس کے نتیجے میں 3 افراد جان سے ہاتھ دھو بیٹھے اور 11 زخمی ہو گئے ۔
جن میں 2 بچے اور 3 خواتین بھی شامل ہیں جبکہ زخمیوں کو فوری طبی امداد کیلئے سول اسپتال منتقل کردیا گیا ہے،حادثہ تیز رفتاری کے باعث پیش آیا۔
ریسکیو ذرائع کے مطابق سانگھڑ اسپتال میں سہولیات کی کمی کے باعث کئی مریضوں کی حالت تشویشناک ہے جبکہ کئی مریضوں کو نواب شاہ اسپتال منتقل کیا گیا ہے جہاں انہیں طبی امداد دی جارہی ہے۔
Facebook Comments
بذریعہ فیس بک تبصرہ تحریر کریں