• صفحہ اول
  • /
  • خبریں
  • /
  • حکومت کے پاس کردار کشی کے سوا کوئی ایجنڈا نہیں: چیئرمین پیپلز پارٹی

حکومت کے پاس کردار کشی کے سوا کوئی ایجنڈا نہیں: چیئرمین پیپلز پارٹی

SHOPPING
SHOPPING

پاکستان پیپلز پارٹی کے چیئرمین بلاول بھٹو زرداری کا کہنا ہے کہ کردار کشی کے سوا حکومت کے پاس کوئی ایجنڈا نہیں ہے۔بلاول بھٹو زرداری سے پیپلز پارٹی کے پنجاب اسمبلی میں پارلیمانی لیڈر حسن مرتضیٰ نے ملاقات کی جس میں صوبے کے سیاسی، تنظیمی اور پارلیمانی امور پر تبادلہ خیال کیا گیا۔پی پی چیئرمین نے حسن مرتضیٰ کو عوامی ایشوز کو اسمبلی فلور پر بھرپور انداز سے اٹھانے کی ہدایت کرتے ہوئے کہا کہ پنجاب اسمبلی میں حکمرانوں کی ناقص پالیسیوں کو سامنے لایا جائے۔اس موقع پر چیئرمین پیپلزپارٹی بلاول بھٹو زرداری نے حکومت پر تنقید کرتے ہوئے کہا کہ حکومت کے ڈلیور نہ کرنے کی وجہ سے عوام معاشی بوجھ تلے دب گئے ہیں، تحریک انصاف نے معیشت کے بہت دعوے کیے مگر اب تک نتیجہ صفر ہے۔ان کا کہنا ہے کہ وزیراعظم نے اسمبلی کے فلور پر سوالوں کے جواب دینے کا دعویٰ کیا تھا لیکن وزیر اعظم عمران خان ایوان کا رخ ہی نہیں کر رہے، وزیر اعظم خود تو کیا وزراء بھی ایوان میں جواب دینے کیلئے تیار نہیں ہیں۔بلاول بھٹو کا کہنا تھا کہ کردار کشی کے سوا حکومت کے پاس کوئی ایجنڈا نہیں ہے، حکومت نے ڈلیور نہ کیا تو عوام کی مایوسی کے ساتھ انہیں لانے والے بھی اُکتا جائیں گے۔

SHOPPING

بذریعہ فیس بک تبصرہ تحریر کریں

براہ راست تبصرہ تحریر کریں۔

Your email address will not be published. Required fields are marked *