دیامر: اسکول جلانے والے ملزمان کے خلاف سرچ آپریشن کے دوران مقابلہ ہوگیا۔ کارروائی میں ایک پولیس اہلکار شہید اور دو زخمی ہوگئے، جبکہدو دہشتگرد بھی مارے گئے۔
تفصیلات کے مطابق دیامر میں اسکول جلانے والے دہشت گردوں کے خلاف بھرپورکارروائی جاری ہے۔ سرچ آپریشن میں پکڑے جانے والے دہشت گرد کی گرفتاری کے بعد زیرحراست ملزمان کی تعداد گیارہ ہوگئی ہے۔ جبکہ دیگرملزمان کے نام بھی مقامی جرگے کے حوالے کردیئے گئے ہیں۔ جرگے نےملزمان کی گرفتاری میں تعاون کا یقین دلایا ہے۔
نگراں وزیراعظم ناصرالملک اور چیف جسٹس سپریم کورٹ نے بھی واقعے کی شدید مذمت کی ہے۔چیف جسٹس ثاقب ںثار نےازخود نوٹس لیتے ہوئے اڑتالیس گھنٹوں میں رپورٹ طلب کرلی ہے۔
Facebook Comments
بذریعہ فیس بک تبصرہ تحریر کریں