ایک کروڑ نوکریوں کی حقیقت:کہاں سے آئیں گی؟

کراچی: مرکز میں اکثریت حاصل کرنے کے بعد پاکستان تحریک انصاف کی جانب سے حکومت سازی کے مراحل کوحتمی شکل دی جارہی ہے۔ جبکہ وزارتوں کی تفویض اور اہم عہدوں کی تقرری کے حوالے سے بھی ضروری اقدامات اٹھائے جارہے ہیں۔

اس موقع پر پاکستان تحریک انصاف کے رہنما نعیم الحق نے پاکستانیوں کو سنہرے دور کے آغاز کی نوید سناتے ہوئے اپنی حکومت کے بنیادی لائحہ عمل کا اعلان کر دیا ہے۔

اس حوالے سے اسلام آباد میں بنی گالہ کے باہر میڈیا سے گفتگو کرتے ہوئے نعیم الحق کا کہنا تھا کہ عمران خان کی زیرصدارت حکومت سازی سےمتعلق اجلاس ہورہے ہیں۔

ان کا کہنا تھا کہ پی ٹی آئی غریب عوام کے لیے انقلابی اقدامات کرے گی۔ پاکستان کی معیشت کوبحران سے نکالیں گے۔ معیشت کوبحران سے نکالنے کے لیے بین الاقوامی تعاون بھی شامل رہے گا۔

نعیم الحق کا کہنا تھا کہ پاکستانی عوام سنہری دورکے لیے تیارہوجائیں۔ پانچ سال میں ایک کروڑ نوکریاں دی جائیں گی۔ عمران خان کی اولین ترجیح عوام کےمسائل کوحل کرنا ہے۔

تاہم یہ ایک کروڑ نوکریاں کہاں سے آئیں گی یہ ایک بڑا معمہ تھا۔ اس حوالے سے پاکستان تحریک انصاف کے مخالفین نے تحریک انصاف کے اس دعوے کا مذاق بھی اڑایا اور اسے ایک سبز باغ قرار دے کر خیالی افسانہ تک کہہ دیا۔

Advertisements
julia rana solicitors london

ایک کروڑ نوکریوں کی حقیقت بتاتے ہوئے پاکستان کے ممکنہ وزیر خزانہ اور پاکستان تحریک انصاف کے رہنما اسد عمر کا کہنا تھا کہ مجھے فخر ہے کہ ہماری پارٹی نے الیکشن میں روزگار دینے کا نعرہ لگایا، ہم اقتدار میں آ کر نوجوانوں کو روزگار دیں گے، وضاحت کر دوں کہ عمران خان ایک کروڑ نوکریاں نہیں بانٹیں گے بلکہ ہاؤسنگ کے شعبے سے پیدا کی جائیں گی۔

Facebook Comments

خبریں
مکالمہ پر لگنے والی خبریں دیگر زرائع سے لی جاتی ہیں اور مکمل غیرجانبداری سے شائع کی جاتی ہیں۔ کسی خبر کی غلطی کی نشاندہی فورا ایڈیٹر سے کیجئے

بذریعہ فیس بک تبصرہ تحریر کریں

Leave a Reply