ایکاترن برگ :فیفا فٹبال ورلڈ کپ کا سب سے بڑا اپ سیٹ ہوگیا، جنوبی کوریا نے دفاعی چیمپئن جرمنی کو 0-2سے ہرا کر میگا ایونٹ سے باہر کردیا،فیورٹ جرمن ٹیم کوئی گول نہ کرسکی۔

ایکاترن برگ میں ایونٹ کی فیورٹ ترین جرمنی اور جنوبی کوریا کے درمیان مقابلہ زبردست رہا ، میچ میں 80فیصد بال پر گرفت دفاعی چیمپئن کے فاوروڈز کی رہی ،میچ میں کئی مواقع ملنے کے باوجود جرمن کھلاڑی گول اسکورنہ کرسکے ۔

جنوبی کوریا نے کھیل کے آخری لمحات مین 2گول داغ کر اپنی ٹیم کو فاتح بنایا بلکہ جرمنی ٹیم کو پہلی بار شکست بھی دی ۔

جرمن ٹیم کو گروپ میچ میں میکسیکو سے بھی شکست ہوئی تھی ،1938کے بعد جرمنی ٹیم کا پہلی بار ابتدائی راؤنڈ میں سفر ختم ہوا ۔

گروپ ایف کے ایک اور میچ میں سوئیڈن نے میکسیکوکو 3گول سے  آوٹ کلاس کیا ،سوئیڈن اورمیکسیکو  کی ٹیمون نے 6،6پوائنٹس کے ساتھ ناک آوٹ مرحلے کیلئے کوالیفائی کرلیا ہے ۔