اسلام آباد:اسلام آباد ہائیکورٹ نے ملک بھر میں فیڈرل پبلک سروس کمیشن کے تحت امتحانات روکنے کا حکم دے دیا۔
منگل کو اسلام آباد ہائیکورٹ میں جسٹس شوکت عزیز صدیقی نے ایف پی ایس سی میں اسلام آباد کا کوٹہ مقرر کرنے سے متعلق کیس کی سماعت کی، سیکرٹری اسٹیبلشمنٹ ڈویژن معروف افضل اور دیگر افسران عدالت میں پیش ہوئے۔
جسٹس شوکت عزیزصدیقی نے ریمارکس دیئے کہ 56سال سے اسلام آباد کے ڈومیسائل ہولڈرز کے ساتھ ظلم ہورہا ہے۔سیکرٹری اسٹبلشمنٹ ڈویژن معروف افضل کو مخاطب کرتے ہوئے جسٹس شوکت عزیز صدیقی نےکہا 5سال میں آپ نے کچھ نہیں کیا،پراسس کو معطل کرتے ہیں پھر دیکھیں گے۔
عدالت نے ملک بھر میں فیڈرل پبلک سروس کمیشن کے تحت امتحانات کا پراسس روکنے کا حکم دیتے ہوئے کہا کہ جب تک ایف پی ایس سی میں اسلام آباد کا کوٹہ مقررنہیں ہوتا حکم برقرار رہے گا۔
Facebook Comments
بذریعہ فیس بک تبصرہ تحریر کریں