اسلام آباد:ملک کے مختلف علاقوں میں بارش اوربرف باری کے باعث سردی کی شدت میں پھر اضافہ ہوگیا۔
ملک کے بالائی علاقوں میں برف باری کا دھواں دھار اسپیل جاری ہے، زیارت، سوات، گلگت بلتستان اور آزاد کشمیر کے کئی علاقے برف سے ڈھک گئے ہیں۔ پیر چناسی، مکڑا پہاڑ ، نیلم ویلی اور وادی لیپہ نے سفید موتیوں سے سولہ سنگھار کیا ہے۔بادلوں نے میدانی علاقوں پر قبضہ جمایا ہے، مظفر آباد سمیت مختلف شہروں میں برسات نے آلودگی کا خاتمہ کردیا، ہر شے نکھر گئی ہے۔
کوئٹہ سمیت بلوچستان کے مختلف علاقوں میں بھی بادل برسنے سے سردی بڑھ گئی ہے۔لاہور، ملتان، خانیوال، بہاولپور، گوجرانوالا، سیالکوٹ میں ہلکی بارش اور تیز ہوا کے ملاپ نے موسم حسین کردیا۔محکمہ موسمیات نے 24گھنٹوں کے دوران مزید بارش اور برف باری کی پیشگوئی کی ہے۔
Facebook Comments
بذریعہ فیس بک تبصرہ تحریر کریں