کراچی:نقیب اللہ محسود قتل کیس میں ملوث سابق ایس ایس پی ملیر راؤ انوار کی بیرون ملک فرار کی کوشش ناکام بنادی گئی تاہم انہیں حراست میں نہیں لیا گیا۔
ذرائع کے مطابق،راؤ انوار بھیس بدل کر فرار ہورہے تھے وہ جعلی دستاویزات کے ذریعے بے نظیر ایئرپورٹ راولپنڈی سے بیرون ملک فرار ہوتے ہوئے پکڑے گئے۔
ذرائع کا کہنا ہے کہ سابق ایس ایس پی ملیر نجی ایئرلائن کی پرواز میں سوارتھے انہیں نجی ائیر لائن کی پرواز ای کے 653 سے نیچے اتارا گیا۔
ایئرپورٹ ذرائع کے مطابق،راؤ انوارکو حراست میں نہیں لیاگیا لیکن سفرسے روکا گیا ہے جس کے بعد وہ واپس اسلام آباد چلے گئے۔
واضح رہے کہ نقیب اللہ محسود کے ماورائے عدالت قتل میں ملوث پولیس افسر راؤ انوار گزشتہ روز تک اپنا موبائل فون نمبر بند کرکے روپوش ہوگئے تھے اور کسی سے بھی رابطہ نہیں کررہے تھے
Facebook Comments
بذریعہ فیس بک تبصرہ تحریر کریں