• صفحہ اول
  • /
  • خبریں
  • /
  • 70 لاکھ بھارتی صارفین کے وٹس ایپ اکاؤنٹ بند کردیے گئے

70 لاکھ بھارتی صارفین کے وٹس ایپ اکاؤنٹ بند کردیے گئے

بھارت میں سوشل میڈیا پلیٹ فارم واٹس ایپ نے بھارتیوں کے خلاف اقدامات کرنا شروع کر دیے ہیں جبکہ واٹس ایپ نے دھمکی بھی دے ڈالی ہے۔

غیر ملکی میڈیا رپورٹ کے مطابق واٹس ایپ نے پالیسی کی خلاف ورزی پر اپریل 2024 میں 71 لاکھ بھارتی اکاؤنٹس کو بند کر دیا ہے۔

میٹا کے پلیٹ فارم واٹس ایپ کی جانب سے بھارت میں ہر ماہ لاکھوں اکاونٹس بند کیے جانے کا انکشاف بھی ہوا ہے، جبکہ اپریل کے مہینے میں 71 لاکھ اکاؤنٹس بند کر دیے گئے ہیں۔جبکہ یہ اکاؤنٹس بند ہونے کی بڑی وجہ اسکیمنگ اور اکاؤنٹس کی جانب سے پالیسیز کی خلاف ورزی شامل ہے۔

ساتھ ہی واٹس ایپ کی جانب سے اس بات کا بھی عندیہ دیا گیا ہے کہ پالیسیز کی خلاف ورزی پر مزید اکاؤنٹس بھی بند کیے جائیں گے۔

ذرائع کے مطابق 71 لاکھ میں 13 لاکھ ایسے بھی اکاؤنٹس تھے جنہیں شکایت موصول ہونے سے قبل ہی واٹس ایپ نے بند کر دیا۔جبکہ واٹس ایپ کی جانب سے مشکوک اکاؤنٹس کی پہچان کے لیے جدید مشین لرننگ اور ڈیٹا اینالاٹکس کا استعمال کیا جا رہا ہے۔

واضح رہے رواں سال اپریل کے مہینے میں مختلف وجوہات کی بنا پر واٹس ایپ کو 10 ہزار سے زائد شکایات موصول ہوئی تھیں، جن میں اکاؤنٹس کو رپورٹ کیا گیا تھا۔

Advertisements
julia rana solicitors london

دوسری جانب واٹس ایپ اکاونٹس مختلف وجوہات کی بنا پر بند کر سکتا ہے، جن میں بڑی وجوہات میں پالیسی کی خلاف ورزی، قانونی خلاف ورزی اور صارفین کی جانب سےاکاونٹ رپورٹ کرنے جیسی وجوہات شامل ہیں۔

Facebook Comments

خبریں
مکالمہ پر لگنے والی خبریں دیگر زرائع سے لی جاتی ہیں اور مکمل غیرجانبداری سے شائع کی جاتی ہیں۔ کسی خبر کی غلطی کی نشاندہی فورا ایڈیٹر سے کیجئے

بذریعہ فیس بک تبصرہ تحریر کریں

Leave a Reply