• صفحہ اول
  • /
  • خبریں
  • /
  • ہمیں امداد بحالی کی ضرورت نہیں، قربانیوں کو تسلیم کیا جائے: آرمی چیف

ہمیں امداد بحالی کی ضرورت نہیں، قربانیوں کو تسلیم کیا جائے: آرمی چیف

پاک فوج کے شعبہ تعلقات عامہ (آئی ایس پی آر) کے مطابق پاک فوج کے سپہ سالار جنرل قمر جاوید باجوہ سے امریکی کمانڈر سینٹ کام اور ایک سینیٹر نے ٹیلی فونک رابطہ کیا اور دہشتگردی کیخلاف پاکستان کی جانب سے کی جانے والی کوششوں کو سراہا۔

آرمی چیف کا امریکی کمانڈر سینٹ کام سے ٹیلی فونک گفتگو میں کہنا تھا کہ خطے میں عالمی طاقتوں کے مقابلے میں پاکستان کو بے پناہ نقصان ہوا۔ ہمیں امریکی امداد کی بحالی کی ضرورت نہیں، پاکستان کی جانب سے دہشتگردی کیخلاف جنگ میں کی جانے والی قربانیوں کو تسلیم کیا جائے۔ امریکی صدر کے حالیہ بیانات کے بعد پاکستانی قوم میں تشویش ہے۔

ان کا کہنا تھا کہ دہشتگردی کے خاتمے کیلئے امریکی امداد کے بغیر مخلصانہ کوششیں جاری رکھیں گے کیونکہ انسداد دہشتگردی کیلئے کوششیں ہمارے قومی مفاد میں ہیں۔

Advertisements
julia rana solicitors

آرمی چیف نے کہا کہ پاکستان افغانیوں کی سرگرمیوں سے متعلق امریکی تحفظات سے آگاہ ہے۔ پاکستان ردالفساد کے ذریعے ایسی سرگرمیوں کیخلاف پہلے ہی مختلف کارروائیاں کر رہا ہے۔ اس حوالے سے پوری قوم کا مشترکہ ردعمل ہمارے احساسات کا عکاس ہے۔

Facebook Comments

خبریں
مکالمہ پر لگنے والی خبریں دیگر زرائع سے لی جاتی ہیں اور مکمل غیرجانبداری سے شائع کی جاتی ہیں۔ کسی خبر کی غلطی کی نشاندہی فورا ایڈیٹر سے کیجئے

بذریعہ فیس بک تبصرہ تحریر کریں

Leave a Reply