قصور واقعے کی تحقیقات کیلئے جے آئی ٹی تشکیل

وزیراعلیٰ پنجاب شہباز شریف نے قصور واقعے کی تحقیقات کیلئے جے آئی ٹی تشکیل دے دی ہے۔ شہبازشریف نے جے آئی ٹی کو چوبیس گھنٹے میں رپورٹ پیش کرنے کی ہدایت کی ہے۔ جے آئی ٹی میں حساس اداروں کے اراکین بھی شامل ہوں گے۔

اس سے قبل قصور کے علاقے روڈ کوٹ سے چار روز قبل اغواء کی جانے والی 7 سالہ بچی زینب کی لاش برآمد ہوئی۔ سفاک ملزمان نے زینب کو زیادتی کے بعد گلا دبا کر قتل کرنے کے بعد لاش کو کوڑے کے ڈھیر پر پھینک دیا تھا۔

اعداد و شمار کے مطابق ملزمان نے 8 ماہ میں 13 معصوم کلیوں کو بے دردی کے ساتھ مسل ڈالا ہے۔ پولیس آج تک ملزم کا سراغ لگانے میں کامیاب نہ ہو سکی۔
فرانزک رپورٹ اور دیگر پہلوؤں پر صرف کاغذی کارروائیاں تو کی جارہی ہیں مگر مثبت پہلو آج تک سامنے نہیں آئے۔ قاتلوں کی آزادی قصور پولیس کی کارکردگی پر سوالیہ نشان ہے۔

Advertisements
julia rana solicitors

شہریوں نے واقعات کی روک تھام کیلئے وزیراعلیٰ پنجاب سے نوٹس لینے اور ملزمان کی فوری گرفتاری کا مطالبہ کیا ہے۔

Facebook Comments

خبریں
مکالمہ پر لگنے والی خبریں دیگر زرائع سے لی جاتی ہیں اور مکمل غیرجانبداری سے شائع کی جاتی ہیں۔ کسی خبر کی غلطی کی نشاندہی فورا ایڈیٹر سے کیجئے

بذریعہ فیس بک تبصرہ تحریر کریں

Leave a Reply