امریکا کے چیئرمین جوائنٹ چیفس آف اسٹاف جنرل مارک میلی کا کہنا ہے کہ روس فوجی طور پر یوکرین میں جنگ نہیں جیت سکے گا۔

رپورٹ کے مطابق یوکرین کے دفاعی رابطہ گروپ کے ورچوئل اجلاس کے بعد امریکی وزیر دفاع نے کہا کہ روس کا یوکرین میں جنگ جیتنا ناممکن ہے۔ جنرل میلی نے کہا روس ، یوکرین میں فوجی فتح حاصل نہیں کرپائے گا۔ اس کے ساتھ انہوں نے یوکرین کو بھی خبردار کیا ہے کہ وہ اس سوچ سے باہرنکلے کہ وہ یوکرین کے علاقوں سے ہر روسی فوج کو نکالنے کے قابل ہوگا۔

یوکرین کے صدر ولودی میرزیلنسکی کا کہنا تھا کہ ہر روسی فوجی یوکرین سے نکل جائے اور وہ ان علاقوں سے نکل جائے جن پرروس نے قبضہ کررکھا ہے لیکن اس سال کے اوائل میں جنرل میلی نے کہا تھا کہ ’’یہ بہت مشکل کام‘ ہوگا‘‘۔’’آپ دو لاکھ روسیوں کو دیکھ رہے ہیں جو اب بھی روس کے زیرقبضہ یوکرین میں موجود ہیں۔ میں یہ نہیں کَہ رہا ہوں کہ یہ نہیں کیاجاسکتا،میں صرف یہ کَہ رہا ہوں کہ یہ ایک بہت مشکل کام ہے‘‘۔

انھوں نے اس یقین کا اعادہ کیا کہ ’’مستقبل قریب میں‘‘ اس مقصد کو حاصل کرنا ایک چیلنج ہوگا۔ ’’یوکرین میں لڑائی جاری رہے گی۔ یہ تنازع اورخونی ہونے جا رہا ہےاور یہ مشکل ہونے جارہا ہے،کسی موقع پر دونوں فریق یا تو کسی تصفیے پر بات چیت کریں گے یا کسی فوجی نتیجے پر پہنچیں گے‘‘۔

جنرل میلی نے امریکی ہتھیاروں کے استعمال کی خبروں کے بارے میں گفتگو کرتے ہوئے کہا کہ امریکا اب بھی بیلگورود کے قریب ایک مبیّنہ حملے کی تصاویر دیکھ رہا ہے۔ روس کی سرحدوں کے اندر روسیوں پر حملہ کرنے کے لیے کسی بھی امریکی سازوسامان کے استعمال کی مخالفت کی ہے۔