پاک فوج کی جانب سے یوم دفاع و شہداء کے مناسبت سے مختصر دورانیے کی ویڈیوز کے اجراء کا سلسلہ جاری ہے۔

ڈی جی آئی ایس پی آر میجر جنرل بابر افتخار کی جانب سے  سوشل میڈیا کی ویب سائٹ ٹوئٹر پر ایک اور مختصر دورانیے کی ویڈیو جاری کر دی گئی ہے۔

ڈی جی آئی ایس پی آر میجر جنرل بابر افتخار نے ٹویٹ میں غازیوں اور ان کے اہل خانہ کے جذبے کو سلام پیش  کرتے ہوئے کہا ہے کہ  یوم دفاع اور شہداء پر اپنے شہداء، غازیوں، ان کے خاندانوں کے جذبے کو سلام۔ شہداء، غازیوں اور ان سے جڑے تمام رشتوں کو سلام۔  انہوں  نے ٹویٹ میں شہدائے پاکستان، ہمارا فخر کے الفا ظ بھی لکھے.

یاد رہے کہ  پاک فوج کی جانب سے اس سے پہلے بھی مختصر دورانیے کی ویڈیوز جاری کی گئی ہیں جن میں غازیوں ، شہدا اور ان سے جڑے رشتوں کے جذبات کی عکاسی کی گئی ہے۔ پاک فوج یوم دفاع و شہدا کے مناسبت سے  اس ہفتے شہدا اور غازیوں کو خراج عقیدت پیش کر رہی ہے