• صفحہ اول
  • /
  • خبریں
  • /
  • پنجاب فوڈ اتھارٹی: رمضان المبارک کے مہینے میں جعلی جوس کی فراہمی کا بڑا منصوبہ ناکام

پنجاب فوڈ اتھارٹی: رمضان المبارک کے مہینے میں جعلی جوس کی فراہمی کا بڑا منصوبہ ناکام

رمضان المبارک کے مہینے میں جعلی جوس کی فراہمی کا بڑا منصوبہ ناکام بناتے ہوئے پنجاب فوڈ اتھارٹی نے کیمیکل، کھلے رنگ، اسٹارچ اور مصنوعی ذائقے پر مشتمل 10 ہزار کلو مال برآمد کرلیا۔

تفصیلات کے مطابق پنجاب فوڈ اتھارٹی نے بروقت کارروائی کرتے ہوئے رمضان المبارک کے مہینے میں جعلی جوس کی فراہمی کا بڑا منصوبہ ناکام بنا دیا۔

فوڈ اتھارٹی نے 10 ہزار کلو مال برآمد کیا جس میں 250 کارٹنوں میں بھرے کیمیکل، کھلے رنگ، اسٹارچ اور مصنوعی ذائقے شامل ہیں۔

پنجاب فوڈ اتھارٹی کا کہنا ہے کہ جعلی جوس تیار کرنے کے لیے مال سرگودھا سے لاہور لایا جا رہا تھا، مالک کے خلاف مقدمہ درج کرلیا گیا ہے جبکہ پروڈکشن یونٹ کی تلاش جاری ہے۔

ڈی جی فوڈ اتھارٹی کا کہنا ہے کہ عوام اچھی صحت کے لیے گھر کی بنی اشیائےخور و نوش کو ترجیح دیں۔

رواں سال کے آغاز پر پنجاب فوڈ اتھارٹی نے اعلان کیا تھا کہ ہوٹلوں میں استعمال ہونے والی اشیائے خور و نوش کی سال میں تین بار چیکنگ کی جائے گی، چکن، مچھلی، بیف اور مٹن پروڈکشن یونٹس کی بھی سالانہ 3 بار چیکنگ ہوگی۔

ڈی جی فوڈ اتھارٹی کا کہنا تھا کہ شہد، آئل، گھی، اسنیکس، نمکو پروڈکشن یونٹس کی بھی سالانہ دو بارچیکنگ ہوگی۔ اس کے علاوہ بائیو ڈیزل، فیٹ رینڈرنگ یونٹس، میپکو کا سال میں چار دفعہ معائنہ کیا جائے گا۔

Advertisements
julia rana solicitors london

اتھارٹی نے سالانہ چیکنگ شیڈول کے علاوہ تمام فوڈ پوائنٹس کی سرپرائز چیکنگ کرنے کا عندیہ بھی دیا تھا

Facebook Comments

خبریں
مکالمہ پر لگنے والی خبریں دیگر زرائع سے لی جاتی ہیں اور مکمل غیرجانبداری سے شائع کی جاتی ہیں۔ کسی خبر کی غلطی کی نشاندہی فورا ایڈیٹر سے کیجئے

بذریعہ فیس بک تبصرہ تحریر کریں

Leave a Reply