لاہور:مسلم لیگ (ن)کے قائد نواز شریف جناح اسپتال لاہور میں زیر علاج ہیں،ان کی انجیوگرافی کا تاحال فیصلہ نہ ہوسکا۔
تفصیلات کے مطابق،لاہور کے جناح اسپتال میں سابق وزیراعظم نواز شریف 9 روز سے زیر علاج ہیں، میڈیکل بورڈ ان کے مختلف ٹیسٹ کرنے کے بعد سفارشات محکمہ داخلہ کو بھجوا چکا ہے تاہم ان کی انجیو گرافی کا تاحال فیصلہ نہ ہوسکا۔
نواز شریف کے ذاتی معالج ڈاکٹر عدنان کہتے ہیں کہ انجیوگرافی کے بعد ہی علاج میں پیشرفت ہوگی تاہم علاج کیلئے ملٹی پل میڈیکل بورڈ بننا چاہیے۔
نواز شریف کے ذاتی معالج انجیوگرافی نہ کرانے کا ملبہ حکومت پر ڈال رہے ہیں جبکہ اسپتال ذرائع کہتے ہیں کہ مریض کی آمادگی کے بغیر انجیوگرافی ممکن نہیں۔
یاد رہے کہ نواز شریف کو خرابی صحت کے باعث کوٹ لکھپت جیل سے 15فروری کو جناح اسپتال منتقل کیا گیا تھا۔
Facebook Comments
بذریعہ فیس بک تبصرہ تحریر کریں