راجن پور،ڈاکوؤں نے 7 پولیس اہلکار اغوا کرلیے

اسلام آباد(مانیٹرنگ ڈیسک)ضلع راجن پور کے علاقے روجھان میں ڈاکوؤں نے 7 پولیس اہلکاروں کو اغوا کرلیا ہے جن کی بازیابی کے لیے سیکیورٹی اہلکاروں کی بڑی تعداد کارروائی کےلیے علاقے میں پہنچ گئی۔کچے کے علاقے روجھان میں صبح کے وقت پولیس اہلکار کشتی کے ذریعے ڈیوٹی سے واپس آرہے تھے، ان میں ایک اے ایس آئی، ایک سپاہی کے علاوہ ایلیٹ فورس کے 4 اہلکار شامل ہیں، تاہم ان کے اور پولیس حکام کے درمیان رابطہ منقطع ہوگیا۔جس کے بعد یہ خدشہ ظاہر کیا گیا کہ انہیں ڈیوٹی سے واپسی پر کچے کے علاقے میں موجود ڈاکوؤں نے اغوا کرلیا ہے

Advertisements
julia rana solicitors

۔پولیس ذرائع کے مطابق مغوی اہلکاروں میں سے ایک کا تعلق ڈی جی خان، ایک کا تعلق مظفر گڑھ اور دیگر 5 کا تعلق روجھان سے ہے۔ ڈاکوں نے اپنے ساتھیوں کی بازیابی کے لیے پولیس اہلکاروں کو اغوا کیا۔ادھر سینئر سپریٹنڈنٹ پولیس (ایس ایس پی) عتیق طاہر کا کہنا تھا کہ انہیں پولیس اہلکاروں کے اغوا کی اطلاعات موصول ہوئی ہیں۔انہوں نے بتایا کہ اہلکاروں کی بازیابی کے لیے پولیس کی ٹیم کو روانہ کردیا گیا ہے جو ڈاکوؤں کے خلاف کارروائی کرے گی تاکہ اہلکاروں کو بازیاب کرایا جاسکے۔خیال رہے کہ کچھ عرصے قبل سیکیورٹی اداروں نے کچے کے علاقے میں کارروائی کے دوران متعدد افراد کو گرفتار کیا تھا اور ذرائع کا کہنا تھا کہ ڈاکوؤں نے ان افراد کی رہائی کے لیے پولیس اہلکاروں کو اغوا کیا۔ کچے کے علاقے میں اس سے قبل بھی متعدد ایسے واقعات رونما ہوچکے ہیں جس میں ڈاکو پولیس اہلکاروں کو اغوا کرکے لے جاتے ہیں تاہم بعد ازاں ان کی رہائی مذاکرات کے ذریعے ممکن بنائی جاتی ہے۔

Facebook Comments

طاہر یاسین طاہر
صحافی،کالم نگار،تجزیہ نگار،شاعر،اسلام آباد سے تعلق

بذریعہ فیس بک تبصرہ تحریر کریں

Leave a Reply