ڈسکہ :ڈسکہ میں سیالکوٹ روڈ پر تیزرفتار کار درخت سے ٹکراگئی،حادثے میں 4افراد جاں بحق اور 2زخمی ہوگئے۔
ریسکیو ذرائع کے مطابق،جمعے کو یہ افسوسناک حادثہ ڈسکہ میں سیالکوٹ روڈ پر پیش آیا۔
جہاں تیز رفتارکار بے قابو ہو کر درخت سے ٹکرا گئی، جس کے باعث 4افراد زندگی کی بازی ہار گئے جبکہ 2زخمی ہوگئے۔
ریسکیو ذرائع کا کہنا ہے کہ حادثے میں زخمی ہونے والے دونوں افراد کو سول اسپتال ڈسکہ منتقل کردیا گیا ہے، جہاں انہیں بروقت طبی امداد فراہم کی جارہی ہے۔
پولیس کے مطابق ،جاں بحق چاروں افراد آپس میں دوست تھےاور ان کی عمریں 20 سے 22 سال کے درمیان ہیں،جن میں معظم،حسن،روشن اور حسام شامل ہیں،تمام افراد کا تعلق گوجرانوالہ سے تھا۔
Facebook Comments
بذریعہ فیس بک تبصرہ تحریر کریں