سابق وزیر اعلیٰ خیبرپختونخوا پرویز خٹک کا کہنا تھا کہ پارٹی نے مجھے وزیرا علیٰ بنانے کا فیصلہ کر لیا ہے۔

پرویز خٹک کا کہنا تھا کہ خیبر پختونخوا میں دوسری بار خدمت کا موقع ملا ہے، وعدے پورے کریں گے جبکہ پنجاب میں بھی حکومت سازی کے لیے رابطے جاری ہیں۔

عام انتخابات میں تحریک انصاف نے وفاق اور خیبرپختونخوا میں اکثریت حاصل کی ہے جب کہ پنجاب میں بھی نمبر گیم کے ساتھ حکومت بناسکتی ہے۔پی ٹی آئی خیبرپختونخوا میں اکیلے ہی حکومت بنانے کی پوزیشن میں ہے۔

ذرائع کے مطابق خیبرپختونخوا اسمبلی کے اراکین کی اکثریت بھی پرویز خٹک کو دوبارہ وزیر اعلیٰ بنانے کی حامی ہے۔

خیال رہے کہ پرویز خٹک قومی اسمبلی کی نشست این اے 25 نوشہرہ اور خیبرپختونخوا اسمبلی کی 2 نشستوں پی کے 61 اور پی کے 64 سے الیکشن جیت چکے ہیں۔

Advertisements

یاد رہے کہ پرویز خٹک 2013 سے 2018 تک تحریک انصاف کی صوبائی حکومت میں وزیر اعلیٰ کے پی کے رہے ہیں۔