لاہور کے حلقہ این اے 131 سے عمران خان کے ہاتھوں شکست کھانے والے (ن) لیگ کے رہنما سعد رفیق کی درخواست پر ووٹوں کی دوبارہ گنتی کی جاری ہے۔

عام انتخابات میں این اے 131 سے عمران خان نے 84 ہزار 131 ووٹ لے کر کامیابی حاصل کی جب کہ سعد رفیق کو 83 ہزار 633 ووٹ ملے۔

اس کےعلاوہ مری کے حلقہ این اے 57 سے تحریک انصاف کے امیدوار صداقت عباسی سے ہارنے والے سابق وزیراعظم شاہد خاقان عباسی نے بھی دوبارہ گنتی کی درخواست دی ہے جس پر ووٹوں کی گنتی جاری ہے جبکہ اس موقع پر آر او آفس کےباہر پولیس اور فوج کو تعینات کیا گیا ہے۔

اس کے علاوہ قبائلی ضلع خیبر میں این اے 43، چنیوٹ میں این اے 100 ،این اے 108، این اے 106 فیصل آباد، این اے 154 اور 157 ملتان، این اے 13 مانسہرہ، این اے 230 بدین پر دوبارہ گنتی کی جارہی ہے۔

لاہور میں ایاز صادق سے ہارنے والے علیم خان کی درخواست پر این اے 129 میں ری کاؤنٹنگ کی جارہی ہے۔

Advertisements

اس کے علاوہ جھنگ میں پی پی 128کے 31 پولنگ اسٹیشنز پر ووٹوں کی دوبارہ گنتی کی جارہی ہے جب کہ ملتان کے حلقہ پی پی 212 پر بھی ووٹو کی دوبارہ گنتی جاری ہے۔