حال ہی میں یمن اور عمان میں جو میکونو نامی طوفان آیا تھا جس سے صحرا میں بڑی بڑی جھیلیں بن گئی ہیں۔ عمان میں طوفان انتہائی خطرناک تھا اور اس سے صحرا میں نشیبی علاقوں میں جہاں ریت کے طوفان آیا کرتے تھے اور ریت کے ٹیلے بنا کرتے تھے وہاں اب جھیلیں نظر آرہی ہیں۔ اس طوفان سے پورے علاقے کا نقشہ ڈرامائی طور پر تبدیل ہوچکا ہے۔ خلا سے جو تصاویر اتاری گئی ہیں اس سے  علم ہوا کہ اب صحرا میں بھی درخت اور پودے پیدا ہونے کے امکانات بڑھ گئے ۔ حکام کے مطابق اس طوفان سے یمن اور عمان میں 30افراد ہلاک ہوئے تھے۔ صرف 24گھنٹے میں عمان میں سڑکوں اور صحرا میں اتنا پانی کھڑا ہوگیا تھا ، جتنا دو سال کی بارشوں میں ہوتا ہے۔ طوفان سے 170سے 180کلو میٹر فی گھنٹے کے حساب سے ہوائیں چلیں۔ ناسا نے بتایا کہ صحرا میں پانی پہنچنے سے اب وہاں سیاحت بھی ممکن ہوگی۔