تتھاگت نظم ۔۔۔(22)بھِیڑ سے یہ کہا تتھا گت نے

تتھاگت نظم ۔۔۔(22)
بھِیڑ سے یہ کہا تتھا گت نے
(ایک)
اپنے پچھلے جنم میں کیا تھا میں؟
کون تھا؟ کیا تھی میری حیثیت؟
ذات کیا تھی؟ قبیلہ کیا تھا مرا؟
کب ،کہاں، کیسے زندگی گذری؟
موت کب آئی؟ کیا ہوا تھا مجھے؟

اپنے تازہ جنم میں کوئی بھی شخص
پوچھتا ہی نہیں یہ خود سے سوال
کیا پڑی ہے کسی کو ، یہ سوچے
وہ جنم جو گذار آیا ہوں
اس میں کیا کیا سبق تھے میرے لیے؟
میں نے انجام کار کیا سیکھا؟
کوئی ایسا سبق ، کوئی تاویل
جو نئی زندگی میں رہبر ہو؟

Advertisements
julia rana solicitors london

بھیڑ سے یہ کہا تتھا گت نے
خود سے پوچھو گے یہ سوال اگر
عین ممکن ہے، کچھ جواب ملے!
……………………………

Facebook Comments

ستیہ پال آنند
شاعر، مصنف اور دھرتی کا سچا بیٹا

بذریعہ فیس بک تبصرہ تحریر کریں

Leave a Reply