تفصیلات کے مطابق سپریم کورٹ میں میڈیا کمیشن کیس کی سماعت ہوئی، چیف جسٹس کی سربراہی میں تین رکنی بینچ نے سماعت کی، دوران سماعت چیف جسٹس نے ریمارکس دیتے ہوئے کہا کہ پیمرا سرچ کمیٹی مریم صاحبہ کے ہوتے ہوئے آزادانہ کام نہیں کرسکتی، کیونکہ انہیں بیانات دینے سے ہی فرصت نہیں ہیں اور اس کمیٹی کے لئے وقت نکالنا مشکل ہوگا، لہذا انہیں چیئرمین پیمرا کی تعیناتی کے لئے بنائی گئی سات رکنی کمیٹی سے فارغ کردیا جائے۔

Advertisements

اس سے قبل سماعت کے دوران چیف جسٹس ثاقب نثار نے استفسار کیا کہ پیمرا قانون میں ترمیم کے حوالے سے کیا گیا؟جس پر ایڈیشنل اٹارنی رانا وقار نے جواب میں کہا کہ کمیشن میں نمایاں صحافی اورچیئرمین پی بی اے کوشامل کیاگیا۔ کمیشن چیئرمین پیمرا کیلئے 3 ممبران کے پینل کاانتخاب کرےگا، جس پر چیف جسٹس نے کہا کہ اس کام پرتوبہت وقت لگ جائےگا۔سماعت کے دوران ایڈیشنل اٹارنی جنر ل رانا وقار نے عدالت کو بتایا کہ حکومت نے بھی سات رکنی کمیٹی تشکیل دے دی ہے، وزیراعظم کی منظوری سے کمیشن کی تشکیل کی گئی۔ یہ کام 3ہفتے کے اندرہوجائے گا