نیلی شرٹ

اسد پلیز مجھے مت مارو

Advertisements
julia rana solicitors london

مانوس آواز نے اسے چونکا کے رکھ دیا۔۔
انجان شہرمیں نئی رہائش۔۔پہلی رات اور یہ آواز۔۔۔
نہیں یہ وہ نہیں ہے ۔۔۔
یہ آواز کہاں سے آرہی ہے؟۔۔۔ شایدساتھ گھر سے۔۔
کیا جاؤں میں ۔۔؟لیکن کہوں گا کیا۔ نہیں کوئی اور ہے۔
پلیز اسد تم نے جو اُس دن مارا تھا دیکھو ابھی تک ٹھیک نہیں ہوا۔۔پلیز مت مارو
یا خدایا ۔۔۔۔ یہ یہاں۔۔۔۔ وہ ۔۔ لیکن۔۔۔۔۔ وہ ادھر کیسے؟؟؟
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اوئے شکل دیکھی ہے اپنی۔۔؟ یا انسان بن یا جا کر بول دے۔۔۔ ورنہ اوقات میں رہ ۔
اچھا نا یار شکیل۔ سوچوں گا، چلو کلاس کا ٹائم ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اللہ اکبر، اللہ اکبر۔۔۔۔۔۔
ہیں یہ صبح کب ہوئی۔۔۔۔۔۔۔۔۔ الصلوۃ خیرمن النوم ۔۔۔۔۔صبح سویرے اذان کی آواز سماعتوں میں رس کھول رہی تھی
یا اللہ یہ میرا وہم ہو ۔۔۔ نماز کے بعد دعا میں بس یہی کہہ پایا ۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
یار تو باز نہیں آرہا، یونیورسٹی مت آیا کر ایسی شکل لیکر۔۔شکیل کو اسکی حالت پرغصہ آرہا تھا۔
اچھا میں جا رہا ہوں، میری پارٹ ٹائم جاب کا ٹائم ہو رہا ہے۔۔ آج سیلری ملے تو اماں کا جوڑا اور ابا کی دوائی لینی ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پلیز اسد تم نے جو اُس دن مارا تھا دیکھو ابھی تک ٹھیک نہیں ہوا، پلیز مت مارو ۔۔
آوازیں تھیں کہ پیچھے ہی پڑ گئی تھیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاں پاں ں ں ں ۔۔۔۔۔بھائی گاڑی چلاؤ۔۔نئی گاڑی لیکرکھڑے ہو اشارے پر ۔۔
میں یہاں کب پہنچا؟ ابھی تو میں ……
اسد پلیز مجھے مت مارو۔۔
جی سر کیا کہا آپ نے؟
تم کب آئی؟
سر وہ فائل سائن کروانی تھی۔۔۔
اچھا رکھ جاؤ۔
وہ سر آج آپ نے بورڈ میٹنگ بھی اٹینڈ کرنی ہے آفٹر لنچ اور مجھے لنچ مینو نوٹ کروا دیں پلیز۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
یار شکیل میں اسے بتا دوں؟
بھائی مجھ سے پوچھ کرپسند کیا تھا؟ یو آر دی ٹاپر، شی ول بی لکی
( You are the topper, she will be lucky )
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سر۔۔ سر
کیا ہوا؟
سر وہ لنچ مینو؟
نہیں مجھے بس کافی بھیج دو۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وہ چہکی: کون کون کافی پیے گا؟
زرقون! ایک میری، مجھے بھی چاہیے۔۔۔۔۔۔ اورایک میری۔۔۔۔۔۔
یار شکیل یہ کافی اتنی کڑوی کیوں ہوتی ہے؟ میں کیسے پیوںگا؟
اوئے پینڈو، لسّی ہی پی لے۔
بکواس مت کر،مری کا ٹرپ اور برف دیکھ۔۔ایسے میں کوئی لّسی پیتا ہے؟
تو چپ کر کے جو وہ پلا رہی ہے سب کو تُو بھی پی لے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سرہماری 3نئی برانچز اوپننگ کے لیے بالکل تیار ہیں اورباقی کا کام ۔۔۔۔۔۔۔
کب اوپن ہوئیں؟
سر وہ میں کہہ رہا تھا گیسٹ آف آنر ( guest of honor )کے سیکرٹری نے ڈیٹ کنفرم کردی ہے۔
سرہماری 3 نئی برانچز اوپننگ ( opening )کے لیے بالکل تیار ہیں۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اوئے شہزادے تو نے پھر ٹاپ کیا ہے۔
یار اُسکا رزلٹ بتا؟ کیسا آیا ہے۔ میں نہیں آسکتا یونیورسٹی ابھی۔
پاس ہو گئی ہے وہ بھی، نا بھی ہوتی تو اسکا باپ اسے کروا لیتا۔ ہاہاہا۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سر اب ہمارے نیکسٹ پراجیکٹ کے لیے مسٹر راشد پریزنٹیشن دینگے۔
کونسے بلیو جیم سٹون؟ ( blue gemstone )
سر پریزنٹیشن ۔۔۔۔۔ ناٹ بلیو جیم سٹون۔ (Sir presentation, not blue gemstone )
سر وہ نیو شاپنگ مال کا ڈیزائن جو اپروول( approval ) کے لیے گیا تھا وہ ۔۔۔۔۔۔۔۔،
سر آپکی طبیعت ٹھیک ہے؟؟؟
ہاں میں ٹھیک ہوں۔۔۔۔۔
نہیں وہ میری ذرا طبیعت ٹھیک نہیں، جینٹلمین وی ول کنٹی نیو ویری سون۔ (Gentlemen we will continue very soon)
پلیز اسد تم نے جو اُس دن مارا تھا دیکھو ابھی تک ٹھیک نہیں ہوا، پلیز مت مارو ۔۔
آوازیں تھیں کہ جیسے بھوت کی طرح چمٹ ہی گئی تھیں۔
یااللہ نہیں، وہ نہیں۔ یااللہ نہیں، پلیز نہیں۔ ایسا کم از کم نہیں۔
دعا میں ایسے تو وہ کبھی نہیں سسکا تھا ۔۔۔
بیٹا عشاء کی نماز کب کی ختم ہو گئی، آپ گئے نہیں۔ مجھے مسجد بند کرنی ہے۔
جی جا رہا ہوں۔۔ السلام علیکم!
وعلیکم السلام! اللہ زندگی دے۔
زندگی، زندگی، زندگی ۔۔۔۔۔۔زندگی؟؟؟؟
اسد پلیز مجھے مت مارو۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
یہ لیں آپکی کافی۔۔۔۔۔۔۔۔ ایسا یونیورسٹی ٹرپ، پہاڑ، برف اور موسم،واہ،ایسےمیں ہی تو کافی کا مزا آتا ہے۔۔ہے نا؟
یہ کافی کا کپ میرے ہاتھ میں کانپ کیوں رہا ہے؟ شایدسردی زیادہ ہے۔۔ وہ خود سے بولا
ویسےحمزہ آپ ٹاپ کیسے کرلیتے ہیں؟
مجھے خود نہیں پتا۔۔۔
بھئی ہمیں بھی بتا دیں اپنی زندگی کا راز۔۔۔۔۔
تم ہو وہ راز ۔۔۔
جی کیا کہا آپ نے؟
نہیں میں کچھ نہیں بولا ، وہ ہوا تیز چل رہی ہے نا،
یہ کافی کا کپ ابھی تک کانپ کیوں رہا ہے ۔۔۔۔۔۔۔
اچھا چھوڑیں ۔۔۔ حمزہ آپکو پتا ہے جب بہت دن بارش کے بعد ہوا بادل اڑا کر لے جاتی ہے ناتو آسمان جیسےاوربھی نیلا لگنے لگتا ہے۔۔ہے نا؟
جی بالکل ۔۔۔۔
ارے آپ ادھر میری طرف کیا دیکھ رہے ہیں، اوپر ہے آسمان۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جی بھائی کیا دوں آپکو؟
نیند کی گولیاں۔۔۔۔۔
وہ ہم بغیر نسخےکے دواء نہیں دیتے ۔۔۔
کیوں؟ اچھا چھوڑو مجھے کھانسی کا شربت دے دیں۔
اسد میں قسم کھاتی ہوں میں نے آپکی چیزوں کو ہاتھ بھی نہیں لگایا۔۔
آواز پھر آرہی تھی۔۔
بکواس مت کرو۔۔ جاہل عورت۔۔
گھر پر ذرا توجہ نہیں ہے تمہاری، پتا نہیں کس کو گھر لے آیا ہوں۔
یہ ساتھ گھر والے بھی نا، روز کا تماشا لگایا ہوا ہے۔ پتا نہیں کون رہنے آگیا ہے۔
نہیں یہ کوئی اور ہے۔
آدھی بوتل ۔۔۔غٹ غٹ غٹ ۔۔۔۔
صاحب جی، صاحب جی، اٹھیں صاحب جی
کیا بات ہے کاکا، کیوں صبح صبح جگا رہے ہو؟
صاحب جی ظہر ہو گئی ہے، وہ کام والی صفائی کر گئی ہے اور لانڈری سے کپڑے آگئے ہیں اورآپکے دوست ملک صاب تین دفعہ فون کر چکے ہیں۔
اچھا میں دیکھ لیتا ہوں، آپ ناشتہ لگا دیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اچھا آپکو پہاڑ کیسے لگتے ہیں؟ پتا ہے میرے پاپا کو اتنا کریز ہے کہ انہوں نے میرا نام بھی جیم سٹون پر رکھا۔۔۔۔ زرقون ۔۔۔۔
دیکھیں آسمان بھی جیسے نیلے زرقون کا بنا ہو۔۔ ہی ہی ہی ہی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
صاحب ناشتے کے بعد خیال سے باہر جائیے گا، رات بارش کے بعد سے ابھی تک پورچ گیلا ہے۔
نیلا؟ نیلا کیسے ہو گیا؟
صاب نیلا نہیں گیلا بولا ہے میں نے۔
اچھا کاکا شکریہ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تمہاری ہمت کیسے ہوئی ہے مجھ سے یہ سب کہنے کی؟ اپنا اور میرا اسٹیٹس دیکھا ہے؟ جتنے تم مہینے میں کماتے ہو، میں ون ٹائم ڈنر کرتی ہوں؟ ایک کافی کیا پلا دی رومیو۔۔ فری ہی ہو گئے؟
میں بہت خوش رکھوں ۔۔۔۔۔۔۔۔۔
مائی فٹ ۔ ۔۔۔ جسٹ شٹ اپ۔۔۔ ہو دا ہیل یو تھنک یو آر؟ خود ہفتہ میں چار دن یہ سڑی ہوئی نیلی شرٹ واش کرکے پہنتے ہو۔۔۔۔ تم میرے ایک ڈیزائینر ڈریس کی قیمت جانتے ہو؟
اسکی آواز گلے میں گھُٹ رہی تھی
بیٹا اس دفعہ تنخواہ ملنے پر اپنے لیے نئی شرٹ لے آنا۔
چھوڑیں اماں، اگلے مہینے لے لوں گا، ڈاکٹر نے ابا کی دوائی بدلی ہے، وہ مہنگی ہے، اور ویسے بھی آپ نیل لگا کر چمکا تو دیتی ہیں۔
میری شرٹ ؟؟؟؟
ہاں یہی تمہاری پتھیٹک بلیو شرٹ ۔۔۔۔ ( pathetic blue shirt )
ہے یو آل کم ہیر،سی۔۔ مسٹر بلیو شرٹ رومیو ( hey you all come here, see Mr. Blue Shirt romeo ) کو عشق کا بخار چڑھا ہے، ہاہاہاہاہا۔۔
آؤ نازیہ، لوک ایٹ ہِم ، وٹ ہی سیڈ ۔۔۔۔۔ ہاہاہاہا ۔ ہی سیڈ ہی وانا میری می بکاز ہی ایڈور می ۔۔۔ ( look at him, what he said, hahaha, he said he wana marry me because he adore me )
ہا ہا ہا ہا ہا ہا ہا۔۔۔۔۔ ہا ہا ہا ہا ہا ہا ہا ۔۔۔۔۔ ہا ہا ہا ہا ہا
ہال تو کبھی اسکو ملنے والے میڈل پر بھی اتنا نہیں گونجا تھا۔۔۔۔۔۔۔۔ سب اتنا ہنس کیوں رہے ہیں؟؟
سردی بھی نہیں ہے، میں کانپ کیوں رہا ہوں؟؟؟؟
شکیل مجھے ائندہفون نہیں کرنا، میں یونیورسٹی چھوڑ رہا ہوں۔
پاگل ہو گیا ہے کیا؟
ہاں ہو گیا ہوں، ساری یونیورسٹی کے سامنے جو ہوا، پتا نہیں ہے تمہیں کیا؟
مجھے کیا پتا تھا تُو سچ میں جا کر بول بھی دیگا، تجھے نہیں پتا وہ کیسی ہے؟
نہیں مجھے نہیں پتا، بتا کیسی ہے وہ؟؟
تو چھوڑ نا جگر، آتا ہے یا میں آؤں لینے؟
میں نے اپنا روم چھوڑ دیا ہے، مت آنا۔ خدا حافظ
سن تو۔۔۔
ٹوں ٹوں ٹوں ٹوں ۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جی جی ملک صاحب میں بالکل ٹھیک ہوں ۔۔۔۔ارے نہیں ڈاکٹر کی ضرورت نہیں ہے، آئی ایم فٹ اینڈ فائن۔ بس ذرا موسم بدلا ہے نا۔۔ اب تو بارش نہیں ہے۔۔ نیلاآسمان ۔۔نکل۔۔۔۔۔
حمزہ، حمزہ ۔۔۔۔۔ آر یو دیئر؟؟؟ ہیلو؟
جی جی میں یہیں ہوں ملک صاحب، سگنلز کا پرابلم ہے۔
میں پارٹی میں ٹائم پر آجاؤں گا ، یو ڈونٹ وری۔
کاکا۔۔ میں ذرا پاس کی مارکیٹ جا رہا ہوں، گیٹ اندر سے بند کرلیں۔
جی اچھا صاحب۔
ارے آپ، یو آر آور نیو نیبر؟
یس آیم حمزہ، اینڈ یو؟ ۔۔۔۔۔۔۔
جناب آپ تو کمال انسان ہیں، کبھی آئیے چائے پر،
ضرور ۔۔ نیکسٹ سنڈے ڈن۔
حمزہ صاحب یہ آپکے ساتھ والے نیبرز نے بہت شور مچایا ہوتا ہے روز۔
اگر آپ مناسب سمجھیں تو ہم ساتھ جا کر بات ۔۔۔۔
اسد پلیز مجھے مت مارو
حمزہ صاحب، جناب، کدھر کھو گئے؟
نہیں کچھ نہیں۔ آپ تکلیف نا کریں، میں ایک دفعہ خود بات کرتا ہوں۔
او کے۔ سی یو دین۔
اُس دن مارا تھا دیکھو ابھی تک ٹھیک نہیں ہوا، پلیز مت مارو ۔۔
حمزہ جا کر دیکھ تو لو، نہیں وہ نہیں ہو گی۔۔۔۔
جناب 530روپے۔۔
نہیں ایسا نہیں ہو سکتا۔۔
حمزہ صاحب میں نے سامان کا حساب ٹھیک کیا ہے آپ چیک کر لیں بے شک۔
کونسا سامان؟
جو آپ نے ابھی لیا ہے۔
اوہ ہاں۔ سوری، یہ لو پیسے۔
اسد منزل ۔۔۔۔
اسد کام کیا کرتا ہو گا۔ اس وقت گھر نہیں ہو گا۔
ٹنگ ٹانگ، ۔۔۔۔۔۔ ٹنگ ٹانگ ۔۔۔۔
میں کہوں گا کیا آخر؟
آ رہی ہوں ۔۔۔۔
حمزہ بھاگ جا۔۔ یہ کوئی اور ہے
اسد پلیز مجھے مت مارو۔۔
شک دور کر لیتا ہوں۔
لیکن کہوں گا کیا۔ کیوں آیا ہوں؟
حمزہ ۔۔۔۔۔۔۔۔۔۔۔۔۔۔۔۔۔ تم ؟؟؟؟؟؟؟
صاحب جی دروازہ کھولیں ، صاحب جی
کیا ہوا ہے کاکا، اس ٹائم ؟ خیر تو ہے؟
وہ صاحب جی وہ ساتھ گھر والی بی بی۔۔ وہ صاحب۔۔
کاکا کیا ہوا ہے جلدی بتاؤ
وہ انکا پھر بہت جھگڑا ہوا رات کو، اور
اور کیااااااا، وہ چیخا ۔۔۔۔
وہ بی بی نے خود کو آگ لگا لی ….
کالونی کا کوئی بھی آدمی اندر نہیں جا رہا پولیس کیس ہے.
کاکا گاڑی نکال کر انکے گھر کے آگے لاؤ، میں اسے اٹھا رہا ہوں، جلدی ۔۔۔۔۔
مسٹر حمزہ۔۔؟
یس اٹس می
مس زرقون کے ساتھ آپ ہیں؟
یس ۔۔۔۔
آپکے اپنے ہاتھ کے برن کیسے ہیں اب؟
حمزہ ۔۔۔۔۔۔۔۔۔۔۔۔۔۔۔۔۔ تم ؟؟؟؟؟؟؟
زرقون۔۔۔۔۔
کیسی ہو؟
میں ٹھیک ہوں۔تم یہاں کیسے؟ میرا مطلب وہ تم میرے گھر؟ اچھا اندر آؤ، دروازے پر کھڑے ہو۔
مسٹرحمزہ، مسٹر حمزہ ؟؟؟؟
جی ڈاکٹر؟
آپکے اپنے ہاتھ کے برن کیسے ہیں اب؟
ڈاکٹر میں ٹھیک ہوں، آپ زرقون کا بتائیے،
اوہ یس، دیکھیں انہیں سیکنڈ ڈگری برن آئے ہیں۔ انکا آدھا جسم جھلس چکا ہے۔
تھینکس گاڈ جان بچ گئی ہے، بٹ شی از ان ٹراما۔
لیکن انکے چہرے اور جسم پر جگہ جگہ نیل کے نشان بھی ہیں۔
زرقون یہ تمہارے چہرے پر نیل کیسے ہیں، کہیں اسد ۔۔۔۔
ارے نہیں اسد تو میرا بہت خیال رکھتے ہیں،وہ میں،وہ میں سیڑھیوں سے گر گئی تھی۔ تم نے بھی مجھے کن باتوں میں لگا دیا۔ میں تمہارے لیے چائے لیکر ابھی آئی۔۔۔۔۔
ڈاکٹر میں مل سکتا ہوں زرقون سے؟
اوہ یس شیور۔ وہ ہوش میں ہیں لیکن بہت خیال کرنے کی ضرورت ہے۔
تھینکس ۔۔۔۔۔۔آئی ول ۔
زرقون۔۔
تم فکر نہیں کرو۔ ٹھیک ہو جاؤں گی۔
حمزہ ۔۔۔۔۔
ہاں ۔۔۔
اس نے مجھے طلاق دے دی ہے۔
جانتا ہوں، تم ابھی ایسا کچھ مت سوچو۔ مجھے اپنے گھر والوں کا نمبر دو۔ تمہارے پاپا کو بلانا ہوگا۔
حمزہ ، پاپا کی ڈیتھ ہوچکی ہے۔
وٹ ؟ کب ؟
بہت سال پہلے۔
تو اور کوئی ؟
چچا نے سب پراپرٹی پر قبضہ کرلیا ۔ امی کیس لڑتی لڑتی ایک دن ہارٹ اٹیک سے ۔۔۔۔۔۔
اچھا تم رو نہیں، تمہاری کنڈیشن ٹھیک نہیں ہے۔ ریلکس۔ آئی ایم ہیر۔
حمزہ تم ایک دفعہ پھر سوچ لو۔۔۔۔
ملک صاحب میں سوچ چکا ہوں۔
دیکھو حمزہ۔۔۔ مدد کر دینا اورساری زندگی کے لیے ایسی لڑکی، آئی مین۔ شی از ہالف برنٹ اینڈ ڈای وورسڈ۔تم سمجھ رہے ہو نا؟
تمہیں تو کوئی بھی مل جائے گی۔ اِن فیکٹ، مجھے کافی فیملیز ( families ) تمھارے لیے کہہ چکی ہیں۔ وہ رانا صاحب کی بیٹی امریکہ سے بزنس میں ماسٹرز کر کے فادر کا بزنس ہینڈل کر رہی ہے ۔۔۔۔۔۔۔۔۔۔
حمزہ یہ تم کیا کہہ رہے ہو؟
زرقون، زبردستی نہیں ہے۔ اگر تم اب بھی مجھے اس قابل نہیں سمجھتی، میں شکوہ نہیں کروںگا۔
تم آرام سے رہو یہاں۔۔ میں رینٹ کے گھر میں شفٹ ہو جاوں گا۔ گھر کے پیپرز میں نے سائن کر دیے ہیں، آج سے یہ گھر تمہارا ہے۔
تمہارے نام سے اکاؤنٹ اوپن کر دیا ہے، میں نے اپنے ہالف شیئرز تمہارے نام کر دیے ہیں۔
ہر مہینے پرافٹ اکاؤنٹ میں آجائیگا۔
تم بیگ کیوں پیک کر رہے ہو؟
شفٹ ہو رہا ہوں۔
تم سمجھتے کیوں نہیں ہو،میں تمہارے قابل نہیں ہوں۔ حمزہ مجھے میری نظروں سے مت گراؤ۔۔ پلیز۔
میں بوجھ ہوں۔ تم یہ ڈیزرو نہیں کرتے۔
تم ہیرا نا سہی لیکن عام پتھر بھی نہیں۔ تم زرقون ہو۔ بہرحال، تم نہیں سمجھو گی۔
نرس ول ٹیک کیئر۔ میں چکر لگاتا رہوں گا بائے ۔
ملک صاحب ۔ میں فیصلہ لے چکا ہوں۔ اٹل فیصلہ۔کائنڈلی اگر آپ مولوی صاحب کو اس سنڈے چار گواہوں کے ساتھ لے آئیں، 10 مہینے ہو گئے ہیں، زرقون بھی بہتر ہے۔ میں سادہ نکاح کرنا چاہتا ہوں۔
زرقون مان گئی ہے؟
جی۔
تم نہیں ماننے والے۔ او کے میں لے آؤںگا۔
ٹیک کیئر۔ اللہ حافظ
حمزہ ایک بات کہوں مانو گے؟
ہاں بولو۔
نکاح پر بلیو شرٹ پہننا۔
مائی فٹ ۔ ۔۔۔ جسٹ شٹ اپ۔۔۔ ہو دا ہیل یو تھنک یو آر؟ خود ہفتہ میں چار دن یہ سڑی ہوئی نیلی شرٹ واش کرکے پہنتے ہو۔۔۔۔ تم میرے ایک ڈیزائینر ڈریس کی قیمت جانتے ہو؟
حمزہ ؟
بیٹا اس دفعہ تنخواہ ملنے پر اپنے لیے نئی شرٹ لے آنا
حمزہ ؟؟
ہاں یہی تمہاری پتھیٹک بلیو شرٹ
حمزہ ۔۔۔۔ کیا ہوا؟؟؟
ہے یو آل کم ہیر، سی۔۔مسٹر بلیو شرٹ رومیو کو عشق کا بخار چڑھا ہے،
ہاہاہاہاہا، آؤ نازیہ، لوک ایٹ ہِم، وٹ ہی سیڈ ۔۔۔۔۔
ہاہاہاہا ۔ ہی سیڈ ہی وانا میری می بکاز ہی ایڈور می ۔۔۔
ہا ہا ہا ہا ہا ہا ہا۔۔۔۔۔ ہا ہا ہا ہا ہا ہا ہا ۔۔۔۔۔ ہا ہا ہا ہا ہا
حمزہ کیا سوچ رہے ہو؟ آئی ایم سوری مجھے نہیں کہنا چاہیے تھا۔
زرقون ۔۔۔۔
جی ۔۔۔
چلو بلیو شرٹ لیکر آئیں اور تم نے بھی تو شادی کی شاپنگ کرنی ہو گی۔ واپسی پر لانگ ڈرائیواور کافی پی لینگے۔
زرقون نے گاڑی کا شیشہ کھول کر باہر دیکھا ۔۔۔۔۔۔
بہت دنوں تک بارش کے بعد آج آسمان دُھل کے نیلا لگ رہا تھا،
بہت نیلا ۔۔۔۔
جیسے زرقون کا بنا ہوا ہو۔۔۔۔۔۔!!!!

Facebook Comments

عثمان گل
پیشے کے لحاظ سے اِنجینیئر۔ معاشرے میں رنگ، نسل، زبان اور مذہب کے لحاظ سے مثبت تبدیلی کا خواہاں

بذریعہ فیس بک تبصرہ تحریر کریں

Leave a Reply