وادئ سوات میں سردی کی آمد کے ساتھ سیاحت میں بھی اضافہ ہو گیا ہے، مالم جبہ میں جیپ اینڈ بائیک ریلی کے دوسرے ایڈیشن کا بھی آغاز ہو گیا۔

فرنٹیئر فور بائی فور اور پاک فوج کے تعاون سے منعقدہ دو روزہ جیپ اینڈ بائیک ریلی پشاور سے مالم جبہ تک منعقد کی جا رہی ہے، اس ریلی میں پاکستان بھر سے 30 جیپ اور 15 بائیکس حصہ لے رہی ہیں۔

ریلی کے شرکا نے پشاور موٹر وے انٹرچینج سے اپنے سفر کا آغاز کیا، سڑکوں اور آف روڈ سفر کرتے ہوئے ریلی مالم جبہ پر اختتام پذیر ہوئی۔