کیپٹن مبین زیدی شہید کی بیٹی کے نام

کیپٹن مبین زیدی شہید کی بیٹی کے نام
(اور ہر بہادر کی بیٹی کے نام)
میری بیٹی
میں سمجھ سکتا ہوں
تری آنکھوں میں فقط دکھ ہی نہیں
خوف بھی ہے
آتے ہوے لمحوں کا تفکر
پیشانی پہ عیاں ہے،
مگر ضبط
کہ سفر لمبا ہے
یہ یتیمی کوئی آسان نہیں ہے گڑیا
یتیمی تیرے چہرے پہ اتر آئے گی
خوش ہوتے ہوے لمحوں
تنہائی کی راتوں
اور کتنی ہی باتوں میں
بابا کی تجھے یاد آئے گی
کب تک یہ کسک جانے
یوں تجھ کو ستائے گی،
لیکن مری بیٹی
ترے بابا نے شہادت دے کر
جو تاج ترے سر پہ سجایا ہے
اس تاج نے اے ننھی پری
ہم سب کے دلوں کی تجھ کو
ملکہ بنا ڈالا ہے
یہ تاج کبھی بھی تجھ کو
تنہا نہیں رہنے دے گا
انعام رانا

Avatar
انعام رانا
انعام رانا کو خواب دیکھنے کی عادت اور مکالمہ انعام کے خواب کی تعبیر ہے

بذریعہ فیس بک تبصرہ تحریر کریں

براہ راست تبصرہ تحریر کریں۔

Your email address will not be published. Required fields are marked *