تتھاگت نظم (31)…….سلسلہ سوالوں کا

سلسلہ سوالوں کا

(آنند : بھوج پتر پر کیوں لکھتے ہی ۔۔۔۔۔۔۔۔۔۔۔۔۔۔۔بھوج پتر: (درخت کی چھال سے بنائے گئے مخطوطات
اپنے دھرم گرنتھ ہم سارے؟

تھاگت : تا کہ آنے والی نسلیں ان کو پڑھ کر
سیکھ سکیں وہ سب کچھ جو ان کے پرکھوں نے
سوچا، سمجھا اور سمویا تھا اپنی “دن چریا” میں ۔۔۔۔۔۔۔۔۔ (دن چریا) : روز کا معمول

آنند : لیکن، گرُو ور، یہ تو بتائیں
کیا یہ حقیقت پر مبنی ہے
ہر آنے والا یُگ اپنے دور کی سچائی کو
اس “سندربھ” میں ہی رکھتا ہے ۔۔۔۔۔۔۔۔۔۔۔۔۔۔۔۔۔۔۔۔۔(سندربھ) : تناظر، حوالہ
جس میں وہ یُگ بیت رہا ہو؟
پچھلے یُگ کی سچائی کیا بدلے ہوئے ماحول میں
جھوٹ نہیں ہو سکتی؟

تتھاگت:ہو سکتی ہے
لیکن جو یُگ بیت گیا ہے، اس کی حقیقت
اور نئے یُگ کی سچائی
آپس میں یوں جُڑی ہوئی ہیں
جیسے شاخ سے شاخ نکل کر
اونچی اُٹھ کر
دھوپ، ہوا اور بارش سےخود
اپنی غذا لینے کا آپ جتن کرتی ہے
پہلی شاخ پہ شاید دھوپ نہ پڑتی ہو اب
اس کے پتے اب شاید جھڑتے جاتے ہوں
نئی شاخ کچھ اونچی اُٹھ کر
پیچھے اوپر جاتی ہے اس بات کی خاطر
دیکھ سکے وہ پچھلی شاخ کی سچائی کو
لیکن اس کا
اپنی آج کی اصلیت تج دینا ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔(تج دینا) : : ترک کر دینا
اپنے مردہ ماضی سے چپکے ہی رہنا
جیتے جی مرنے کی طرح ہے۔

آنند : کیا سمجھوں میں
بھوج پتر کی مہما کیول اتہاس ہے ۔۔۔۔۔۔۔۔۔۔۔۔۔۔(مہما) : وقعت ، اہمیت۔ (اتہاس) : تواریخ
یعنی اُس سے شکھشا لے کر اس پر چلنا
اہم نہیں ہے؟

تتھاگت: منطق کی ان بھول بھلیــۤوں میں مت پڑو
سنو اور سمجھو بھکشو
ماضی مر جاتا ہے لیکن
حال سے اس کا رشتہ ایسے ہی رہتا ہے
جیسے بڑی شاخ کو چھوٹی ٹہنی سے تھا
بڑی شاخ اگر کٹ جائے، یا گر جائے
چھوٹی شاخ بھی گر جائے گی

آنند : تو پھر، گویا میں یہ سمجھوں
بھوج پتر کی مہما کیول اس سچائی کا مظہر ہے ۔۔۔۔۔(کیول) : صرف
جس میں ‘کل’ جو تھا وہ ‘آج’ بھی ہے، لیکن وہ
کل’ کا ‘آج’ نہیں ہے

Advertisements
julia rana solicitors

تتھا گت: ٹھیک ہی سمجھے ہو تم بھکشو

Facebook Comments

ستیہ پال آنند
شاعر، مصنف اور دھرتی کا سچا بیٹا

بذریعہ فیس بک تبصرہ تحریر کریں

Leave a Reply