ہفتے کو چیف جسٹس آف پاکستان جسٹس ثاقب نثارلاڑکانہ کے چانڈ کا ٹیچنگ اسپتال کے دورے پر پہنچے،جہاں انہوں نے مختلف وارڈز کا معائنہ کیا۔
اسپتال کے آئی سی یو، یورولوجی وارڈ سمیت لیبارٹری کی ابترصورتحال پرچیف جسٹس نے برہمی کا اظہار کرتے ہوئے ایم ایس کی سرزنش کر دی اور کہا میری آمد پر اسپتال کی یہ حالت ہے تو اس سے پہلے کیا ہوگی۔
چیف جسٹس نے ہسپتال میں کچرے کے ڈھیر دیکھ کر ایم ایس اور میئر کی سرزنش کر دی اور انتظامیہ کو فوری طور پر کچرے کے ڈھیر ہٹانے کا حکم دے دیا۔
میئر لاڑکانہ نے کہا کہ اسپتال کے اندر صفائی کی ذمہ داری اسپتال انتظامیہ کی ہے۔
کیس کی شنوائی نہ ہونے پر خاتون نے چیف جسٹس کے سامنے احتجاج کیا اور کہا شوہر کے انتقال کے بعد دیور نے جھوٹا مقدمہ کرایا، پولیس نے تحقیقات کے بعد بے گناہ قرار دے دیا۔
جوڈیشل مجسٹریٹ کی عدالت 7 ماہ سے کیس سمری منظور نہ کر رہی، جس پر چیف جسٹس نے معاملہ حل کرنے کا حکم دے دیا۔
Facebook Comments
بذریعہ فیس بک تبصرہ تحریر کریں