بجٹ 2024-25 میں آئی ایم ایف کے دباؤ پر حکومت نے نیا پنشن نظام  متعارف کرانے کا  فیصلہ کرلیا۔

رپورٹ کے مطابق وفاقی وزیر خزانہ محمد اورنگ زیب نے اعلان کیا ہے کہ پنشن اخراجات اب غیر حقیقی طور پر بڑھ چکے ہیں لہذا   سہ جہتی حکمت عملی متعارف کرادی گئی ہے۔ جس کے نتیجے میں حکومت پر اگلے 30 سال تک پنشن کا بوجھ کافی حد تک کم ہوجائے گا۔

ان کا کہنا تھا کہ آئندہ بھرتی ہونے والے ملازمین کیلئے کنٹری بیوٹری پنشن اسکیم متعارف کرائی جائے گی جس کےتحت حکومت اپنا مقررہ حصہ ہر ماہ ادا کردے گی۔ ان ملازمین کی پنشن ان کی ملازمت کے آغازسے ہی جمع ہونی شروع ہوجائے گی۔