اسلام آباد: صدر مملکت ڈاکٹرعارف علوی نے ایک تقریب سے خطاب کرتے ہوئے کہا کہ پاکستان جوہری ہتھیاروں کی دوڑ میں نہیں ہے۔عارف علوی کا کہنا تھا کہ پاکستان خطے کے تمام ممالک میں امن اور استحکام کا خواہاں ہے، پاکستان جوہری ہتھیاروں کی دوڑ میں نہیں ہے۔ جوہری ہتھیار صرف دفاع کیلئے ہیں۔صدر پاکستان کا کہنا تھا کہ پاکستان دنیا میں جوہری عدم پھیلاؤ کا حامی ہے،عالمی امن کولاحق خطرات سے مشترکہ طور پر ہی نمٹا جاسکتا ہے۔ان کا مزید مزید کہنا تھا کہ حکومت سماجی شعبے کی ترقی کیلئے پر عزم ہے۔