مکالمہ عید اور اہم فیصلہ

عزیزان گرامی عید خوشی کا دن ہے، اسے منانا مسنون بھی ہے اور روایت بھی۔ لیکن اپنے گھر میں میت پڑی ہو تو خوشی منانا جچتا نہیں۔ اپنی ذاتی زندگیوں میں ہم سب ہی عید منائیں گے کہ اس سے فرار ممکن نہیں۔ لیکن قومی سطح پر پچھلے چند دنوں میں کوئٹہ، پارا چنار، کراچی اور اج احمد پور شرقیہ میں جو سانحات و اموات ہوئیں، اسکے بعد ایک قومی سطح کی عید بے حسی ہو گی۔
ہم کارپوریٹ میڈیا پر یہ تنقید کرتے ہیں کہ وہ بے حس ہے اور ایک ہی سانس میں ماتم و جشن منا کر ریٹنگ اور دولت اکٹھی کرتا ہے۔ یہ سوشل میڈیا جو ہم نے متبادل میڈیا کے طور پر کھڑا کیا، اسکو مختلف روایت پیش کرنا ہو گی۔
اسی لئیے مُکالمہ انتظامیہ نے فیصلہ کیا ہے کہ ہم مُکالمہ کی سطح پر عید نہیں منائیں گے۔ عید کی خوشی کے مضامین نہیں شائع ہوں گے۔
مزید ازاں مکالمہ اپنے قارئین سے گزارش کرتا ہے کہ ان ایشوز پر سیاست سے گریز کرتے ہوے ایک قومی بیانیہ کی ترتیب پر توجہ دیں جو مسائل کا حل بن سکے۔ اپ میں سے جو لوگ کسی بھی طرح متاثرین کی مدد کر سکیں، ان سے گزارش ہے کہ وہ بڑھ چڑھ کر یہ کام کریں۔ مُکالمہ ان سانحات سے متاثرین کے دکھ میں شریک ہے اور مرحومین کیلیے دعاگو۔ دعا ہے کہ اللہ کریم ہمارے ملک پر رحم فرمائے اور آفتوں سے حفاظت فرمائے۔ امین

Advertisements
julia rana solicitors

ادارہ مکالمہ

Facebook Comments

انعام رانا
انعام رانا کو خواب دیکھنے کی عادت اور مکالمہ انعام کے خواب کی تعبیر ہے

بذریعہ فیس بک تبصرہ تحریر کریں

براہ راست ایک تبصرہ برائے تحریر ”مکالمہ عید اور اہم فیصلہ

  1. اللہ پاک آپ کو اور زیادہ احساس عطا فرما تاکہ اس درد کا کچھ مداواکیا جا سکے

    بہت ہی اچھا فیصلہ اور ذمہ داری کا احساس ہے ۔۔۔
    اللہ آپ کو اجر عظیم عطا فرما

Leave a Reply