مسلم لیگ ق کے آئین میں ترمیم کرکے صدر کی مدت دو سال کرنے سے متعلق چودھری وجاہت کی درخواست الیکشن کمیشن نے مسترد کر دی۔

تفصیلات کےمطابق الیکشن کمیشن نے فیصلے میں چودھری وجاہت کی درخواست مسترد کرتے ہوئے قرار دیا ہےکہ چودھری وجاہت پارٹی آئین میں ترمیم نہیں کرسکتے تھے، الیکشن کمیشن کا چودھری شجاعت کے پارٹی صدر برقرار ہونے سے متعلق فیصلہ اس وقت موجود تھا۔

الیکشن کمیشن کا کہنا ہےکہ پرانے فیصلے کے مطابق چوہدری شجاعت پارٹی سربراہ ہیں، چوہدری وجاہت کی درخواست مسترد کی جاتی ہے۔

Advertisements

خیال رہے کہ 26 جنوری کو مسلم لیگ ق کے رہنما اور چوہدری وجاہت حسین نے پارٹی کے آئین میں ترمیم کی تھی جس کے تحت صدر کی مدت کو کم کرکے 2 سال کردیا گیا تھا۔