• صفحہ اول
  • /
  • خبریں
  • /
  • سال نو کے پہلے شہابِ ثاقب کا نظارہ پاکستان میں بھی دیکھا جاسکے گا

سال نو کے پہلے شہابِ ثاقب کا نظارہ پاکستان میں بھی دیکھا جاسکے گا

نیویارک: ماہرین فلکیات کا کہنا ہے کہ تین اور چار جنوری کی درمیانی رات آسمان پر شہابِ ثاقب بڑی تعداد میں نمودار ہوگا جو پاکستان سمیت دنیا بھر میں دیکھا جاسکے گا۔

خلائی سائنس میں دلچسپی رکھنے والے افراد کے لیے خبر یہ ہے کہ آج رات آسمان پر شہاب ثاقب کی روشنیوں کی بھرمار ہوگی ماہرین کے مطابق یہ ایک نہایت ہی خوبصورت اور دلفریب نظارہ ہوگا۔

ناسا خلائی تحقیقاتی مرکز کے  ترجمان کا کہنا ہے کہ شہاب ثاقب کے دیو ہیکل اجسام کراہ ارض کے انتہائی قریب سے سفر کریں گی جن کی رفتار 17 سو کلومیٹر فی سیکنڈ ہوگی۔

واضح رہے کہ ہر سال دسمبر اور جنوری میں آسمان پر شہاب ثاقب نمودار ہوتے ہیں جو عام آنکھ سے بھی نظر آتے ہیں تاہم دلفریب نظارے سے محظوظ ہونے کے لیے کچھ لوگ ٹیلی اسکوپ کا سہارا لیتے ہیں۔

مطلع صاف ہونے پر پاکستان میں یہ نظارہ تین اور چار جنوری کی درمیانی شب با آسانی دیکھا جا سکے گا، ماہرین فلکیات کے مطابق 1  گھنٹے کے دوران 40 سے زائد شہاب ثاقب گزرنے کا امکان ہے۔

ماہرین کا کہنا ہے کہ آسمان صاف ہوا تو روشن لکیریں باآسانی نظر آسکتی ہیں، یہ فلکیاتی مظہر دراصل ہیلے نامی دم دار ستارے کا ملبہ زمین کی حدود میں داخل ہونے کے بعد آسمان پر شہابِ ثاقب نمودار ہوتے ہیں۔

Shopping Revolution

بذریعہ فیس بک تبصرہ تحریر کریں

براہ راست تبصرہ تحریر کریں۔

Your email address will not be published. Required fields are marked *