• صفحہ اول
  • /
  • خبریں
  • /
  • یورپ بھر میں مسلمان شب برأت عقیدت و احترام سے منا رہے ہیں

یورپ بھر میں مسلمان شب برأت عقیدت و احترام سے منا رہے ہیں

برسلز: یورپی ممالک میں موجود مسلمان شب برأت عقیدت و احترام کے ساتھ منا رہے ہیں، شب بیداری کے دوران مسلمان کرونا کے خاتمے کے لیے خصوصی دعائیں کریں گے۔

تفصیلات کے مطابق یورپ بھر میں مسلمان شب برأت عقیدت و احترام سے منا رہے ہیں، علما کا کہنا تھا کہ یورپ میں کرونا وائرس کے سبب مساجد بند ہونے کی وجہ سے مسلمان گھروں میں شب بیداری کر کے کرونا کے خاتمے کے لیے دعا کریں۔

علما نے شب برات کے حوالے سے سوشل میڈیا پر لائیو خطاب کیے، علما نے ہدایت کی کہ اللہ سے سچے دل سے توبہ کر کے اپنے گناہوں کی معافی مانگیں، تاکہ کرونا وائرس کی وبا ختم ہو۔

شب برأت، ’گھروں پر رہ کر کرونا سے نجات کی دعا مانگیں‘

خیال رہے کہ پاکستان میں بھی آج شب برأت ہوگی، لوگ گھروں پر رہتے ہوئے شب بیداری کریں گے اور خصوصی دعائیں مانگی جائیں گی۔ اس سلسلے میں گزشتہ رات وزیر اطلاعات سندھ ناصر حسین شاہ نے کہا کہ کرونا وبا سے بچنے کے لیے ضروری ہے کہ شب برأت کے موقع پر لوگ گھروں میں رہ کر عبادت کریں اور کرونا سے نجات کی بھی دعا مانگیں۔

صوبائی وزیر اطلاعات نے اے آر وائی نیوز کے پروگرام ’الیونتھ آور‘ میں گفتگو کرتے ہوئے عوام سے درخواست کی تھی کہ وہ احتیاط کریں اور انفرادی عبادت کریں۔ انھوں نے کہا کہ زندگی میں کبھی ایسے حالات نہیں دیکھے، لوگوں کو محفوظ رکھنے کے لیے ایسے سخت اقدامات اٹھائے جا رہے ہیں۔

بذریعہ فیس بک تبصرہ تحریر کریں

براہ راست تبصرہ تحریر کریں۔

Your email address will not be published. Required fields are marked *