• صفحہ اول
  • /
  • خبریں
  • /
  • حکومت پنجاب کا لاک ڈاؤن سے متاثرہ مزدوروں کے لیے خصوصی پیکج کا فیصلہ

حکومت پنجاب کا لاک ڈاؤن سے متاثرہ مزدوروں کے لیے خصوصی پیکج کا فیصلہ

لاہور: حکومت پنجاب نے لاک ڈاؤن سے متاثرہ دیہاڑی دار اور مزدور طبقے کے لیے خصوصی پیکح دینے کا فیصلہ کر لیا۔

وزیر اعلیٰ پنجاب کی زیر صدارت بند کمرے کے بجائے لان میں اجلاس منعقد ہوا جس میں پنجاب فنانشل پیکج کے حوالے سے سفارشات اور تجاویز کا جائزہ لیا گیا۔

وزیر اعلیٰ پنجاب عثمان بزدار نے دیہاڑی دار اور مزدور طبقے کے لیے پیکج کا طریقہ کار طے کرنے کی ہدایت کی۔ لاک ڈاؤن سے متاثرہ دیہاڑی دار اور مزدور طبقے کو ایزی پیسہ کے ذریعے مالی ریلیف دیا جائے گا۔

ریلیف پیکج کے لیے اضلاع کی سطح پر ڈپٹی کمشنر کی سربراہی میں کمیٹیاں بنانے کا فیصلہ کیا گیا۔ خصوصی کمیٹیوں میں عوامی نمائندے اور دیگر مکاتب فکر کو نمائندگی دی جائے گی۔

اس موقع پر وزیر اعلیٰ پنجاب عثمان بزدار نے کہا کہ فرائض کی انجام دہی کے دوران شہید ہونے والے سرکاری ملازمین کو خصوصی پیکج دیا جائے گا جبکہ نادار طبقے کو مشکل کی گھڑی میں تنہا نہیں چھوڑیں گے۔

Advertisements
julia rana solicitors

انہوں نے کہا کہ پاکستان تحریک انصاف (پی ٹی آئی) کی حکومت نادار طبقے کی ضروریات کا خیال رکھے گی اور وزیر اعظم ریلیف پیکج کے تحت بھی محنت کشوں کو مالی مراعات دی جائیں گی۔

Facebook Comments

خبریں
مکالمہ پر لگنے والی خبریں دیگر زرائع سے لی جاتی ہیں اور مکمل غیرجانبداری سے شائع کی جاتی ہیں۔ کسی خبر کی غلطی کی نشاندہی فورا ایڈیٹر سے کیجئے

بذریعہ فیس بک تبصرہ تحریر کریں

Leave a Reply