• صفحہ اول
  • /
  • خبریں
  • /
  • پاکستان کا مسلم مخالف تنظیموں کو دہشت گرد قرار دینے کا مطالبہ

پاکستان کا مسلم مخالف تنظیموں کو دہشت گرد قرار دینے کا مطالبہ

واشنگٹن/اسلام آباد: اقوام متحدہ میں پاکستان کے سفارتی میشن نے مطالبہ کیا ہے کہ جنوبی ایشیا اور یورپ میں مسلم مخالف تنظیموں کو دہشت گرد قرار دیا جائے۔

اقوام متحدہ کی انسداد دہشت گردی کیخلاف حکمت عملی کے جائزہ عمل کے دوران پاکستان نے یہ مطالبہ کیا۔

پاکستان کے سفارتی مشن نے مطالبہ کیا ہے کہ اقوام متحدہ کو انسداد دہشت گردی کیخلاف حکمت عملی میں اسلام دشمن تنظیموں اور ہندو توا جیسے انتہا پسند نظریات کا احاطہ بھی کرنا چاہیے۔

سفارتی میشن کا کہنا ہے کہ دہشت گردی کیخلاف حکمت عملی کو موثر اور جامع بنانے کے لیے بہت سی تجاویز دی ہیں اور توقع کی جا رہی ہے کہ پاکستانی کی تجاویز زیرغورآئیں گی۔

اقوام متحدہ نے2006 میں حکمت عملی بنائی تھی جس کا مقصد دہشت گردی کا مقابلہ کرنے کیلئے بین الاقوامی تعاون کو فروغ دینا تھا لیکن اس کا اطلاق صرف القاعدہ ، داعش اور ان سے وابستہ افراد اور تنظیموں پر کیا گیا۔

مذکورہ پالیسی کا ہر دو سال بعد جائزہ لیا جاتا ہے۔ رواں برس جائزہ عمل کے دوران پاکستان نے مطالبہ کیا ہے کہ اس کا اطلاق بلا تفریق تمام دہشتگرد تنظیموں پر کیا جائے۔

Advertisements
julia rana solicitors london

پاکستان نے اقوام متحدہ میں تجاویز پیش کرنے سے قبل اسلامی ممالک کی تنظیم او آئی سی سے مشاورت کی ہے جس نے مکمل تعاون کی یقین دہائی کرائی ہے۔

Facebook Comments

خبریں
مکالمہ پر لگنے والی خبریں دیگر زرائع سے لی جاتی ہیں اور مکمل غیرجانبداری سے شائع کی جاتی ہیں۔ کسی خبر کی غلطی کی نشاندہی فورا ایڈیٹر سے کیجئے

بذریعہ فیس بک تبصرہ تحریر کریں

Leave a Reply