خودکشی حرام ہے۔۔سانول عباسی

تمام مسلمانوں سے درخواست ہے آپ چاہے کسی بھی مکتبہ فکر سے تعلق رکھتے ہوں انسانی جان انتہائی قیمتی ہے اور اس کا نعم البدل کچھ بھی نہیں اور جو مسلمان احتیاط نہیں کرے گا اس کی موت خودکشی تصور ہو گی اور اسلام میں خودکشی حرام ہے اور اس وبا کے دور میں اگر کوئی مسلمان بےاحتیاطی کی وجہ سے ہلاک ہوتا ہے تو وہ شہید نہیں بلکہ اس نے اپنے ہاتھوں سے اپنا قتل کیا ہے اور اس کی وجہ سے کسی اور کی جان پہ بن آتی ہے تو اس کا وبال بھی اس شخص پہ ہو گا جس کی بےاحتیاطی کی وجہ سے ایک تندرست انسان بیماری یا کسی انتہائی صورتحال سے دوچار ہوتا ہے۔

آفت کے دنوں میں عام حکم ساقط ہو جاتے ہیں اور آجکل ایک وبا کی شکل میں آفت ہمارے سروں پہ منڈلا رہی ہے تو عام حکم کی بجائے آفت سے بچتے ہوئے فرائض ادا کیے جائیں، نمازیں مسجدوں میں ادا کرنے کی بجائے گھروں میں پڑھیں اور مسجدوں کے منتظمین اس بات کے پابند ہیں کہ ایک ذمہ دار شہری ہونے کے ناطے مسجدوں کو اذان کے فورا ًبعد لازما بند کر دیں اگر ایسا نہیں کرتے تو وبال کے لئے تیار رہیں اللہ رب العزت کو انسان بہت عزیز ہے اور جن لوگوں کی لاپروائی سے انسان پہ کڑا وقت آئے گا ان کے لئے سخت وقت آ کے رہے گا۔

tripako tours pakistan

وہ لوگ جو سماج پہ اثر انداز ہو سکتے ہیں یا ان کی بات کچھ لوگوں پہ اثرکرتی ہے تو وہ اتنے ہی زیادہ جوابدہ ہیں جو جتنی بڑی شخصیت کا مالک ہے اتنا ہی وہ جوابدہ بھی ہے اور اگر اس کے جذباتی پن کی وجہ سے اگر سادہ لوح انسانوں پہ کوئی آفت ٹوٹتی ہے تو وہ دنیا میں تو شاید بچ جائے اگرباضمیر ہوا تو دنیا میں بھی نہیں بچے گا اور بےضمیر آخرت میں ضرور اس ظلم کا صلہ پائے گا ۔

ہمارا عمومی رویہ انتہائی غیرذمہ دارانہ ہے ہمارے لئے سنجیدہ سے سنجیدہ معاملہ بھی  ہمارے  اس رویے کی نذر  ہو جاتا ہے اور جب اس رویے کی وجہ سے کوئی آفت ہمارے سر پہ پڑتی ہے تو تب ٹسوے بہانا ہمارا عمومی ردعمل ہے مگر تب لکیر پیٹنے کے علاوہ کچھ نہیں ہو سکتا وقت ہاتھ سے نکل جائے تو ہاتھ ملنے سے واپس نہیں پلٹتا تو بہتر ہے کہ ہم اپنا رویوں میں تبدیلی لائیں اور غیر ضروری اور وقت بےوقت کے مزاح سے جان چھڑا کے زندگی کو اعلی ٰاخلاقی اطوار کے مطابق گزاریں ۔

اجتماعات سے مکمل گریز کریں جہاں تک ممکن ہو کم سے کم صرف انتہائی ضرورت کے تحت گھروں سے باہر نکلیں اپنے اردگرد اجنبیوں پہ نظر رکھیں اپنی اپنے خاندان اور سماج کی بہتری اسی میں ہے کہ انتہائی احتیاط کی جائے۔

Advertisements
merkit.pk

خدارا اپنے آپ کو بچائیں انتہائی سنگین صورتحال ہے۔

  • merkit.pk
  • merkit.pk

سانول عباسی
تعارف بس اتنا ہی کہ اک عام انسان

بذریعہ فیس بک تبصرہ تحریر کریں

Leave a Reply