‎مِرا سخن جو تمھارے خیال تک پہنچا
‎تو خستہ حال بھی اپنے کمال تک پہنچا

نکھار اور بڑھا ہے گلاب کا تب سے
یہ تیرے ہونٹوں کی جب سے مثال تک پہنچا

‎خوشا نصیب کہ دل آ گیا ہے آنکھوں میں
‎یہ بے زباں بھی کسی عرض ِ حال تک پہنچا

‎تِری جدائی بھی تیری طرح مکمل تھی
‎مَیں اپنے ہجر کے اوجِ کمال تک پہنچا

‎کسی جواب کی مجھ کو نہیں ہے خوش فہمی
‎یہی بہت ہے وہ میرے سوال تک پہنچا

Advertisements

‎یہ شعر دیکھنے والے کو کیا خبر فیصل
‎کہ کس عذاب سے ہو کر خیال تک پہنچا!