11 ستمبر 2001 پیر کا دن تھا۔ امریکہ کی بدقسمتی کا سورج طلوع ہوا۔ امریکن شہری معمول کے مطابق ورلڈ ٹریڈ سینٹر کے دفاتر میں موجود تھے۔ سب کچھ معمول کے مطابق تھا۔ 7:59 منٹ پر امریکن ایئر لائن فضا میں بلند ہوئی 52 مسافروں کو لے کر بوسٹن سے لاس اینجلس کے لیے اڑان بھری۔

8:19 منٹ پر طیارے کے عملے نے اطلاع دی کہ جہاز کو ہائی جیک کرلیا گیاہے کسی کو معلوم نہ تھا آگے کیا ہونے جارہا ہے، مسافر پریشان تھے۔ ڈر اورخوف کا عالم تھا، ہر طرف پریشانی پھیلی ہوئی تھی۔

ٹھیک 21 منٹ بعد طیارہ نیویارک کی فضا میں ورلڈ ٹریڈ سینٹر کے قریب نمودار ہوا۔ اور دیکھتے ہی دیکھتے ورلڈ ٹریڈ سینٹر سے ٹکرا گیا۔ ہر طرف افراتفری مچ گئی۔ چیخنے کی آوازیں گونجی، لوگوں نے عمارت سے چھلانگیں لگانا شروع کردیں۔ کوئی زندہ بچا اور کوئی دنیا سے کوچ کر گیا۔ ٹھیک 23 منٹ بعد 9:03 منٹ پر ایک اور طیارہ ٹکراگیا۔ ہر طرف دھواں ہی دھواں پھیل گیا سمجھ نہیں آرہا تھا آخر امریکہ کے ساتھ کیا ہورہا ہے۔

ورلڈ ٹریڈ سینٹر سے 370 کلومیٹر کی دوری پر ایک اور طیارہ ہائی جیک ہونے کی اطلاع ملی۔ طیارے میں 64 مسافر تھے۔ منزل لاس اینجلس تھی۔ شک یقین میں بدلتا گیا۔ دہشت گرد طیارے کے مسافروں کو مارنے لگے۔ بچے، جوان ،بوڑھے رونے لگے مگر دہشت گردوں نے سن کے ان سنی کردی۔

9:37 منٹ پر طیارہ شہر واشنگٹن ڈی سی پینٹاگون کی عمارت سے ٹکراگیا۔ طیارہ پاش پاش ہوگیا۔ عمارت گرگئی۔ مگر دہشت گردی کی سوئی ابھی چل رہی تھی۔

10:07 منٹ بعد یعنی پینٹاگون حملے کے ٹھیک آدھے گھنٹے بعد چوتھا ہائی جیک طیارہ 44 مسافروں کے ہمراہ پینسلوینا کے سمندر کی فضا میں تباہ کردیا گیا۔امریکہ کو تاریخی دھچکا لگا۔ بعد ازاں القاعدہ نے حملوں کی ذمہ داری قبول کی۔ ان دہشت گرد حملوں کی تباہی میں 3000 سے زائد اموات ہوئیں.یہ حادثہ امریکہ میں سولہ برس قبل دنیا کو دہلادینے والی ہولناک دہشت گردی آج 11 ستمبر کے دن پیش آیا تھا۔جب ٹوئنز ٹاور کی تباہی ہوئی۔اس واقعے کے بعد امریکہ نے مسلمانوں کو دہشت گردی کی نظر سے دیکھنا شروع کردیا۔ اس واقعہ کے بعد امریکہ میں مقیم مسلمانوں کو کافی مشکلات کا سامنا کرنا پڑا۔