• صفحہ اول
  • /
  • نگارشات
  • /
  • یہ نعرے مارتے, لاکھوں فیس دیتے ایلیٹ کلاس لوگ۔۔ مظفر عباس نقوی

یہ نعرے مارتے, لاکھوں فیس دیتے ایلیٹ کلاس لوگ۔۔ مظفر عباس نقوی

عروج تین مرلے کے عالی شان مکان میں رہتی ہے ۔چنگچی رکشوں کی مزے کی رائیڈ انجوائے کرتے ہوئے سکول میں پڑھانے جاتی ہے۔گھر کا خرچہ خود چلاتی ہے پی یو سے گریجویٹ ہے۔

حیدر بٹ کے والد ایک عام سے ورکر ہیں جی سی میں پڑھتا ہے ،ریسرچ اینالسٹ کی  نوکری کر کے فیس دیتا ہے۔ کئی بار سچ بولنے کی پاداش میں جیل کی ٹھنڈی ہوا کھا چکا ہے۔ اور طالبعلموں کے حقوق کی بات کرنے پر کئی ڈسپلنری ایکشن بھگت چکا ہے۔

انتہائی مہنگے برانڈ کا ریڈ سکارف اوڑھے محبہ ہے جو جی سی سے انگلش میں بے اے اونرز ہے ۔اور ایک پرائیویٹ سکول میں پڑھاتی ہے اور لاکھوں یورو فیس لیتی ہے۔

رضا گیلانی کے والد اوبر کی  ہائی کلاس مرسڈیز چلاتے ہیں اور وہ خود جی سی سے گریجویٹ کرنے کے بعد لاہور میوزیم کو خرید کر اس میں کام کر رہا ہے۔

ڈھول بجانے والا حسنین جمیل پی یو سے ایم فِل ہے۔ مختلف میگزین اور  سائیٹس پہ  لکھ کر ہزاروں ڈالرز کما رہا ہے اور امریکہ کے مشہور شہر پاک پتن سے تعلق رکھتا ہے۔

میں جن ایلیٹ کو جانتا ہوں ان کا یہ حال ہے جانے آپ ان میں سے کس کو جانتے ہیں۔ مجھے بھی بتائیے گا جو 5,5 لاکھ فیس دیتے ہیں تاکہ ان کے ترلے مان کر ان سے کوئی بندہ مفت کا کھانا شانا ہی کھا لے۔

اور ہاں یہ لوگ سارا دن ڈرائنگ رومز میں بیٹھ کر کام کرتے ہیں اور باقی لوگ تو سڑکوں پہ  نکل کر لوگوں کے حقوق کی جدوجہد کر رہے ہیں۔

Advertisements
julia rana solicitors

آپ ان لوگوں سے اختلاف کر سکتے ہیں نعروں پہ اعتراض ہو سکتا ہے مگر آپ ان کو ایلیٹ سمجھتے ہیں تو برائے مہربانی ان کو ان کے عالی شان گھروں اور اعلی اداروں کی نوکریوں سے تو نکلوا دیں۔ بہت عیاشی کر رہے ہیں یہ لوگ۔

  • merkit.pk
  • julia rana solicitors london
  • julia rana solicitors

مظفر عباس نقوی
سیاست ادب مزاح آذادمنش زبان دراز

بذریعہ فیس بک تبصرہ تحریر کریں

Leave a Reply