چالیسواں۔۔۔اے وسیم خٹک

SHOPPING
SHOPPING

آج تمھارا چالیسواں ہے
یعنی کل سے
تمھاری یادوں کا تسلسل
رفتہ رفتہ کم ہوجائے گا
پھر تم ہمیں خوشی کے لمحات
عِیدین یا پھر
خوشی تہواروں میں
یاد آؤگے ۔ تمھارا ذکر ہوگا
تو سب کی آنکھیں نم ہوجایا کریں  گی
آج تمھارے چالیسیویں پر
تمھارے سب چاہنے والے آئے تھے
دعائیں کیں ، فاتح  پڑھی ,
اچھائیاں گنوائی ۔ ۔تمھارے بچوں کو پیار کیا، بھائیوں ،ماں باپ سے غم گساری کی
سب کے چہرے سپاٹ تھے
وہ جو درد تھا وہ جو آہ تھی
اُس میں کمی آگئی تھی ۔
اورگھر والے سارے رشتہ داروں کی آؤبھگت میں لگے تھے کہ وہ ناراض نہ ہوجائیں ۔
کِیونکہ سوئم پر اور پھر ہر جمعرات کو کچھ رشتہ دار چاول نہ ملنے پر ناراض ہوجاتے تھے ۔
آج تمھارے چالسیویں پر
سب یار دوست تھے ۔ رشتہ دار تھے
کسی کے چہرے پر غم نہیں تھا
ہنسی مذاق کا عالم تھا ۔سب کھانے کا وقت اور کھانے کا مینو پوچھ رہے تھے
پتہ ہے آج چالیسوِیں کے بعد تمھاری یاد کمزور پڑتی جائے گی
اور پھر تمھاری یاد شدت سے برسی پر اگربتیوں کی خوشبوں میں، قرانی آیات کے ورد میں آئے گی
اور پھر کچھ سالوں بعد تم سب کو بھول جاؤگے کیونکہ یہی دنیا کا دستور ہے اوریہی ریت دنیا ہے کہ تم
کسی کو بھی یاد نہیں آؤگے
کسی کو بھی یاد نہیں آؤگے!

SHOPPING

اے ۔وسیم خٹک
اے ۔وسیم خٹک
پشاور کا صحافی، میڈیا ٹیچر

بذریعہ فیس بک تبصرہ تحریر کریں

براہ راست تبصرہ تحریر کریں۔

Your email address will not be published. Required fields are marked *