امتناع محبت ۔۔۔۔۔prohibiting love

خدا کیلئے مجھے پیار نہ کرو ,
میں تمہیں کھونا نہیں چاہتی.
محبت کرکے کیا کرو گے؟
نیند سے لڑو گے,
خوابوں سے ڈروگے,
اندیشوں کے طوفان اٹھیں گے,
اَن جانے گمان اٹھیں گے،
آنکھوں کے سیلاب میں رہو گے،
دھڑکنوں کے اضطراب میں رہو گے،
اک ناجائز خواہش  ہے،
ایک بے مصرف خواہش ہے،
نزع کی کشمکش  ہے،
ہجر و وصل کی کشاکش ہے،
ایک رنگین یاس ہے ،اک سنگین آس ہے ۔۔۔

Advertisements

میں تم سے محبت نہیں کرتی
میں تمہیں کھونا نہیں چا ہتی
بے اشک رونا نہیں چاہتی
میں تم سے محبت نہیں کرتی
میں تم سے بیگانہ ہونا نہیں چاہتی
تم بھی
خدا کیلئے مجھے پیار نہ کرو!