بدن میں ایک آنکھیں تھیں جو حرکت میں رہتیں ، باقی سارا بدن تو بس بدن رہتا۔۔ خالی۔۔۔بس اک خالی بدن۔۔

اب وہ تصورات میں بچوں کی مفلسی دیکھ رہا ہے، ڈر رہا ہے، بدن ساکت ہے ۔ اک نہ دِکھنے والی رو ہے جو سیدھی وہاں جارہی ہے جہاں دل لگتا ہے۔ آنکھیں رونے کے مناظر پیش کرتی۔۔۔
نظر اسی بےبسی والے بچوں کے منظر میں، وہ ایکدم اچھلتا ہے ، اور آسمان کی طرف دیکھتا ہے ، اب اس کی آنکھوں میں زندگی بخش مناظر ہیں۔۔۔۔وہ خود کو آسودہ حال حیلے اور ماحول میں نظروں ہی  نظروں میں محسوس کرتا ہے۔۔۔

اسے بھوک کا احساس ہے اب وہ خود کو من  و سلویٰ کے طعام میں پاتا ہے۔۔۔ دنیا جہاں کی نعمتیں ہیں ، اس کا پیٹ بھر جاتا ہے اب اسکی آنکھیں نئے منظر تلاش کرتی ہیں مگر ہمیشہ کی طرح بے آسودگی کے مناظر سامنے آگئے۔۔۔چہرہ وہی، بدن بھی وہی خالی۔۔۔

آنکھیں مناظر پر تیر رہی ہیں ہر طرف افسردگی کے مناظر،

آج وہ آنکھوں کو بڑی لمبی چھلانگ دے گیا، اس کا عالیشان گھر ہے، وہی ہر برباد شخص کا سپنا یعنی چھوٹا گارڈن ،گاڑی، آسائش ،مناسب پریوار، خوب صورت گھر ،تھوڑا پیسہ ،وہ بیٹھا ابھی نظروں کو خوش کر ہی رہا تھا کہ اچانک اس کی نظروں نے بے خیالی میں رخ بدلا ۔۔۔۔جا بجا اندھیرا تھا، آنکھیں لپک کر واپس اسی منظر پر آئیں مگر وہ پُر فریب منظر غائب تھے۔ آنکھوں نے پھر اندھیرے کی طرف دیکھا ،گھبرایا۔۔۔ واپس آنکھوں نے اسی غائب منظر کی طرف دیکھا اب وہاں بھی اندھیرا تھا۔۔۔

Advertisements

سارا کرب آنکھوں میں،آنکھیں درد سے روشن ہوگئیں۔۔۔خالی بدن آنکھوں کی تلاش میں نکلا، آنکھیں اب نئے مناظر کی بجائے نیا بدن تلاش کر رہی تھیں۔