نعت گو شاعر حفیظ تائب کا یوم وفات۔۔۔۔کاشف محمود

ﻋﺮﺑﯽ، ﻓﺎﺭﺳﯽ، ﺍُﺭﺩﻭ ﺍﻭﺭ ﭘﻨﺠﺎﺑﯽ ﺯﺑﺎﻥ ﮐﮯ ﻣﻌﺮﻭﻑ ﻧﻌﺖ ﮔﻮ ﺷﺎﻋﺮ حفیظ تائب ﮐﺎ ﺍﺻﻞ ﻧﺎﻡ ﻋﺒﺪﺍﻟﺤﻔﯿﻆ ﮨﮯ۔ ﻗﻠﻤﯽ ﻧﺎﻡ ﺣﻔﯿﻆ ﺗﺎﺋﺐ، ﻭﺍﻟﺪ ﮐﺎ ﻧﺎﻡ ﺣﺎﺟﯽ ﭼﺮﺍﻍ ﺩﯾﻦ ﺗﮭﺎ۔
ﻣﺸﮩﻮﺭ ﻧﻌﺖ ﮔﻮ ﺷﺎﻋﺮ ، ﻣﺠﺪﺩ ﻧﻌﺖ ﮐﮯ ﻟﻘﺐ ﺳﮯ ﭘﮩﭽﺎﻧﮯ ﺟﺎﺗﮯ ﮨﯿﮟ
ﺣﻔﯿﻆ ﺗﺎﺋﺐ 14 ﻓﺮﻭﺭﯼ 1931 ﺀ ﮐﻮ ﭘﺸﺎﻭﺭ ﻣﯿﮟ ﭘﯿﺪﺍ ﮨﻮﺋﮯ۔
ﺁﭖ ﮐﺎ ﺁﺑﺎﺋﯽ ﻭﻃﻦ ﺍﺣﻤﺪ ﻧﮕﺮ ﺿﻠﻊ ﮔﻮﺟﺮﺍﻧﻮﺍﻟﮧ ﮨﮯ۔

ﺣﻮﺍﻟﮧ ﻧﻌﺖ:
ﺍﻥ ﮐﺎ ﺷﻤﺎﺭ ﭘﺎﮐﺴﺘﺎﻥ ﻣﯿﮟ ﻧﻌﺖ ﮔﻮﺋﯽ ﮐﻮ ﻓﺮﻭﻍ ﺩﯾﻨﮯ ﻭﺍﻟﮯ ﺑﺎﻧﯽ ﺷﻌﺮﺍﺀ ﻣﯿﮟ ﮨﻮﺗﺎ ﮨﮯ۔ ﺍﻧﮩﯿﮟ ﻧﻌﺖ ﮐﮯ ﺍﯾﮏ ﺍﻋﻠﯽٰ ﭘﺎﯾﮧ ﮐﮯ ﻣﺤﻘﻖ ﺍﻭﺭ ﺗﻨﻘﯿﺪ ﻧﮕﺎﺭ ﮐﮯ ﺣﻮﺍﻟﮯ ﺳﮯ ﺟﺎﻧﺎ ﺟﺎﺗﺎ ﮨﮯ۔ ﻓﺮﻭﻍ ﻧﻌﺖ ﮐﮯ ﻟﯿﮯ ﺍﻥ ﮐﯽ ﺧﺪﻣﺎﺕ ﮐﮯ ﺍﻋﺘﺮﺍﻑ ﻣﯿﮟ ﺍﻧﮩﯿﮟ  تمغہ ء  ﺣﺴﻦ ﮐﺎﺭﮐﺮﺩﮔﯽ ﺩﯾﺎ ﮔﯿﺎ ﺍﺱ ﮐﮯ ﻋﻼﻭﮦ ﺍﻧﮩﯿﮟ ﻧﻘﻮﺵ ﺍﯾﻮﺍﺭﮈ ، ﺁﺩﻡ ﺟﯽ ﺍﯾﻮﺍﺭﮈ، ﮨﻤﺪﺭﺩ ﻓﺎﺅﻧﮉﯾﺸﻦ ﺍﯾﻮﺍﺭﮈ ﺳﻤﯿﺖ ﮐﺌﯽ ﺍﯾﻮﺍﺭﮈ ﺩﯾﮯ ﮔﺌﮯ۔ﻭﮦ ﭘﻨﺠﺎﺏ ﯾﻮﻧﯿﻮﺭﺳﭩﯽ ﮐﮯ ﺷﻌﺒﮧ ﭘﻨﺠﺎﺑﯽ ﻣﯿﮟ ﺑﮭﯽ ﺑﻄﻮﺭ ﭘﺮﻭﻓﯿﺴﺮ ﺧﺪﻣﺎﺕ ﺍﻧﺠﺎﻡ ﺩﯾﺘﮯ ﺭﮨﮯ۔

یوں تو حفیظ تائب نعت گوئی کی وجہ سے مشہور ہیں ، لیکن ہم یہاں پر حفیظ تائب کی غزل گوئی پر بات کریں گے

ﺍﺭﺩﻭ ﺷﺎﻋﺮﯼ ﮐﯽ ﺗﯿﻦ ﺳﻮ ﺳﺎﻟﮧ ﺗﺎﺭﯾﺦ ﻣﯿﮟ ﻭﻟﯽ ﺳﮯ ﺍﺣﻤﺪ ﻣﺸﺘﺎﻕ ﺗﮏ ﺷﺎﯾﺪ ﮨﯽ ﮐﻮﺋﯽ ﺷﺎﻋﺮ ﮨﻮﮔﺎ ﺟﺲ ﻧﮯ ﺍﭘﻨﯽ ﺷﺎﻋﺮﯼ ﮐﺎ ﺁﻏﺎﺯﻏﺰﻝ ﮔﻮﺋﯽ ﺳﮯ ﻧﮧ ﮐﯿﺎ ﮨﻮ۔
ﺳﻮﺩﺍ ، ﻧﻈﯿﺮ ، ﻣﯿﺮ ﺣﺴﻦ ، ﺍﻧﯿﺲ ، ﺣﺎﻟﯽ ، ﺍﮐﺒﺮ ﺍﻟﮧ ﺁﺑﺎﺩﯼ ، ﺍﻗﺒﺎﻝ ، ﺟﻮﺵ ، ﻥ ﻡ ﺭﺍﺷﺪ ، ﻓﯿﺾ ، ﻣﺠﯿﺪ ﺍﻣﺠﺪ ﻭﻏﯿﺮﮦ ﺍﮔﺮﭼﮧ ﻏﯿﺮ ﻏﺰﻟﯿﮧ ﺍﺻﻨﺎﻑ ﮐﯽ ﺑﻨﺎ ﭘﺮ ﺷﮩﺮﺕ ﺭﮐﮭﺘﮯ ﮨﯿﮟ ﻟﯿﮑﻦ ﺍﻥ ﻣﯿﮟ ﺳﮯ ﺑﯿﺸﺘﺮ ﻧﮯ ﺍﭘﻨﯽ ﭘﻮﺭﯼ ﺗﺨﻠﯿﻘﯽ ﺯﻧﺪﮔﯽ ﻣﯿﮟ ﺩﯾﮕﺮ ﺍﺻﻨﺎﻑ ﮐﮯ ﺳﺎﺗﮫ ﺳﺎﺗﮫ ﻏﺰﻝ ﻧﮕﺎﺭﯼ ﮐﻮ ﺑﺮﺍﺑﺮﺟﺎﺭﯼ ﺭﮐﮭﺎ ﺍﮔﺮﭼﮧ ﺟﻮﺵ ﺍﻭﺭ ﺭﺍﺷﺪ ﻧﮯ ﺑﻌﺪ ﺍﺯﺍﮞ ﻏﺰﻝ ﮔﻮﺋﯽ ﮐﻮ ﺗﺮﮎ ﮐﺮ ﺩﯾﺎ ﻟﯿﮑﻦ ﺍﺑﺘﺪﺍ ﻣﯿﮟ ﺍﻧﮩﻮﮞ ﻧﮯ ﻣﺸﻦ ﺳﺨﻦ ﮐﺎ ﺁﻏﺎﺯ ﺻﻨﻒ ﻏﺰﻝ ﮨﯽ ﺳﮯ ﮐﯿﺎ ﺗﮭﺎ۔ ﺣﻔﯿﻆ ﺗﺎﺋﺐ ﺟﻮ ﮨﻤﺎﺭﮮ ﻋﮩﺪ ﮐﮯ ﺳﺐ ﺳﮯ ﺑﮍﮮ ﻧﻌﺖ ﻧﮕﺎﺭ ﮨﯿﮟ ، ﺍﺱ ﮐﻠﯿﮯ ﺳﮯ ﻣﺴﺘﺜﻨﯽٰ ﻧﮩﯿﮟ ﮨﯿﮟ۔ ﺍﻧﮩﻮﮞ ﻧﮯ ﻧﻮﻣﺸﻘﯽ ﮐﮯ ﺩﻭﺭﻣﯿﮟ ﺧﺎﺻﯽ ﺑﮍﯼ ﺗﻌﺪﺍﺩ ﻣﯿﮟ ﻏﺰﻟﯿﮟ ﮐﮩﯿﮟ ﺟﻮ ﺭﺳﺎﺋﻞ ﻣﯿﮟ ﺷﺎﺋﻊ ﺑﮭﯽ ﮨﻮ ﺗﯽ ﺭﮨﯿﮟ ﻟﯿﮑﻦ ﺑﻌﺪ ﺍﺯﺍﮞ ﺟﺐ ﺍﻧﮩﻮﮞ ﻧﮯ ﺍﭘﻨﯽ ﺷﻌﺮﯼ ﺻﻼﺣﯿﺘﻮﮞ ﮐﻮ ﻧﻌﺖ ﮔﻮﺋﯽ ﮐﮯ ﻟﺌﮯ ﻭﻗﻒ ﮐﺮ ﺩﯾﺎ ﺗﻮ ﻏﺰﻟﯿﺎﺕ ﮐﻮ ﻧﻌﺖ ﺳﮯ ﻣﺘﻨﺎﻗﺾ ﺳﻤﺠﮭﺘﮯ ﮨﻮﺋﮯ ﯾﮑﺠﺎ ﻧﮩﯿﮟ ﮐﯿﺎ۔
ﺣﻔﯿﻆ ﺗﺎﺋﺐ ﺍﺱ ﺟﮩﺎﻥ ﻓﺎﻧﯽ ﺳﮯ ﻋﺎﻟﻢ ﺟﺎﻭﺩﺍﻧﯽ ﮐﻮ ﺭﻭﺍﻧﮧ ﮨﻮﻧﮯ ﺳﮯ ﺍﯾﮏ ﺳﺎﻝ ﭘﮩﻠﮯ ﯾﻌﻨﯽ 2003 ﺀ ﻣﯿﮟ ﺍﭘﻨﯽ ﻏﺰﻟﯿﺎﺕ ﮐﺎ ﺍﯾﮏ ﻣﺨﺘﺼﺮ ﺳﺎ ﻣﺠﻤﻮﻋﮧ ’’ ﻧﺴﯿﺐ ‘‘ ﮐﮯ ﻧﺎﻡ ﺳﮯ ﺷﺎﺋﻊ ﮐﺮ ﭼﮑﮯ ﺗﮭﮯ ۔ ﺍﻧﮩﻮﮞ ﻧﮯ ﻏﺰﻟﯿﮟ ﺗﻮ ﺍﺱ ﺳﮯ ﮐﮩﯿﮟ ﺯﯾﺎﺩﮦ ﺗﺨﻠﯿﻖ ﮐﯽ ﺗﮭﯿﮟ ﻟﯿﮑﻦ ﺗﻘﺮﯾﺒﺎً ﭼﺎﻟﯿﺲ ﻏﺰﻟﻮﮞ ﮐﺎ ﯾﮧ ﺍﻧﺘﺨﺎﺏ ﺍﻧﮩﻮﮞ ﻧﮯ ﺳﻮﭺ ﺳﻤﺠﮫ ﮐﺮ ﮐﯿﺎ ﺗﮭﺎ ﺍﻭﺭ ﺧﺼﻮﺻﺎً ﺍﭘﻨﯽ ﺑﮩﺖ ﺳﯽ ﻧﻮﺟﻮﺍﻧﯽ ﮐﯽ ﻏﺰﻟﯿﺎﺕ ﺍﺱ ﻣﯿﮟ ﺷﺎﻣﻞ ﻧﮩﯿﮟ ﮐﯽ ﺗﮭﯿﮟ ﺟﺲ ﮐﮯ ﮐﺌﯽ ﺍﺳﺒﺎﺏ ﮨﻮ ﺳﮑﺘﮯ ﮨﯿﮟ ﻣﺜﻼً ﺍﻥ ﻣﯿﮟ ﺗﺎﺋﺐ ﮐﻮ ﭘﺨﺘﮕﯽ ﮐﯽ ﮐﻤﯽ ﻣﺤﺴﻮﺱ ﮨﻮﺗﯽ ﮨﻮ ﯾﺎ ﺑﻌﺾ ﻣﻮﺿﻮﻋﺎﺕ ﺍﻭﺭ ﺍﺣﺴﺎﺳﺎﺕ ﺍﯾﺴﮯ ﮨﻮﮞ ﺟﻨﮩﯿﮟ ﻭﮦ ﺍﭘﻨﯽ ﭘﺎﮐﯿﺰﮦ ﻧﻌﺖ ﮔﻮﺋﯽ ﮐﮯ ﻣﻨﺎﻓﯽ ﺳﻤﺠﮭﺘﮯ ﮨﻮﮞ۔ ﻭﺟﮧ ﮐﭽﮫ ﺑﮭﯽ ﮨﻮ ، ﯾﮧ ﺑﺎﺕ ﯾﻘﯿﻦ ﺳﮯ ﮐﮩﯽ ﺟﺎ ﺳﮑﺘﯽ ﮨﮯ ﮐﮧ ﺍﻧﮩﻮﮞ ﻧﮯ ﺟﺘﻨﯽ ﻏﺰﻟﯿﺎﺕ ﻟﮑﮭﯽ ﮨﯿﮟ ﺍﻥ ﮐﺎ ﻏﺎﻟﺐ ﺣﺼﮧ ﺍﺱ ﻣﺠﻤﻮﻋﮯ ﻣﯿﮟ ﺷﺎﻣﻞ ﻧﮩﯿﮟ ﮨﮯ۔
ﺣﻔﯿﻆ ﺗﺎﺋﺐ ﺍﯾﮏ ﻭﺳﯿﻊ ﺍﻟﻤﻄﺎﻟﻌﮧ ﺷﺨﺺ ﺗﮭﮯ ۔ ﺍﻧﮩﻮﮞ ﻧﮯ ﻓﺎﺭﺳﯽ ﺍﻭﺭ ﺍﺭﺩﻭ ﮐﯽ ﮐﻼﺳﯿﮑﯽ ﻏﺰﻝ ﮐﮯ ﺑﯿﺸﺘﺮ ﻧﺎﻣﻮﺭ ﺷﻌﺮﺍﺀ ﮐﺎ ﻣﻄﺎﻟﻌﮧ ﮐﺮ ﺭﮐﮭﺎ ﺗﮭﺎ ۔ ﺍﺭﺩﻭ ﺷﻌﺮﺍﺀ ﻣﯿﮟ ﻣﯿﺮ ﺗﺎ ﻏﺎﻟﺐ ﺍﻧﮩﻮﮞ ﻧﮯ ﺑﮩﺘﺮﯾﻦ ﺷﺎﻋﺮﻭﮞ ﮐﮯ ﮐﻼﻡ ﮐﯽ ﻭﺭﻕ ﮔﺮﺩﺍﻧﯽ ﺗﻮﺟﮧ ﺳﮯ ﮐﯽ ﺗﮭﯽ ﻟﯿﮑﻦ ﺍﭘﻨﯽ ﻏﺰﻝ ﮐﻮ ﺍﻥ ﺍﺳﺎﺗﺬﮦ ﮐﮯ ﭘﺮ ﺗﻮ ﺳﮯ ﺷﻌﻮﺭﯼ ﻃﻮﺭﭘﺮﺑﭽﺎﯾﺎ۔ ﺣﺎﻟﯽ ﺳﮯ ﺍﺭﺩﻭ ﻏﺰﻝ ﻣﯿﮟ ﺍﯾﮏ ﺧﺎﺹ ﻗﺴﻢ ﮐﺎ ﺍﺻﻼﺣﯽ ﺭﺟﺤﺎﻥ ﺷﺮﻭﻉ ﮨﻮﺍ۔ ﻣﻘﺪﻣﮧ ﺷﻌﺮ ﻭ ﺷﺎﻋﺮﯼ ﺍﻭﺭ ﺩﯾﻮﺍﻥ ﺣﺎﻟﯽ ﭘﮩﻠﯽ ﺑﺎﺭ ﯾﮑﺠﺎ ﺷﺎﺋﻊ ﮨﻮﺋﮯ ﺗﻮ ﻣﻘﺪﻣﮧ ﺷﻌﺮﻭﺷﺎﻋﺮﯼ ﻣﯿﮟ ﻏﺰﻝ ﮐﯽ ﺍﺻﻼﺡ ﮐﮯ ﻟﺌﮯ ﺟﻮ ﻣﺸﻮﺭﮮ ﺩﺋﯿﮯ ﮔﺌﮯ ﺗﮭﮯ ﺩﯾﻮﺍﻥ ﺣﺎﻟﯽ ﮐﯽ ﻏﺰﻟﯿﺎﺕ ﮐﺎ ﺍﯾﮏ ﺑﮍﺍ ﺣﺼﮧ ﺍﻥ ﺍﺻﻼﺣﯽ ﻣﺸﻮﺭﻭﮞ ﮐﯽ ﻋﻤﻠﯽ ﺻﻮﺭﺕ ﺗﮭﺎ۔ ﺣﺎﻟﯽ ﻧﮯ ﻋﺸﻘﯿﮧ ﺷﺎﻋﺮﯼ ﺳﮯ ﻣﻨﻊ ﻧﮩﯿﮟ ﮐﯿﺎ ﻟﯿﮑﻦ ﺍﺱ ﻣﯿﮟ ﺿﺒﻂ ﻭ ﺍﻋﺘﺪﺍﻝ ﭘﯿﺪﺍ ﮐﺮﻧﮯ ﮐﯽ ﺗﻠﻘﯿﻦ ﮐﯽ ۔ ﻣﻮﺿﻮﻋﺎﺕ ﻣﯿﮟ ﻭﺳﻌﺖ ﭘﯿﺪﺍ ﮐﺮﻧﮯ ﮐﮯ ﻟﺌﮯ ﺳﻤﺎﺟﯽ ﻣﻀﺎﻣﯿﻦ ﮐﯽ ﺷﻤﻮﻟﯿﺖ ﮐﻮﺑﻨﻈﺮ ﺍﺳﺘﺤﺴﺎﻥ ﺩﯾﮑﮭﺎ۔ ﺳﯿﺎﺳﯽ ، ﻧﻔﺴﯿﺎﺗﯽ ، ﺍﺧﻼﻗﯽ ﺍﻭﺭ ﺩﯾﮕﺮ ﻣﻀﺎﻣﯿﻦ ﮐﮯ ﺍﺿﺎﻓﮯ ﺳﮯ ﻏﺰﻝ ﻣﯿﮟ ﻣﻮﺿﻮﻋﺎﺗﯽ ﻭﺳﻌﺖ ﭘﯿﺪﺍ ﮐﺮﻧﯽ ﭼﺎﮨﯿﮯ۔ ﺍﻧﺪﺍﺯ ﺑﯿﺎﻥ ﻣﯿﮟ ﺗﺼﻨﻊ ﺍﻭﺭ ﻣﺒﺎﻟﻐﮯ ﺳﮯ ﺍﺟﺘﻨﺎﺏ ﮐﮯ ﻟﺌﮯ ﮐﮩﺎ۔ ﻟﻤﺒﯽ ﺭﺩﯾﻔﻮﮞ ﻣﯿﮟ ﻏﺰﻝ ﮐﮩﻨﮯ ﺳﮯ ﻣﻨﻊ ﮐﯿﺎ۔ ﺍﯾﺴﯽ ﺯﻣﯿﻨﻮﮞ ﻣﯿﮟ ﻏﺰﻝ ﮐﮩﻨﮯ ﮐﺎ ﻣﺸﻮﺭﮦ ﺩﯾﺎ ﺟﻦ ﻣﯿﮟ ﻗﺎﻓﯿﮧ ﺍﻭﺭ ﺭﺩﯾﻒ ﻣﯿﻞ ﮐﮭﺎﺗﮯ ﮨﻮﺋﮯ ﮨﻮﮞ ﺑﻠﮑﮧ ﻏﯿﺮﻣﻌﺮﻭﻑ ﻏﺰﻟﻮﮞ ﮐﻮ ﺗﺮﺟﯿﺢ ﺩﯼ۔ ﺍﯾﮏ ﮨﯽ ﻏﺰﻝ ﮐﮯ ﻣﺨﺘﻠﻒ ﺍﺷﻌﺎﺭ ﻣﯿﮟ ﻣﺘﻀﺎﺩ ﻣﻀﺎﻣﯿﻦ ﺑﮭﺮ ﺩﯾﻨﮯ ﮐﻮ ﻧﺎﻣﻨﺎﺳﺐ ﺧﯿﺎﻝ ﮐﯿﺎ ﺍﻭﺭ ﻏﺰﻝ ﻣﯿﮟ ﺭﻓﺘﮧ ﺭﻓﺘﮧ ﺗﺴﻠﺴﻞ ﭘﯿﺪﺍ ﮐﺮﮐﮯ ﻏﺰﻝ ﻣﺴﻠﺴﻞ ﮐﮯ ﺭﺟﺤﺎﻥ ﮐﻮ ﺑﺮﻭﺋﮯ ﮐﺎﺭ ﻻﻧﮯ ﮐﯽ ﺗﺠﻮﯾﺰ ﺩﯼ۔
ﺩﯾﻮﺍﻥ ﺣﺎﻟﯽ ﺍﻭﺭ ﻣﻘﺪﻣﮧ ﺷﻌﺮ ﻭ ﺷﺎﻋﺮﯼ ﮐﯽ ﺍﺷﺎﻋﺖ ﮐﮯ ﻧﻮﮮ ﺳﺎﻝ ﺑﻌﺪ ﭼﮭﭙﻨﮯ ﻭﺍﻟﮯ ﺍﺱ ﻣﺠﻤﻮﻋﮯ ﻧﺴﯿﺐ ﻣﯿﮟ ﺍﻥ ﺗﻤﺎﻡ ﻣﺸﻮﺭﻭﮞ ﮐﻮﻋﻤﻠﯽ ﺷﮑﻞ ﺩﯼ ﮔﺌﯽ ﮨﮯ ﺟﻮ ﺣﺎﻟﯽ ﻧﮯ ﻏﺰﻝ ﮐﯽ ﺍﺻﻼﺡ ﮐﮯ ﻟﺌﮯ ﭘﯿﺶ ﮐﺌﮯ ﺗﮭﮯ۔
ﺣﺎﻟﯽ ﺍﻭﺭ ﺣﻔﯿﻆ ﺗﺎﺋﺐ ﮐﮯ ﻣﺰﺍﺟﻮﮞ ﻣﯿﮟ ﺑﮍﯼ ﮨﻢ ﺁﮨﻨﮕﯽ ﺗﮭﯽ۔ ﺩﻭﻧﻮﮞ ﺍﺭﺩﻭﺷﺎﻋﺮﯼ ﮐﯽ ﺭﻭﺍﯾﺖ ﮐﮯ ﺩﻭ ﻧﮩﺎﯾﺖ ﺷﺮﯾﻒ ﺍﻭﺭ ﻧﻔﯿﺲ ﺍﻟﻄﺒﻊ ﺷﺎﻋﺮ ﺗﮭﮯ۔ ﺣﺎﻟﯽ ﮐﯽ ﻏﺰﻝ ﻣﯿﮟ ﻋﺸﻘﯿﮧ ﺍﺷﻌﺎﺭﮐﻤﺘﺮﺗﻌﺪﺍﺩ ﻣﯿﮟ ﻣﻮﺟﻮﺩ ﮨﯿﮟ ﻟﯿﮑﻦ ﯾﮧ ﻋﺸﻖ ﮨﻮﺱ ﮐﯽ ﻣﻨﺰﻟﻮﮞ ﺳﮯ ﺩﻭﺭ ﮨﮯ۔ ﺣﻔﯿﻆ ﺗﺎﺋﺐ ﮐﯽ ﻏﺰﻟﻮﮞ ﻣﯿﮟ ﺑﮭﯽ ﻋﺸﻖ ﮐﺎ ﺟﺬﺑﮧ ﭘﺎﮐﯿﺰﮔﯽ ﮐﮯ ﺳﺎﺗﮫ ﺟﻠﻮﮦ ﮔﺮ ﮨﮯ۔ ﻣﺤﺒﻮ ﺏ ﮐﮯ ﺣﺴﻦ ﻭﺟﻤﺎﻝ ﮐﺎ ﺫﮐﺮ ﺑﮍﮮ ﺳﻨﺒﮭﻠﮯ ﮨﻮﺋﮯ ﺍﻧﺪﺍﺯ ﻣﯿﮟ ﮨﮯ۔ ﮐﺴﯽ ﻗﺴﻢ ﮐﯽ ﻋﺮﯾﺎﻧﯽ ﮐﺎ ﺷﺎﺋﺒﮧ ﺗﮏ ﮐﺴﯽ ﺷﻌﺮﻣﯿﮟ ﻧﮩﯿﮟ ﮨﮯ۔ ﻣﺤﺒﻮﺏ ﺳﮯ ﺩﻭﺭﯼ ﺍﻭﺭ ﻓﺮﺍﻕ ﮐﮯ ﺟﺎﮞ ﮔﺪﺍﺫ ﻟﻤﺤﺎﺕ ﮐﺎﺑﯿﺎﻥ ﺗﻮ ﮨﮯ ﺍﻭﺭ ﺍﺱ ﺳﮯ ﻣﻼﻗﺎﺕ ﮐﯽ ﻓﻄﺮﯼ ﺧﻮﺍﮨﺶ ﺑﮭﯽ ﻣﻮﺟﻮﺩ ﮨﮯ ﻟﯿﮑﻦ ﻋﺸﻖ ﺍﻭﺭ ﮨﻮﺱ ﻣﯿﮟ ﻭﺍﺿﺢ ﺍﻣﺘﯿﺎﺯ ﮐﺮﺗﮯ ﮨﻮﺋﮯ ﺳﻔﻠﯽ ﺟﺬﺑﺎﺕ ﮐﻮ ﺑﮩﺖ ﺩﻭﺭ ﺭﮐﮭﺎ ﮔﯿﺎ ﮨﮯ۔

ﺩﻝ ﮐﻮ ﯾﻘﯿﻦ ﺍﺱ ﮐﯽ ﻣﺤﺒﺖ ﮐﺎ ﺁﮔﯿﺎ
ﻣﮍ ﻣﮍ ﮐﮯ ﺩﻭﺭ ﺗﮏ ﺟﻮ ﻣﺠﮭﮯ ﺩﯾﮑﮭﺘﺎ ﮔﯿﺎ
ﺳﻤﭩﺎ ﺧﯿﺎﻝ ﯾﺎﺭ ﺗﻮ ﮔﻞ ﺭﻧﮓ ﺍﺷﮏ ﺗﮭﺎ
ﭘﮭﯿﻼ ﺗﻮ ﻣﺜﻞ ﺩﺷﺖ ﻭﻓﺎ ﭘﮭﯿﻠﺘﺎ ﮔﯿﺎ

ﮐﯿﺎ ﮐﭽﮫ ﻧﮧ ﻣﺤﻮ ﮨﻮ ﮔﯿﺎ ﻗﺮ ﻃﺎ ﺱ ﺫﮨﻦ ﺳﮯ
ﺑﮭﻮﻟﮯ ﻧﮧ ﺍﯾﮏ ﯾﺎﺭ ﺷﻨﺎ ﺳﺎ ﮐﮯ ﺧﻂ  ﻭ ﺧﺎﻝ

ﺟﺎﻧﮯ ﺍﺱ ﺿﺪ ﮐﺎ ﻧﺘﯿﺠﮧ ﮐﯿﺎ ﮨﻮ
ﻣﺎﻧﺘﺎ ﺩﻝ ﺑﮭﯽ ﻧﮩﯿﮟ ﺗﻮ ﺑﮭﯽ ﻧﮩﯿﮟ

ﮨﻤﺎﺭﯼ ﺩﺍﺳﺘﺎﻥ ﺳﺎﺩﮦ ﺳﻦ ﮐﺮ
ﮐﺴﯽ ﮐﯽ ﺁﻧﮑﮫ ﮐﯿﻮﮞ ﻧﻢ ﮨﻮ ﮔﺌﯽ ﮨﮯ

ﺑﮯ ﻃﻠﺐ ﮐﻮﻥ ﮐﺲ ﺳﮯ ﻣﻠﺘﺎ ﮨﮯ
ﺑﮯ ﺳﺒﺐ ﺍﻋﺘﺒﺎﺭ ﺳﮯ ﺩﻝ ﮐﻮ

ﺑﺎﺭ ﮨﺎ ﮨﻢ ﻧﮯ ﺑﮭﯽ ﭼﺎﮨﺎ ﮐﮧ ﮐﻮﺋﯽ ﮐﺎﻡ ﮐﺮﯾﮟ
ﺑﺎﺭ ﮨﺎ ﯾﺎﺩ ﺗﺮﯼ ﭘﺎﺅﮞ ﮐﯽ ﺯﻧﺠﯿﺮ ﺑﻨﯽ

ﺑﭽﭙﻦ ﺳﮯ ﺩﻝ ﻣﯿﮟ ﺭﮦ ﮐﮯ ﺑﮭﯽ ﺟﻮ ﺍﺟﻨﺒﯽ ﺭﮨﺎ
ﺩﯾﮑﮭﮯ ﮨﯿﮟ ﺳﻮﺗﮯ ﺟﺎﮔﺘﮯ ﮨﻢ ﻧﮯ ﺍﺳﯽ ﮐﮯ ﺧﻮﺍﺏ

ﯾﮧ ﺭﻭﻣﺎﻧﻮﯼ ﺍﺷﻌﺎﺭ ﺍﺱ ﻟﺤﺎﻅ ﺳﮯ ﺍﯾﮏ ﻣﻨﻔﺮﺩ ﺫﺍﺋﻘﮧ ﺭﮐﮭﺘﮯ ﮨﯿﮟ ﮐﮧ ﺍﻥ ﻣﯿﮟ ﻣﺤﺒﺖ ﻣﺤﺒﻮﺏ ﺳﮯ ﺑﮭﯽ ﭘﻮﺷﯿﺪﮦ ﺭﮐﮭﯽ ﮔﺌﯽ ﮨﮯ ﻣﮕﺮ ﺩﻝ ﻣﯿﮟ ﺍﺳﮯ ﺩﮬﯿﻤﮯ ﺩﮬﯿﻤﮯ ﺩﺭﺩ ﮐﯽ ﺍﯾﮏ ﻣﺴﻠﺴﻞ ﮐﯿﻔﯿﺖ ﺳﮯ ﺑﮭﺮﯼ ﺯﻧﺪﮔﯽ ﺑﮭﺮ ﯾﺎﺩ ﺭﮐﮭﺎ ﮔﯿﺎ ﮨﮯ۔
ﺍﺭﺩﻭ ﻏﺰﻝ ﮐﺎ ﮐﻼﺳﯿﮑﯽ ﺩﻭﺭ ﻣﯿﮟ ﻣﻮﺿﻮﻋﺎﺕ ﮐﮯ ﺍﻋﺘﺒﺎﺭ ﺳﮯ ﺧﺎﺻﯽ ﻣﺤﺪﻭﺩ ﺭﮨﯽ ﮨﮯ۔ ﻣﯿﺮ ، ﻏﺎﻟﺐ ، ﺁﺗﺶ ﺍﻭﺭ ﺍﺱ ﻗﺒﯿﻞ ﮐﮯ ﭼﻨﺪ ﺷﻌﺮﺍﺀ ﺳﮯ ﻗﻄﻊ ﻧﻈﺮ ﺩﻟﯽ ﮐﮯ ﺷﻌﺮﺍﺀ ﮐﮯ ﮨﺎﮞ ﻋﺸﻘﯿﮧ ﺷﺎﻋﺮﯼ ﻣﯿﮟ ﻋﺎﺷﻖ ، ﺭﻗﯿﺐ ﺍﻭﺭ ﻣﻌﺸﻮﻕ ﮐﯽ ﻣﺜﻠﺚ ﺟﮕﮧ ﺟﮕﮧ ﻧﻈﺮﺁﺗﯽ ﮨﮯ۔ ﭘﮭﺮ ﺧﻤﺮﯾﺎﺕ ﮐﮯ ﻣﺤﺪﻭﺩ ﻣﻀﺎﻣﯿﻦ ﮨﯿﮟ۔ ﺗﺼﻮﻑ ﮐﮯ ﻣﺘﻌﺎﺭﻑ ﻣﻮﺿﻮﻋﺎﺕ ﭘﺮ ﺑﮭﯽ ﺧﺎﻣﮧ ﻓﺮﻣﺎﺋﯽ ﮐﺮﻧﺎ ﮨﺮ ﺷﺎﻋﺮ ﺍﭘﻨﺎ ﺣﻖ ﺳﻤﺠﮭﺘﺎ ﮨﮯ۔ ﺧﻮﺍﮦ ﺍﺳﮯ ﺍﺱ ﺳﮯ ﺩﻟﯽ ﻟﮕﺎﺅ ﮨﻮ ﯾﺎ ﻧﮧ ﮨﻮ۔ ﻟﮑﮭﻨﻮ ﮐﮯ ﺷﻌﺮﺍﺀ ﮐﮯ ﮨﺎﮞ ﺳﺮﺍﭘﺎﻧﮕﺎﺭﯼ ، ﻟﺒﺎﺱ ، ﺯﯾﻮﺭﺍﺕ ﺍﻭﺭﺩﻭﺳﺮﮮ ﺳﺎﻣﺎﻥ ﺁﺭﺍﺋﺶ ﮐﮯ ﺍﻧﺒﺎﺭ ﻟﮕﮯ ﮨﻮﺋﮯ ﮨﯿﮟ۔ ﺩﻭ ﻏﺰﻟﮯ ، ﺳﮧ ﻏﺰﻟﮯ ، ﭼﮩﺎﺭ ﻏﺰﻟﮯ ﮨﯿﮟ ، ﻟﻤﺒﯽ ﻟﻤﺒﯽ ﺭﺩﯾﻔﯿﮟ ﮨﯿﮟ ﺍﻭﺭ ﺍﻥ ﻣﻞ ﺑﮯ ﺟﻮﮌ ﻗﺎﻓﯿﮯ ، ﺣﺎﻟﯽ ﮐﮯ ﺑﻌﺪ ﺳﮯ ﺍﺻﻼﺣﯽ ﺭﺟﺤﺎﻧﺎﺕ ﮐﮯ ﺗﺤﺖ ﻏﺰﻝ ﻣﯿﮟ ﻣﻮﺿﻮﻋﺎﺕ ﮐﯽ ﺍﯾﮏ ﻧﺌﯽ ﺩﻧﯿﺎ ﺟﻠﻮﮦ ﮔﺮ ﮨﻮﺗﯽ ﮨﮯ ﻟﯿﮑﻦ ﺍﺳﻤﺎﻋﯿﻞ ﻣﯿﺮﭨﮭﯽ ﺍﻭﺭ ﺑﻌﺾ ﺩﯾﮕﺮ ﺷﻌﺮﺍﺀ ﺟﻮﺵ ﺍﺻﻼﺡ ﻣﯿﮟ ﻏﺰﻝ ﮐﻮ ﺍﺩﻧﯽٰ ﺩﺭﺟﮯ ﮐﯽ ﻧﻈﻢ ﻣﯿﮟ ﺗﺒﺪﯾﻞ ﮐﺮﺩﯾﺘﮯ ﮨﯿﮟ ﺍﻭﺭﻏﺰﻝ ﮐﯽ ﺍﻧﻔﺮﺍﺩﯾﺖ ﮔﻢ ﮨﻮﺟﺎﺗﯽ ﮨﮯ۔ ﺍﮐﺒﺮ ﺍﻟﮧ ﺁﺑﺎﺩﯼ ﻧﮯ ﺑﮩﺖ ﺍﻋﻠﯽٰ ﻏﺰﻝ ﮐﮩﯽ ﮨﮯ ﻟﯿﮑﻦ ﺍﻥ ﮐﯽ ﺗﻘﻠﯿﺪﮐﺮﮐﮯ ﮐﺎﻣﯿﺎﺏ ﻏﺰﻝ ﻟﮑﮭﻨﺎ ﮐﺴﯽ ﮐﮯ ﺑﺲ ﻣﯿﮟ ﻧﮩﯿﮟ۔ ﯾﮩﯽ ﺻﻮﺭﺕ ﺍﻗﺒﺎﻝ ﮐﯽ ﻏﺰﻝ ﻣﯿﮟ ﺩﮐﮭﺎﺋﯽ ﺩﯾﺘﯽ ﮨﮯ۔ ﺍﻗﺒﺎﻝ ﮐﮯ ﺑﻌﺪ ﺑﻌﺾ ﺗﺮﻗﯽ ﭘﺴﻨﺪ ﺷﻌﺮﺍﺀ ﻣﺜﻼً ﻓﯿﺾ ، ﻇﮩﯿﺮﮐﺎﺷﻤﯿﺮﯼ ، ﺟﺬﺑﯽ ، ﻣﺠﺮﻭﺡ ﺳﻠﻄﺎﻥ ﭘﻮﺭﯼ ﻭﻏﯿﺮﮦ ﻏﺰﻝ ﮐﮯ ﺍﭼﮭﮯ ﺷﻌﺮﺍﺀ ﮨﯿﮟ ﻟﯿﮑﻦ ﺍﻥ ﮐﮯ ﮨﺎﮞ ﻣﻮﺿﻮﻋﺎﺕ ﮐﺎ ﺩﺍﺋﺮﮦ ﮐﺲ ﻗﺪﺭ ﺗﻨﮓ ﮨﮯ۔ ﻓﯿﺾ ﻧﮯ ﺍﻟﺒﺘﮧ ﺗﺮﻗﯽ ﭘﺴﻨﺪﻭﮞ ﮐﮯ ﻓﺎﺭﻣﻮﻟﮯ ﮐﻮ ﭼﮭﻮﮌﮐﺮﺑﮭﯽ ﺑﮩﺖ ﺳﮯ ﺍﭼﮭﮯ ﺷﻌﺮ ﮐﮩﮯ ﮨﯿﮟ۔
ﺣﻔﯿﻆ ﺗﺎﺋﺐ ﮐﯽ ﻏﺰﻝ ﺍﻥ ﺭﺟﺤﺎﻧﺎﺕ ﻣﯿﮟ ﺳﮯ ﮐﺴﯽ ﮐﯽ ﭘﯿﺮﻭﯼ ﻧﮩﯿﮟ ﮐﺮﺗﯽ۔ ﺍﻥ ﮐﮯ ﮨﺎﮞ ﮨﻤﺎﺭﮮ ﻣﻌﺎﺷﺮﮮ ﮐﮯ ﺍﺟﺘﻤﺎﻋﯽ ﻻﺷﻌﻮﺭ ﻣﯿﮟ ﺟﮭﺎﻧﮏ ﮐﺮ ﺍﺱ ﮐﯽ ﻋﻤﻮﻣﯽ ﮐﻤﺰﻭﺭﯾﻮﮞ ﮐﻮ ﺑﯿﺎﻥ ﮐﺮﻧﮯ ﯾﺎ ﮨﺪﻑ ﻃﻨﺰ ﺑﻨﺎﻧﮯ ﮐﺎ ﺭﻭﯾﮧ ﻧﻈﺮﺁﺗﺎﮨﮯ۔ ﻣﺜﻼً

ﺟﮭﻮﭨﺎ ﺗﻮ ﻭﮦ ﮨﮯ ﻟﯿﮑﻦ
ﮐﻮﻥ ﺍﺱ ﮐﻮ ﮐﮩﮯ ﺟﮭﻮﭨﺎ

ﺍﺱ ﮐﺎ ﺍﺱ ﺩﺭﺟﮧ ﻣﮩﺮﺑﺎﻥ ﮨﻮﻧﺎ
ﮐﻮﺋﯽ ﺍﭼﮭﺎ ﺷﮕﻮﮞ ﻧﮩﯿﮟ ﺍﮮ ﺩﻭﺳﺖ

ﻧﺎ ﺷﻨﺎﺳﯽ ﮐﮯ ﺩﻭﺭ ﻣﯿﮟ ﺗﺎﺋﺐ
ﺟﻮ ﻣﻠﮯ ﮨﻢ ﻧﻮﺍ ﻏﻨﯿﻤﺖ ﮨﮯ

ﺍﻧﺴﺎﮞ ﮐﮯ ﻣﺮﺗﺒﮯ ﮐﯽ ﮨﮯ ﺗﺮﮮ ﺟﮩﺎﮞ ﻣﯿﮟ ﻗﺪﺭ
ﺍﻧﺴﺎﻥ ﮐﯽ ﺻﻔﺎﺕ ﮐﻮﺋﯽ ﭘﻮﭼﮭﺘﺎ ﻧﮩﯿﮟ

ﻣﯿﺮﯼ ﺷﮑﺴﺖ ﻓﺎﺵ ﮐﻮ ﺳﺐ ﺩﯾﮑﮭﺘﮯ ﺭﮨﮯ
ﮐﯿﺴﮯ ﮨﻮﺋﯽ ﯾﮧ ﻣﺎﺕ ﮐﻮﺋﯽ ﭘﻮﭼﮭﺘﺎ ﻧﮩﯿﮟ
ﺗﺎﺋﺐ ﮨﮯ ﺍﭘﻨﯽ ﺍﭘﻨﯽ ﺳﺒﮭﯽ ﮐﻮ ﭘﮍﯼ ﮨﻮﺋﯽ
ﺍﮎ ﺩﻭﺳﺮﮮ ﮐﯽ ﺑﺎﺕ ﮐﻮﺋﯽ ﭘﻮﭼﮭﺘﺎ ﻧﮩﯿﮟ

ﺗﻼﺵ ﺁﺳﻮﺩﮔﯽ ﮐﻮ ﮐﺮﺗﮯ ﮐﺮﺗﮯ
ﭘﺮﯾﺸﺎﮞ ﻧﺴﻞ ﺁﺩﻡ ﮨﻮ ﮔﺌﯽ ﮨﮯ

ﺟﮩﻞ ﻭ ﺩﺍﻧﺶ ﻣﯿﮟ ﻧﻮﺭ ﻭ ﻇﻠﻤﺖ ﻣﯿﮟ
ﺍﺏ ﮐﻮﺋﯽ ﺍﻣﺘﯿﺎﺯ ﺑﮭﯽ ﺗﻮ ﻧﮩﯿﮟ

ﺍﭘﻨﯽ ﭘﮩﭽﺎﻥ ﮐﭽﮫ ﺁﺳﺎﻥ ﻧﮩﯿﮟ
ﻃﻨﺰ ﺁﺷﻔﺘﮧ ﺳﺮﺍﮞ ﮐﺎﻡ ﺁﺋﯽ

ﺍﺱ ﺳﻤﺎﺟﯽ ﺗﻨﻘﯿﺪ ﺳﮯ ﺁﮔﮯ ﺑﮍﮪ ﮐﺮ ﺣﻔﯿﻆ ﺗﺎﺋﺐ ﻧﮯ ﺍﭘﻨﯽ ﻏﺰﻝ ﻣﯿﮟ ﺩﻭﺭ ﺣﺎﺿﺮ ﮐﮯ ﺍﻧﺴﺎﻧﻮﮞ ﮐﮯ ﻣﺴﺎﺋﻞ ﻭ ﻣﺼﺎﺋﺐ ﮐﺎ ﺫﮐﺮ ﮐﯿﺎ ﮨﮯ ﺍﻭﺭ ﺍﻧﺴﺎﻧﻮﮞ ﮐﯽ ﺍﻧﺴﺎﻧﻮﮞ ﺳﮯ ﻻ ﺗﻌﻠﻘﯽ ، ﻋﺪﻡ ﮨﻤﺪﺭﺩﯼ ، ﺍﻋﺼﺎﺏ ﺷﮑﻦ ، ﺗﻨﮩﺎﺋﯽ ، ﻣﺎﺩﯼ ﻭﺳﺎﺋﻞ ﮐﺎ ﺗﻌﺎﻗﺐ ﻭﻏﯿﺮﮦ ﮐﻮ ﺍﺷﻌﺎﺭ ﻣﯿﮟ ﻣﯿﮟ ﮈﮬﺎﻟﮑﺮ ﺍﻃﻤﯿﻨﺎﻥ ﻗﻠﺐ ، ﯾﮑﺴﻮﺋﯽ ﺍﻭﺭ ﺍﻋﻠﯽٰ ﺍﻗﺪﺍﺭﮐﯽ ﻃﺮﻑ ﺭﺍﻏﺐ ﮐﺮﻧﮯ ﮐﯽ ﮐﻮﺷﺶ ﮐﯽ ﮨﮯ۔ ﮐﮩﯿﮟ ﮐﮩﯿﮟ ﺩﻭﺭﺣﺎﺿﺮﯼ ﮐﯽ ﺳﯿﺎﺳﺖ ﮐﮯ ﻣﮩﻠﮏ ﺍﺛﺮﺍﺕ ﮐﯽ ﻃﺮﻑ ﺑﮭﯽ ﺗﻮﺟﮧ ﺩﻻﺋﯽ ﮨﮯ۔

ﺳﻮﺩﺍﺋﮯ ﺳﺮﺍﺏ ﺩﮮ ﮔﺌﮯ ﮨﯿﮟ
ﮐﯿﺎ ﮐﭽﮫ ﮨﻢ ﺧﻮﺍﺏ ﺩﮮ ﮔﺌﮯ ﮨﯿﮟ
ﮨﺮ ﺁﻥ ﻧﺌﮯ ﺳﻮﺍﻝ ﺗﺎﺋﺐ
ﺍﻋﺼﺎﺏ ﺟﻮﺍﺏ ﺩﮮ ﮔﺌﮯ ﮨﯿﮟ

ﺑﺎﻻﺩﺳﺘﯽ ﮐﺎ ﻓﺴﻮﮞ ﺍﺳﻠﺤﮧ ﺳﺎﺯﯼ ﮐﺎ ﺟﻨﻮﮞ
ﯾﮧ ﺫﺭﺍﺋﻊ ﺗﻮ ﮨﻼﮐﺖ ﮐﮯ ﮨﯿﮟ ﻋﻈﻤﺖ ﮐﮯ ﻧﮩﯿﮟ

ﺳﻤﺠﮭﻮﮞ ﮐﮧ ﺁﮔﯿﺎ ﮨﮯ ﺯﻣﺎﻧﮯ ﻣﯿﮟ ﺍﻧﻘﻼﺏ
ﮨﻮ ﺟﺎﺋﯿﮟ ﮔﮯ ﻏﺮﯾﺐ ﮐﮯ ﺷﺎﻡ ﻭ ﺳﺤﺮ ﺩﺭﺳﺖ

ﺣﻔﯿﻆ ﺗﺎﺋﺐ ﮐﮯ ﮨﺎﮞ ﻏﺰﻝ ﺑﻌﺾ ﺟﮕﮧ ﻧﻌﺖ ﺳﮯ ﻣﻞ ﺟﻞ ﮐﺮ ﺑﮍﯼ ﻣﺘﺒﺮﮎ ﺍﻭﺭ ﺑﮍﯼ ﻣﻌﺘﺒﺮ ﮨﻮ ﮔﺌﯽ ﮨﮯ۔ ﺍﯾﮏ ﮨﯽ ﻏﺰﻝ ﮐﮯ ﭼﻨﺪ ﺍﺷﻌﺎﺭ ﻧﻌﺘﯿﮧ ﺭﺟﺤﺎﻥ ﮐﻮ ﺑﮭﯽ ﺑﺮﻭﺋﮯ ﮐﺎﺭ ﻻﺗﮯ ﮨﯿﮟ۔
ﺍﭼﺎﻧﮏ ﭘﺘﮧ ﻟﮕﺘﺎ ﮨﮯ ﮐﮧ ﻏﺰﻝ ﻧﻌﺖ ﮐﯽ ﺗﻤﮩﯿﺪ ﺑﻦ ﮔﺌﯽ ﮨﮯ۔ ﺍﯾﺴﯽ ﻏﺰﻟﯿﺎﺕ ﻧﮯ ﺍﺱ ﺯﻣﺎﻧﮯ ﮐﯽ ﻣﻌﻠﻮﻡ ﮨﻮﺗﯽ ﮨﯿﮟ ﺟﺐ ﺣﻔﯿﻆ ﺗﺎﺋﺐ ﻧﻌﺖ ﮐﯽ ﻃﺮﻑ ﺁ ﭼﮑﮯ ﺗﮭﮯ۔

ﺟﺎﮞ ﺳﺮﺍﻓﺮﺍﺯ ﮨﻮ ﺗﻮ ﮐﯿﻮﮞ ﮐﺮ ﮨﻮ
ﮔﺮﺩ ﺭﺍﮦ ﺣﺠﺎﺯ ﺑﮭﯽ ﺗﻮ ﻧﮩﯿﮟ

ﻣﯿﮟ ﻧﮧ ﮐﯿﻮﮞ ﺍﺱ ﭘﮧ ﺟﺎﻥ ﺩﻭﮞ ﺗﺎﺋﺐ
ﺟﺐ ﻧﺒﯽ ؐ ﮐﻮ ﭘﺴﻨﺪ ﺗﮭﯽ ﺧﻮﺷﺒﻮ

ﻣﯿﮟ ﺍﭘﻨﮯ ﮔﻨﺎﮨﻮﮞ ﮐﻮ ﺗﺎﺋﺐ ﺩﮬﻮﻧﮯ ﮐﺎ ﺍﺭﺍﺩﮦ ﺭﮐﮭﺘﺎ ﺗﮭﺎ
ﺭﺣﻤﺖ ﻧﮯ ﺑﮍﮪ ﮐﺮ ﺗﮭﺎﻡ ﻟﯿﺎ ﮨﮯ ﺍﺷﮏ ﻓﺮﺍﻭﺍﮞ ﺳﮯ ﭘﮩﻠﮯ

ﻣﯿﮟ ﺑﮭﯽ ﻏﻢ ﺣﺒﯿﺐؐ ﺳﮯ ﮐﺮﻟﻮﮞ ﺫﺭﺍ ﺳﺎ ﭘﯿﺎﺭ
ﻣﺠﮫ ﮐﻮ ﺯﻣﺎﻧﮧ ﺗﮭﻮﮌﯼ ﺳﯽ ﻓﺮﺻﺖ ﮐﯽ ﺑﮭﯿﮏ ﺩﮮ

ﺟﺎﻧﺘﺎ ﮐﻮﻥ ﺗﮭﺎ ﺗﺎﺋﺐ ﮐﻮ ﺯﻣﺎﻧﮯ ﺑﮭﺮ ﻣﯿﮟ
ﺍﻥؐ ﮐﯽ ﻧﺴﺒﺖ ﮨﯽ ﺳﮯ ﻧﺎ ﭼﯿﺰ ﮐﯽ ﺗﻮﻗﯿﺮ ﺑﻨﯽ

ﺍﮔﺮﭼﮧ ﺣﻔﯿﻆ ﺗﺎﺋﺐ ﻧﮯ ﺍﭘﻨﯽ ﻏﺰﻟﯿﺎﺕ ﮐﮯ ﻣﺠﻤﻮﻋﮯ ﻣﯿﮟ ﮐﻮﺋﯽ ﻏﺰﻝ ﺑﻠﮑﮧ ﮐﻮﺋﯽ ﺷﻌﺮﺑﮭﯽ ﺍﯾﺴﺎ ﺷﺎﻣﻞ ﻧﮩﯿﮟ ﮐﯿﺎ ﺟﺲ ﻣﯿﮟ ﺫﺭﺍ ﺳﯽ ﮐﺜﺎﻓﺖ ﮨﻮ ﯾﮧ ﮐﮩﻨﺎ ﺑﺠﺎ ﻟﮕﺘﺎ ﮨﮯ ﮐﮧ ﺍﺱ ﻧﻌﺖ ﮔﻮ ﻧﮯ ﻏﺰﻝ ﻣﯿﮟ ﺑﮭﯽ ﮨﻤﯿﺸﮧ ﺟﺎﺩﮦ ﺍﻋﺘﺪﺍﻝ ﮐﻮ ﻣﻠﺤﻮﻅ ﺭﮐﮭﺎ ﮨﮯ۔ ﺍﺭﺩﻭ ﻏﺰﻝ ﻣﯿﮟ ﮐﻮﺋﯽ ﺩﻭﺳﺮﺍ ﻣﺠﻤﻮﻋﮧ ﺍﯾﺴﺎ ﻧﮩﯿﮟ ﻣﻠﮯ ﮔﺎﺟﺲ ﮐﮯ ﺍﺷﻌﺎﺭ ﺍﺗﻨﮯ ﭘﺎﮐﯿﺰﮦ ﮨﻮﮞ۔
ﯾﮧ ﻣﺠﻤﻮﻋﮧ ﻏﺰﻟﯿﺎﺕ ﺑﮯ ﻣﺜﺎﻝ ﺳﺎﺩﮔﯽ ﮐﺎ ﺣﺎﻣﻞ ﮨﮯ۔ ﺍﺑﮩﺎﻡ ﺳﮯ ﻣﻌﺮﯼٰ ، ﺷﻔﺎﻑ ﺍﺳﻠﻮﺏ ، ﺍﻟﻔﺎﻅ ﺍﻭﺭ ﺗﺮﺍﮐﯿﺐ ﮐﯽ ﻋﻤﺪﮦ ﺗﺮﺍﺵ ﺧﺮﺍﺵ ، ﻣﺼﺮﻋﻮﮞ ﮐﯽ ﭘﺨﺘﮕﯽ ﺍﻭﺭ ﺑﺮﺟﺴﺘﮕﯽ ، ﺭﮐﺎ ﺗﮭﻤﺎ ﺟﺬﺑﮧ ﺍﻭﺭ ﺍﺱ ﺳﮯ ﮨﻢ ﺁﮨﻨﮓ ﺩﮬﯿﻤﯽ ﺻﻮﺕ ﻭﺍﻟﮯ ﺍﻟﻔﺎﻅ ﺍﻭﺭ ﺗﺮﺍﮐﯿﺐ ﮐﺎ ﺍﺳﺘﻌﻤﺎﻝ ، ﺍﺱ ﻣﺠﻤﻮﻋﮯ ﮐﻮ ﺩﻭﺭ ﺣﺎﺿﺮ ﮐﮯ ﻏﺰﻟﯿﮧ ﻣﺠﻤﻮﻋﻮﮞ ﻣﯿﮟ ﺍﯾﮏ ﻧﻤﺎﯾﺎﮞ ﻣﻘﺎﻡ ﺍﺱ ﻟﺌﮯ ﻣﻠﻨﺎ ﭼﺎﮨﯿﮯ ﮐﮧ ﺑﻠﻨﺪ ﺁﮨﻨﮓ ، ﭘﺮﺷﻮﺭﺍﻭﺭﺍﮐﮭﮍﯼ ﺍﮐﮭﮍﯼ ﺯﺑﺎﻥ ﮐﮯ ﺣﺎﻣﻞ ﻣﺠﻤﻮﻋﻮﮞ ﻣﯿﮟ ﺍﯾﮏ ﺍﯾﺴﮯ ﻣﺠﻤﻮﻋﮯ ﮐﺎﺍﺿﺎﻓﮧ ﮨﻮﺍ ﮨﮯ ﺟﺲ ﻣﯿﮟ ﺷﺎﺋﺴﺘﮕﯽ ، ﺍﻋﺘﺪﺍﻝ ﺍﻭﺭ ﺩﮬﯿﻤﺎ ﭘﻦ ﻣﻮﺟﻮﺩ ہے۔

ﻭﻓﺎﺕ:
ﮐﯿﻨﺴﺮ کے ﻋﺎﺭﺿﮯ ﮐﯽ ﻭﺟﮧ ﺳﮯ ﻻﮨﻮﺭ ﻣﯿﮟ 13 ﺟﻮﻥ 2004 ﺀ ﮐﻮ ﺍﻧﺘﻘﺎﻝ ﮨﻮﺍ۔

ﺗﺼﺎﻧﯿﻒ:

ﺁﭖ ﮐﯽ ﺗﺼﻨﯿﻒ ﮐﺮﺩﮦ ﮐﺘﺐ ﮐﯽ ﻓﮩﺮﺳﺖ:

ﺻﻠﻮ ﻋﻠﯿﮧ ﻭ ﺁﻟﮧ ، ﺍﺭﺩﻭ ﻣﺠﻤﻮﻋﮧ ﻧﻌﺖ
ﺻﻠﻮ ﻋﻠﯿﮧ ﻭﺁﻟﮧ 1978 ﻣﯿﮟ ﺷﺎﺋﻊ ﮨﻮﺋﯽ ﺍﻭﺭ ﺍﺱ ﮐﻮ ﺁﺩﻡ ﺟﯽ ﺍﺩﺑﯽ ﺍﯾﻮﺍﺭﮈ ﺑﮭﯽ ﺩﯾﺎ ﮔﯿﺎ۔ ﺍﺱ ﮐﺎ ﺗﺠﺰﯾﮧ ﮈﺍﮐﭩﺮ ﺳﯿﺪ ﻋﺒﺪﺍﻟﻠﮧ ، ﻣﻘﺪﻣﮧ ﮈﺍﮐﭩﺮ ﻏﻼﻡ ﻣﺼﻄﻔﯽ ﺧﺎﮞ ﺍﻭﺭ ﻓﻠﯿﭗ ﺍﺣﺴﺎﻥ ﺩﺍﻧﺶ ، ﺍﺣﻤﺪ ﻧﺪﯾﻢ ﻗﺎﺳﻤﯽ ، ﮈﺍﮐﭩﺮ ﻭﺣﯿﺪ ﻗﺮﯾﺸﯽ ، ﻣﻮﻻﻧﺎ ﻣﺤﻤﺪ ﺑﺨﺶ ﻣﺴﻠﻢ ، ﺳﯿﺪ ﻧﺬﯾﺮ ﻧﯿﺎﺯﯼ ، ﻣﯿﺮﺯﺍ ﺍﺩﯾﺐ ، ﺣﺎﻓﻆ ﻣﺤﻤﺪ ﺍﻓﻀﻞ ﻓﻘﯿﺮ ، ﺣﺎﻓﻆ ﻣﻈﮩﺮ ﺍﻟﺪﯾﻦ ﻣﻈﮩﺮ ﺍﻭﺭ ﺣﺎﻓﻆ ﻟﺪﮬﯿﺎﻧﻮﯼ ﻧﮯ ﻟﮑﮭﺎ ﮨﮯ۔

ﺳﮏ ﻣﺘﺮﺍﮞ ﺩﯼ ، ﭘﻨﺠﺎﺑﯽ ﻣﺠﻤﻮﻋﮧ ﻧﻌﺖ

ﺳﮏ ﻣﺘﺮﺍﮞ ﺩﯼ ، 1978 ﻣﯿﮟ ﺷﺎﺋﻊ ﮨﻮﺋﯽ ﺍﻭﺭ ﺍﺳﮯ ﭘﺎﮐﺴﺘﺎﻥ ﺭﺍﺋﭩﺮﺯ ﮔﻠﮉ ﺍﯾﻮﺍﺭﮈ ﺩﯾﺎ ﮔﯿﺎ۔

ﻭﺳﻠﻤﻮﺍ ﺗﺴﻠﯿﻤﺎ ، ﭘﻨﺠﺎﺑﯽ ﻣﺠﻤﻮﻋﮧ ﻧﻌﺖ

ﻭﺳﻠﻤﻮﺍ ﺗﺴﻠﯿﻤﺎ 1990 ﻣﯿﮟ ﻃﺒﻊ ﮨﻮﺋﯽ ﺍﻭﺭ ﺍﺱ ﮐﺘﺎﺏ ﮐﻮ ﺗﺼﻨﯿﻒ ﮐﺮﻧﮯ ﭘﺮ ﻭﺯﺍﺭﺕ ﻣﺬﮨﺒﯽ ﺍﻣﻮﺭ ﭘﺎﮐﺴﺘﺎﻥ ﮐﯽ ﻃﺮﻑ ﺣﻔﯿﻆ ﺗﺎﺋﺐ ﮐﻮ ﺻﺪﺭﺍﺗﯽ ﺍﯾﻮﺍﺭﮈ ﺩﯾﺎ ﮔﯿﺎ۔

ﻭﮨﯽ ﯾﺴﯿﮟ ﻭﮨﯽ ﻃﮧ ، ﺍﺭﺩﻭ ﻣﺠﻤﻮﻋﮧ ﻧﻌﺖ،
ﻣﻨﺎﻗﺐ ، ﺍﺭﺩﻭ ﻣﺠﻤﻮﻋﮧ ﻣﻨﻘﺒﺖ،
ﻟﯿﮑﮫ ، ‏(ﭘﻨﺠﺎﺑﯽ ﺣﻤﺪ ، ﻧﻌﺖ،ﻏﺰﻝ ﺍﻭﺭ ﮔﯿﺖ ﭘﺮ ﻣﺸﺘﻤﻞ)
ﮐﻮﺛﺮﯾﮧ ، ﺍﺭﺩﻭ ﻣﺠﻤﻮﻋﮧ ﻧﻌﺖ،
ﻧﺴﯿﺐ ، ﺍﺭﺩﻭ ﻣﺠﻤﻮﻋﮧ ﻏﺰﻝ
ﺗﻌﺒﯿﺮ ، ﺍﺭﺩﻭ ﻗﻮﻣﯽ ﻭ ﻣﻠﯽ ﻣﻨﻈﻮﻣﺎﺕ
ﻗﻄﺒﯽ ﺗﺎﺭﺍ
ﭘﻦ ﭼﮭﻦ
ﮐﻠﯿﺎﺕِ ﺣﻔﯿﻆ ﺗﺎﺋﺐ

منتخب کلام:

ﺧﻮﺷﺒﻮ ﮨﮯ ﺩﻭ ﻋﺎﻟﻢ ﻣﯿﮟ ﺗﺮﯼ ﺍﮮ ﮔﻞ ﭼﯿﺪﮦ
ﮐﺲ ﻣﻨﮧ ﺳﮯ ﺑﯿﺎﮞ ﮨﻮﮞ ﺗﺮﮮ ﺍﻭﺻﺎﻑ ﺣﻤﯿﺪﮦ

ﺗﺠﮫ ﺳﺎ ﮐﻮﺋﯽ ﺁﯾﺎ ﮨﮯ ، ﻧﮧ ﺁﺋﮯ ﮔﺎ ﺟﮩﺎﮞ ﻣﯿﮟ
ﺩﯾﺘﺎ ﮨﮯ ﮔﻮﺍﮨﯽ ﯾﮩﯽ ، ﻋﺎﻟﻢ ﮐﺎ ﺟﺮﯾﺪﮦ۔۔۔

ﺍﮮ ﮨﺎﺩﺉ ﺑﺮﺣﻖ ﺗﯿﺮﯼ ﮨﺮ ﺑﺎﺕ ﮨﮯ ﺳﭽﯽ
ﺩﯾﺪﮦ ﺳﮯ ﺑﮭﯽ ﺑﮍﮪ ﮐﺮ ﮨﮯ ﺗﺮﮮ ﻟﺐ ﺳﮯ ﺷﻨﯿﺪﮦ

ﺍﮮ ﺭﺣﻤﺖ ﻋﺎﻟﻢ ﺗﯿﺮﯼ ﯾﺎﺩﻭﮞ ﮐﯽ ﺑﺪﻭﻟﺖ
ﮐﺲ ﺩﺭﺟﮧ ﺳﮑﻮﮞ ﻣﯿﮟ ﮨﮯ ﻣﺮﺍ ﻗﻠﺐ ﺗﭙﯿﺪﮦ

ﺧﯿﺮﺍﺕ ﻣﺠﮭﮯ ﺍﭘﻨﯽ ﻣﺤﺒﺖ ﮐﯽ ﻋﻄﺎ ﮐﺮ
ﺁﯾﺎ ﮨﻮﮞ ﺗﺮﮮ ﺩﺭ ﭘﮧ ﺑﮧ ﺩﺍﻣﺎﻥ ﺩﺭﯾﺪﮦ

ﺗﻮ ﺭﻭﺡ ﺯﻣﻦ ، ﺭﻭﺡ ﭼﻤﻦ ، ﺭﻭﺡ ﺑﮩﺎﺭﺍﮞ
ﺗﻮ ﺟﺎﻥ ﺑﯿﺎﮞ ، ﺟﺎﻥ ﻏﺰﻝ ، ﺟﺎﻥ ﻗﺼﯿﺪﮦ

ﯾﻮﮞ ﺩﻭﺭ ﮨﻮﮞ ﺗﺎﺋﺐ ﻣﯿﮟ ﺣﺮﯾﻢ ﻧﺒﻮﯼ ﺳﮯ
ﺻﺤﺮﺍ ﻣﯿﮟ ﮨﻮ ﺟﺲ ﻃﺮﺡ ﮐﻮﺋﯽ ﺷﺎﺥ ﺑﺮﯾﺪﮦ

صلی اللہ علیہ وسلم

۔۔۔۔۔۔۔۔۔۔۔۔۔۔۔۔

ﭘﺘﮭﺮ ﻣﯿﮟ ﻓﻦ ﮐﮯ ﭘﮭﻮﻝ ﮐﮭﻼ ﮐﺮ ﭼﻼ ﮔﯿﺎ
ﮐﯿﺴﮯ ﺍﻣﭧ ﻧﻘﻮﺵ ﮐﻮﺋﯽ ﭼﮭﻮﮌﺗﺎ ﮔﯿﺎ

ﺳﻤﭩﺎ ﺗﺮﺍ ﺧﯿﺎﻝ ﺗﻮ ﮔﻞ ﺭﻧﮓ ﺍﺷﮏ ﺗﮭﺎ
ﭘﮭﯿﻼ ﺗﻮ ﻣﺜﻞ ﺩﺷﺖ ﻭﻓﺎ ﭘﮭﯿﻠﺘﺎ ﮔﯿﺎ

ﺳﻮﭼﻮﮞ ﮐﯽ ﮔﻮﻧﺞ ﺗﮭﯽ ﮐﮧ ﻗﯿﺎﻣﺖ ﮐﯽ ﮔﻮﻧﺞ ﺗﮭﯽ
ﺗﯿﺮﺍ ﺳﮑﻮﺕ ﺣﺸﺮ ﮐﮯ ﻣﻨﻈﺮ ﺩﮐﮭﺎ ﮔﯿﺎ

ﯾﺎ ﺗﯿﺮﯼ ﺁﺭﺯﻭ ﻣﺠﮭﮯ ﻟﮯ ﺁﺋﯽ ﺍﺱ ﻃﺮﻑ
ﯾﺎ ﻣﯿﺮﺍ ﺷﻮﻕ ﺭﺍﮦ ﻣﯿﮟ ﺻﺤﺮﺍ ﺑﭽﮭﺎ ﮔﯿﺎ

ﻭﮦ ﺟﺲ ﮐﻮ ﺑﮭﻮﻟﻨﮯ ﮐﺎ ﺗﺼﻮﺭ ﻣﺤﺎﻝ ﺗﮭﺎ
ﻭﮦ ﻋﮩﺪ ﺭﻓﺘﮧ ﺭﻓﺘﮧ ﻣﺠﮭﮯ ﺑﮭﻮﻟﺘﺎ ﮔﯿﺎ

ﺟﺐ ﺍﺱ ﮐﻮ ﭘﺎﺱ ﺧﺎﻃﺮ ﺁﺯﺭﺩﮔﺎﮞ ﻧﮩﯿﮟ
ﻣﮍ ﻣﮍ ﮐﮯ ﮐﯿﻮﮞ ﻭﮦ ﺩﻭﺭ ﺗﻠﮏ ﺩﯾﮑﮭﺘﺎ گیا

مہمان تحریر
مہمان تحریر
وہ تحاریر جو ہمیں نا بھیجی جائیں مگر اچھی ہوں، مہمان تحریر کے طور پہ لگائی جاتی ہیں

بذریعہ فیس بک تبصرہ تحریر کریں

براہ راست تبصرہ تحریر کریں۔

Your email address will not be published. Required fields are marked *