Cannabis Sativa ﺍﻭﺭ Cannabis indica ﻧﯿﭩﻞ ﻧﺎﻣﯽ ﭘﻮﺩﻭﮞ ﮐﮯ ﺍﯾﮏ ﺧﺎﻧﺪﺍﻥ ﺳﮯ ﺗﻌﻠﻖ ﺭﮐﮭﺘﮯ ﮨﯿﮟ ﺟﻮ ﺻﺪﯾﻮﮞ ﺳﮯ ﺩﻧﯿﺎ ﺑﮭﺮ ﻣﯿﮟ ﺟﻨﮕﻠﯽ ﭘﻮﺩﮮ ﮐﮯ ﻃﻮﺭ ﭘﺮ ﺍﮒ ﺭﮨﺎ ﮨﮯ۔ﺩﻭﻧﻮﮞ ﭘﻮﺩﮮ کئی ﻣﻘﺎﺻﺪ ﮐﮯﻟﯿﮯ ﺍﺳﺘﻌﻤﺎﻝ ﮨﻮﺗﮯ ﺭﮨﮯ ﮨﯿﮟ ﻣﺜﻼً ﺍﺱ ﮐﺎ ﺭﯾﺸﮧ ﺭﺳﯽ ﺍﻭﺭ ﮐﭙﮍﺍ ﺑﻨﺎﻧﮯ، ﺍﯾﮏ ﻃﺒﯽ ﺟﮍﯼ ﺑﻮﭨﯽ ﺍﻭﺭ ﺍﯾﮏ ﻣﻘﺒﻮﻝ ﺗﻔﺮﯾﺤﯽ ﻧﺸﮯ ﮐﮯ ﻃﻮﺭ ﭘﺮ ﺍﺳﺘﻌﻤﺎﻝ ﮨﻮﺗﺎ ﮨﮯ۔ﺍﺱ ﭘﻮﺩﮮ ﮐﺎ ﻋﺮﻕ ﮐﺘﮭﺊ ﯾﺎ ﮐﺎﻟﮯ ﺭﻧﮓ ﮐﯽ ﮐﺸﻤﺶ ﮐﯽ ﻃﺮﺡ ﮨﻮﺗﺎ ﮨﮯ ﺟﺴﮯ ﺑﮭﻨﮓ، ﮔﺎﻧﺠﺎ، ﺣﺸﯿﺶ ﻭﻏﯿﺮﮦ ﮐﮩﺘﮯ ﮨﯿﮟ۔ﺟﺒﮑﮧ ﺍﺱ ﮐﮯ ﺳﻮﮐﮭﮯ ﮨﻮﺋﮯ ﭘﺘﮯ ﮔﺮﺍﺱ، ﻣﺎﺭﯼ ﺟﻮﺍﻧﺎ، ﻭﯾﮉ (weed) ﻭﻏﯿﺮﮦ ﮐﮩﻼﺗﮯ ﮨﯿﮟ۔
ﺍﺳﮑﻨﮏ (skunk) ﭼﺮﺱ ﮐﯽ ﻭﮦ ﻧﺴﺒﺘﺎًﻃﺎﻗﺘﻮﺭ ﻗﺴﻢ ﮨﮯ ﺟﻮ ﺍﺱ ﻣﯿﮟ ﺫﮨﻦ ﭘﺮ ﺍﺛﺮﺍﺕ ﮈﺍﻟﻨﮯ ﻭﺍﻟﮯ ﻃﺎﻗﺘﻮﺭ ﻣﺎﺩﻭﮞ ﮐﮯ ﻟﯿﮯ ﺧﺎﺹ ﻃﻮﺭ ﭘﺮ ﺍﮔﺎﺋﯽ ﺟﺎﺗﯽ ﮨﮯ۔ ﺍﺱ ﮐﻮ ﯾﮧ ﻧﺎﻡ ﺍﺱ ﺗﯿﺰ ﭼﺒﮭﻨﮯ ﻭﺍﻟﯽ ﺑﻮ ﮐﯽ ﻭﺟﮧ ﺳﮯ ﺩﯾﺎ ﮔﯿﺎ ﮨﮯ ﺟﻮ ﯾﮧ ﺍﮔﻨﮯ ﮐﮯ ﺩﻭﺭﺍﻥ ﺧﺎﺭﺝ ﮐﺮﺗﯽ ﮨﮯ۔ ﭼﺮﺱ ﮐﯽ ﺍﻭﺭ ﺑﮭﯽ ﺳﯿﮑﮍﻭﮞ ﺩﯾﮕﺮ ﺍﻗﺴﺎﻡ ﻣﻮﺟﻮﺩ ﮨﯿﮟ ﺟﻦ ﮐﻮ ﻣﺨﺘﻠﻒ ﻧﺎﻣﻮﮞ ﺳﮯ ﺟﺎﻧﺎ ﺟﺎﺗﺎ ﮨﮯ ۔
ﻋﺎﻡ ﭼﺮﺱ ﻧﺸﮯ ﮐﯽ ﺷﺪﺕ ﮐﮯ ﺣﺴﺎﺏ ﺳﮯ ﺑﮩﺖ ﺳﯽ ﺍﻗﺴﺎﻡ ﻣﯿﮟ ﭘﺎﺋﯽ ﺟﺎﺗﯽ ﮨﮯ ﺍﺱ ﻟﯿﮯ ﯾﮧ ﮐﮩﻨﺎ ﻣﺸﮑﻞ ﮨﮯ ﮐﮧ ﮐﺴﯽ ﺧﺎﺹ ﻣﻮﻗﻊ ﭘﺮ ﮐﻮﻥ ﺳﯽ ﻗﺴﻢ ﺍﺳﺘﻌﻤﺎﻝ ﮐﯽ ﺟﺎﺭﮨﯽ ﮨﮯ۔
ﭼﺮﺱ ﭘﯿﻨﮯ ﺳﮯﺍﺱ ﮐﮯ ﻧﺼﻒ ﺳﮯ ﺯﺍﺋﺪ ﻧﻔﺴﯿﺎﺗﯽ ﺍﺛﺮﺍﺕ ﭘﯿﺪﺍ ﮐﺮﻧﮯ ﻭﺍﻟﮯ ﺍﺟﺰﺍ ﺧﻮﻥ ﻣﯿﮟ ﺟﺬﺏ ﮨﻮﺟﺎﺗﮯ ﮨﯿﮟ۔ ﯾﮧ ﻣﺮﮐﺒﺎﺕ ﭘﻮﺭﮮ ﺟﺴﻢ ﮐﯽ ﭼﺮﺑﯿﻠﯽ ﻧﺴﯿﺠﻮﮞ ﻣﯿﮟ ﺟﻤﻊ ﮨﻮﺟﺎﺗﮯ ﮨﯿﮟ ﺍﺱ ﻟﯿﮯ ﭘﯿﺸﺎﺏ ﮐﮯ ﺫﺭﯾﻌﮯ ﺟﺴﻢ ﺳﮯ ﺧﺎﺭﺝ ﮨﻮﻧﮯ ﻣﯿﮟ ﺍﻧﮭﯿﮟ ﺑﮩﺖ ﻭﻗﺖ ﻟﮕﺘﺎ ﮨﮯ۔ ﯾﮩﯽ ﻭﺟﮧ ﮨﮯ ﮐﮧ ﭼﺮﺱ ﮐﯽ ﺷﻨﺎﺧﺖ ﺍﺱ ﮐﮯ ﺍﺳﺘﻌﻤﺎﻝ ﮐﮯ ﭼﮭﭙﻦ ﺩﻥ ﺑﻌﺪ ﺑﮭﯽ ﮐﯽ ﺟﺎﺳﮑﺘﯽ ﮨﮯ۔
ﯾﮧ ﮐﺲ ﻃﺮﺡ ﮐﺎﻡ ﮐﺮﺗﯽ ﮨﮯ ﺍﻭﺭ ﭼﺮﺱ ﮐﯽ ﮐﯿﻤﯿﺎﺋﯽ ﺳﺎﺧﺖ ﮐﯿﺎ ﮨﻮﺗﯽ ﮨﮯ؟
ﭼﺮﺱ ﮐﮯ ﭘﻮﺩﮮ ﻣﯿﮟ ﺍﻭﺳﻄﺎً ﺳﺎﭨﮫ ﻣﺮﮐﺒﺎﺕ ﺍﻭﺭ ﭼﺎﺭ ﺳﻮ ﮐﯿﻤﯿﺎﺋﯽ ﻣﺎﺩﮮ ﮨﻮﺗﮯ ﮨﯿﮟ۔ ﭼﺎﺭ ﻣﺮﮐﺰﯼ ﻣﺮﮐﺒﺎﺕ ﮐﮯ ﻧﺎﻡ ﮈﯾﻠﭩﺎ ﻧﺎﺋﻦ ﭨﯿﭩﺮﺍﮨﺎﺋﮉﺭﻭﮐﯿﻨﺎﺑﯿﻨﻮﻝ ‏( ﮈﯾﻠﭩﺎ ﻧﺎﺋﻦ ﭨﯽ ﺍﯾﭻ ﺳﯽ ‏) ، ﮐﯿﻨﺎ ﺑﯿﮉﯾﻮﻝ، ﮈﯾﻠﭩﺎ ﺍﯾﭧ ﭨﯿﭩﺮﺍﮨﺎﺋﮉﺭﻭﮐﯿﻨﺎﺑﯿﻨﻮﻝ ﺍﻭﺭ ﮐﯿﻨﺎﺑﯿﻨﻮﻝ ﮨﯿﮟ۔ ﮐﯿﻨﺎ ﺑﯿﮉﯾﻮﻝ ‏( ﺳﯽ ﺑﯽ ﮈﯼ ‏) ﮐﮯ ﻋﻼﻭﮦ ﯾﮧ ﻣﺮﮐﺒﺎﺕ ﺫﮨﻦ ﭘﺮ ﺍﺛﺮ ﺍﻧﺪﺍﺯ ﮨﻮﻧﮯ ﻭﺍﻟﮯ ﮨﯿﮟ ﺟﻦ ﻣﯿﮟ ﺳﮯ ﺳﺐ ﺳﮯ ﻃﺎﻗﺘﻮﺭ ﮈﯾﻠﭩﺎ ﻧﺎﺋﻦ ﭨﯿﭩﺮﺍﮨﺎﺋﮉﺭﻭﮐﯿﻨﺎﺑﯿﻨﻮﻝ ﮨﮯ۔ ﭘﻮﺩﮮ ﮐﯽ ﻃﺎﻗﺘﻮﺭ ﺗﺮﯾﻦ ﺍﻗﺴﺎﻡ ﻣﯿﮟ ﺗﮭﻮﮌﺍ ﺳﺎ ﮐﯿﻨﺎ ﺑﯿﮉﯾﻮﻝ ‏( ﺳﯽ ﺑﯽ ﮈﯼ ‏) ﺟﺒﮑﮧ ﮈﯾﻠﭩﺎ ﻧﺎﺋﻦ ﭨﯽ ﺍﯾﭻ ﺳﯽ ﺑﮩﺖ ﺯﯾﺎﺩﮦ ﻣﻘﺪﺍﺭ ﻣﯿﮟ ﭘﺎﯾﺎ ﺟﺎﺗﺎ ﮨﮯ۔
ﺟﺐ ﭼﺮﺱ ﭘﯽ ﺟﺎﺗﯽ ﮨﮯ ﺗﻮ ﺍﺱ ﮐﮯ ﻣﺮﮐﺒﺎﺕ ﺗﯿﺰﯼ ﺳﮯ ﺧﻮﻥ ﻣﯿﮟ ﺷﺎﻣﻞ ﮨﻮﺟﺎﺗﮯ ﮨﯿﮟ ﺍﻭﺭ ﺑﺮﺍﮦ ﺭﺍﺳﺖ ﺩﻣﺎﻍ ﺍﻭﺭ ﺟﺴﻢ ﮐﮯ ﺩﯾﮕﺮ ﺍﻋﻀﺎ ﻣﯿﮟ ﭘﮩﻨﭻ ﺟﺎﺗﮯ ﮨﯿﮟ۔ ﺑﻨﯿﺎﺩﯼ ﻃﻮﺭ ﭘﺮ ﮈﯾﻠﭩﺎ ﻧﺎﺋﻦ ﭨﯽ ﺍﯾﭻ ﺳﯽ ﮐﮯ ﺩﻣﺎﻍ ﻣﯿﮟ ﻣﻮﺟﻮﺩ ﮐﯿﻨﺎﺑﺎﺋﯿﻮﻧﺎﺋﮉ ﺭﯾﺴﯿﭙﭩﺮﺯ (cannabinoid receptors) ﺳﮯﻣﻠﻨﮯ ﺳﮯ ﻧﺸﮧ ﺁﻭﺭ ﯾﺎ ﺧﻤﺎﺭ ﮐﯽ ﺳﯽ ﮐﯿﻔﯿﺖ ﻃﺎﺭﯼ ﮨﻮﺗﯽ ﮨﮯ۔ ﺩﻣﺎﻍ ﮐﮯ ﺧﻠﯿﺎﺕ ﻣﯿﮟ ﺭﯾﺴﯿﭙﭩﺮ ﺍﯾﮏ ﺍﯾﺴﯽ ﺟﮕﮧ ﮨﮯ ﺟﮩﺎﮞ ﻣﺨﺼﻮﺹ ﻣﺎﺩﮮ ﮐﭽﮫ ﻋﺮﺻﮯ ﮐﮯ ﻟﯿﮯ ﺭﮎ ﯾﺎ ﺟﮍ ﺟﺎﺗﮯ ﮨﯿﮟ۔ ﺍﮔﺮ ﺍﯾﺴﺎ ﮨﻮ ﺗﻮ ﺍﺱ ﮐﺎ ﺍﺛﺮ ﺍﺱ ﺧﻠﯿﮯ ﺍﻭﺭ ﺍﻭﺭ ﺍﺱ ﺳﮯ ﭘﯿﺪﺍ ﮨﻮﻧﮯ ﻭﺍﻟﮯ ﺳﮕﻨﻞ ﭘﺮ ﮨﻮﺗﺎ ﮨﮯ ۔ ﺩﻟﭽﺴﭗ ﺑﺎﺕ ﯾﮧ ﮨﮯ ﮐﮧ ﺩﻣﺎﻍ ﺧﻮﺩ ﻗﺪﺭﺗﯽ ﻃﻮﺭ ﭘﺮ ﭼﺮﺱ ﮐﯽ ﻃﺮﺡ ﮐﮯ ﻣﺎﺩﮮ ﭘﯿﺪﺍ ﮐﺮﺗﺎ ﮨﮯ ﺟﻨﮭﯿﮟ ﺍﯾﻨﮉﻭﮐﯿﻨﺎﺑﺎﺋﯿﻨﻮﺍﺋﮉﺯ (endocannabinoids) ﮐﮩﺎ ﺟﺎﺗﺎ ﮨﮯ۔ ﺍﯾﺴﮯ ﺯﯾﺎﺩﮦ ﺗﺮ ﺭﯾﺴﯿﭙﭩﺮﺯ ﺩﻣﺎﻍ ﮐﮯ ﺍﺱ ﺣﺼﮯ ﻣﯿﮟ ﭘﺎﺋﮯ ﺟﺎﺗﮯ ﮨﯿﮟ ﺟﻮ ﻟﺬﺕ، ﯾﺎﺩﺩﺍﺷﺖ، ﺧﯿﺎﻻﺕ، ﺗﻮﺟﮧ، ﺣﺴﯿﺎﺕ ﺍﻭﺭ ﻭﻗﺖ ﮐﮯ ﺍﺩﺭﺍﮎ ﮐﻮ ﻣﺘﺎﺛﺮ ﮐﺮﺗﺎ ﮨﮯ۔ ﭼﺮﺱ ﮐﮯ ﻣﺮﮐﺒﺎﺕ ﺁﻧﮑﮭﻮﮞ، ﮐﺎﻧﻮﮞ، ﺟﻠﺪ ﺍﻭﺭ ﻣﻌﺪﮮ ﮐﻮ ﺑﮭﯽ ﻣﺘﺎﺛﺮ ﮐﺮﺳﮑﺘﮯ ﮨﯿﮟ۔
ﭼﺮﺱ ﮐﮯ ﮐﯿﺎ ﺍﺛﺮﺍﺕ ﮨﻮﺗﮯ ﮨﯿﮟ؟
ﺧﻮﺷﮕﻮﺍﺭ
ﺧﻤﺎﺭ۔ ﺳﮑﻮﻥ، ﺧﻮﺷﯽ، ﺧﻮﺍﺏ ﺁﻭﺭ ﮐﯿﻔﯿﺖ، ﺭﻧﮓ ﻣﺰﯾﺪ ﺧﻮﺑﺼﻮﺭﺕ ﺍﻭﺭ ﻣﻮﺳﯿﻘﯽ ﺯﯾﺎﺩﮦ ﭘﺮ ﻟﻄﻒ ﻟﮕﺘﯽ ﮨﮯ۔
ﻧﺎﺧﻮﺷﮕﻮﺍﺭ
ﺗﻘﺮﯾﺒﺎً ﺩﺱ ﻣﯿﮟ ﺳﮯ ﺍﯾﮏ ﭼﺮﺱ ﺍﺳﺘﻌﻤﺎﻝ ﮐﺮﻧﮯ ﻭﺍﻟﻮﮞ ﭘﺮ ﻧﺎﺧﻮﺷﮕﻮﺍﺭ ﺍﺛﺮﺍﺕ ﻣﺮﺗﺐ ﮨﻮﺗﮯ ﮨﯿﮟ ﺟﻦ ﻣﯿﮟ ﺍﭘﻨﮯ ﮨﻮﺵ ﻭ ﺣﻮﺍﺱ ﻣﯿﮟ ﻧﮧ ﺭﮨﻨﺎ، ﻏﯿﺒﯽ ﺁﻭﺍﺯﯾﮟ ﺳﻨﺎﺋﯽ ﺩﯾﻨﺎ ﯾﺎ ﭼﯿﺰﯾﮟ ﻧﻈﺮ ﺁﻧﺎ، ﮔﮭﺒﺮﺍﮨﭧ ﺍﻭﺭ ﺑﻼ ﻭﺟﮧ ﺷﮑﻮﮎ ﻭ ﺷﺒﮩﺎﺕ ﮨﻮﻧﺎ
ﺷﺎﻣﻞ ﮨﯿﮟ۔ ﻣﻮﮈ ﺍﻭﺭ ﺣﺎﻻﺕ ﮐﯽ ﻣﻨﺎﺳﺒﺖ ﺳﮯ ﺍﯾﮏ ﮨﯽ ﺷﺨﺺ ﭘﺮ ﺧﻮﺷﮕﻮﺍﺭ ﯾﺎ ﻧﺎﺧﻮﺷﮕﻮﺍﺭ ﺍﺛﺮﺍﺕ ﻣﺮﺗﺐ ﮨﻮﺳﮑﺘﮯ ﮨﯿﮟ۔ ﯾﮧ ﺍﺣﺴﺎﺳﺎﺕ ﻋﺎﻡ ﻃﻮﺭ ﭘﺮ ﻭﻗﺘﯽ ﮨﻮﺗﮯ ﮨﯿﮟ ، ﺗﺎﮨﻢ ﺟﯿﺴﺎﮐﮧ ﯾﮧ ﻧﺸﮧ ﺁﻭﺭ ﺷﮯ ﮐﺊ ﮨﻔﺘﻮﮞ ﺗﮏ ﺟﺴﻤﺎﻧﯽ ﻧﻈﺎﻡ ﻣﯿﮟ ﺭﮦ ﺳﮑﺘﯽ ﮨﮯ ﺍﺱ ﮐﮯ ﺍﺛﺮﺍﺕ ﺍﺳﺘﻌﻤﺎﻝ ﮐﺮﻧﮯ ﻭﺍﻟﻮﮞ ﮐﯽ ﺗﻮﻗﻊ ﮐﮯ ﺑﺮﻋﮑﺲ ﺯﯾﺎﺩﮦ ﻋﺮﺻﮯ ﺗﮏ ﺑﮭﯽ ﻣﻮﺟﻮﺩ ﺭﮦ ﺳﮑﺘﮯ ﮨﯿﮟ۔ ﺯﯾﺎﺩﮦ ﻋﺮﺻﮯ ﭼﺮﺱ ﺍﺳﺘﻌﻤﺎﻝ ﮐﺮﻧﮯ ﺳﮯ ﮈﭘﺮﯾﺸﻦ ﺑﮭﯽ ﮨﻮ ﺳﮑﺘﺎ ﮨﮯ ﺍﻭﺭ ﺟﻮﺵ ﻭ ﺟﺬﺑﮯ ﻣﯿﮟ ﮐﻤﯽ ﮨﻮﺳﮑﺘﯽ ﮨﮯ۔
ﺗﻌﻠﯿﻢ ﺍﻭﺭ ﺳﯿﮑﮭﻨﮯ ﮐﯽ ﺻﻼﺣﯿﺖ
ﯾﮧ ﺑﮭﯽ ﺳﻤﺠﮭﺎ ﺟﺎﺗﺎ ﮨﮯ ﮐﮧ ﭼﺮﺱ ﮐﺴﯽ ﺷﺨﺺ ﻣﯿﮟ ﺗﻮﺟﮧ، ﻣﻌﻠﻮﻣﺎﺕ ﮐﻮ ﺫﮨﻦ ﻣﯿﮟ ﺗﺮﺗﯿﺐ ﺩﯾﻨﮯ ﺍﻭﺭ ﺍﻥ ﮐﮯﺍﺳﺘﻌﻤﺎﻝ ﮐﯽ ﺍﺳﺘﻄﺎﻋﺖ ﮐﻮ ﺑﮭﯽ ﻣﺘﺎﺛﺮ ﮐﺮﺳﮑﺘﯽ ﮨﮯ۔
ﯾﮧ ﺍﺛﺮﺍﺕ ﺍﺳﺘﻌﻤﺎﻝ ﮐﮯ  کئی ﮨﻔﺘﻮﮞ ﺑﻌﺪ ﺗﮏ ﺑﺮﻗﺮﺍﺭ ﺭﮨﺘﮯ ﮨﯿﮟ ﺟﻮ ﻃﻠﺒﺎ ﻣﯿﮟ ﻣﺨﺼﻮﺹ ﻣﺴﺎﺋﻞ ﮐﺎ ﺳﺒﺐ ﺑﻨﺘﮯ ﮨﯿﮟ۔ ﻧﯿﻮﺯﯼ ﻟﯿﻨﮉ ﻣﯿﮟ ۱۲۶۵ ﻃﻠﺒﺎ ﭘﺮ ﺍﯾﮏ ﺗﺤﻘﯿﻖ ﮐﯽ  گئی  ﺟﻦ ﮐﺎ ﭘﭽﯿﺲ ﺳﺎﻝ ﺗﮏ ﻣﻌﺎﺋﻨﮧ ﮐﯿﺎ ﺟﺎﺗﺎ ﺭﮨﺎ۔ ﺍﺱ ﺳﮯ ﭘﺘﮧ ﭼﻼ ﮐﮧ ﺑﻠﻮﻏﺖ ﻣﯿﮟ ﭼﺮﺱ ﮐﮯ ﺍﺳﺘﻌﻤﺎﻝ ﺍﻭﺭ ﺍﺳﮑﻮﻝ ﻣﯿﮟ ﺧﺮﺍﺏ ﮐﺎﺭﮐﺮﺩﮔﯽ ﮐﺎ ﺁﭘﺲ ﻣﯿﮟ ﺗﻌﻠﻖ ﺗﮭﺎ
ﺗﺎﮨﻢ ﺩﻭﻧﻮﮞ ﮐﮯ ﺩﺭﻣﯿﺎﻥ ﮐﻮﺋﯽ ﺑﺮﺍﮦ ﺭﺍﺳﺖ ﺗﻌﻠﻖ ﻧﮩﯿﮟ ﺗﮭﺎ۔ ﺍﯾﺴﺎ ﻟﮕﺘﺎ ﮨﮯ ﮐﮧ ﺟﯿﺴﮯ ﭼﺮﺱ ﮐﺎ ﺍﺳﺘﻌﻤﺎﻝ ﺍﯾﮏ ﺍﯾﺴﯽ ﻃﺮﺯ ﺯﻧﺪﮔﯽ ﮐﯽ ﻃﺮﻑ ﻟﮯ ﺟﺎﺗﺎ ﮨﮯ ﺟﻮ ﺍﺳﮑﻮﻝ ﮐﯽ ﭘﮍﮬﺎﺋﯽ ﻣﯿﮟ ﻣﻌﺎﻭﻥ ﺛﺎﺑﺖ ﻧﮩﯿﮟ ﮨﻮﺗﯽ۔
ﮐﺎﻡ
ﻟﻮﮔﻮﮞ ﮐﮯ ﮐﺎﻡ ﭘﺮ ﺑﮭﯽ ﭼﺮﺱ ﮐﮯ ﺍﺳﯽ ﻃﺮﺡ ﮐﮯ ﺍﺛﺮﺍﺕ ﻣﺮﺗﺐ ﮨﻮﺗﮯ ﮨﯿﮟ۔ ﺍﺱ ﺑﺎﺕ ﮐﺎ ﮐﻮﺋﯽ ﺛﺒﻮﺕ ﻧﮩﯿﮟ ﮨﮯ ﮐﮧ ﭼﺮﺱ ﺳﮯ ﺻﺤﺖ ﭘﺮ ﮐﻮﺋﯽ ﻣﺨﺼﻮﺹ ﺧﻄﺮﺍﺕ ﻣﺮﺗﺐ ﮨﻮﺗﮯ ﮨﯿﮟ ﺗﺎﮨﻢ ﭼﺮﺱ ﺍﺳﺘﻌﻤﺎﻝ ﮐﺮﻧﮯ ﻭﺍﻟﮯ ﺍﻓﺮﺍﺩ ﻣﯿﮟ ﺍﺱ ﺑﺎﺕ ﮐﺎ ﺧﻄﺮﮦ ﺯﯾﺎﺩﮦ ﮨﻮﺗﺎ ﮨﮯ ﮐﮧ ﻭﮦ ﺑﻐﯿﺮ ﺍﺟﺎﺯﺕ ﮐﮯ ﮐﺎﻡ ﭼﮭﻮﮌ ﮐﺮ ﭼﻠﮯ ﺟﺎﺋﯿﮟ، ﮐﺎﻡ ﮐﮯ ﺍﻭﻗﺎﺕ ﻣﯿﮟ ﺫﺍﺗﯽ ﮐﺎﻡ ﮐﺮﺗﮯ ﺭﮨﯿﮟ ﯾﺎ ﻣﺤﺾ ﺧﯿﺎﻟﯽ ﭘﻼﺅ ﭘﮑﺎﺗﮯ ﺭ ﮨﯿﮟ۔ ﭼﺮﺱ ﺍﺳﺘﻌﻤﺎﻝ ﮐﺮﻧﮯ ﻭﺍﻟﮯ ﺧﻮﺩ ﺍﺱ ﺑﺎﺕ ﮐﺎ ﺍﻇﮩﺎﺭ ﮐﺮﺗﮯ ﮨﯿﮟ ﮐﮧ ﺍﺱ ﮐﺎ ﺍﺳﺘﻌﻤﺎﻝ ﺍﻥ ﮐﯽ ﭘﯿﺸﮧ ﻭﺭﺍﻧﮧ ﺍﻭﺭ ﺳﻤﺎﺟﯽ ﺯﻧﺪﮔﯽ ﭘﺮ ﺍﺛﺮﺍﻧﺪﺍﺯ ﮨﻮﺗﺎ ﮨﮯ۔
ﮐﭽﮫ ﺍﻗﺴﺎﻡ ﮐﮯ ﮐﺎﻡ ﺯﯾﺎﺩﮦ ﻣﺤﻨﺖ ﯾﺎ ﺗﻮﺟﮧ ﮐﮯ ﻣﺘﻘﺎﺿﯽ ﮨﻮﺗﮯ ﮨﯿﮟ۔ ﭘﺎﺋﻠﭩﻮﮞ ﭘﺮ ﭼﺮﺱ ﮐﮯ ﺍﺳﺘﻌﻤﺎﻝ ﮐﮯ ﺍﺛﺮﺍﺕ ﮐﺎ ﺟﺎﺋﺰﮦ ﻟﯿﻨﮯ ﮐﮯ ﻟﯿﮯ ﮐﯽ ﺟﺎﻧﮯ ﻭﺍﻟﯽ ﺗﺤﻘﯿﻖ ﺳﮯ ﭘﺘﮧ ﭼﻼ ﮐﮧ ﺍﻧﮭﻮﮞ ﻧﮯ ﭼﺮﺱ ﮐﮯ ﺍﺳﺘﻌﻤﺎﻝ ﮐﮯ ﺑﻌﺪ ﺍﮨﻢ ﺍﻭﺭ ﻣﻌﻤﻮﻟﯽ ﺩﻭﻧﻮﮞ ﻃﺮﺡ ﮐﯽ ﻏﻠﻄﯿﺎﮞ ﺯﯾﺎﺩﮦ ﮐﯿﮟ ﺑﮧ ﻧﺴﺒﺖ ﺍﺱ ﻭﻗﺖ ﮐﮯ ﺟﺐ ﺍﻧﮭﻮﮞ ﻧﮯ ﭼﺮﺱ ﮐﺎ ﺍﺳﺘﻌﻤﺎﻝ ﻧﮩﯿﮟ ﮐﯿﺎ ﺗﮭﺎ۔ ﯾﮧ ﺗﺠﺮﺑﮧ ﺍﺻﻞ ﻓﻼﺋﭧ ﮐﮯ ﺑﺠﺎﺋﮯ ﻓﻼﺋﭧ ﺳﯿﻤﻮﻟﯿﭩﺮﺯ ﻣﯿﮟ ﮐﯿﺎ ﮔﯿﺎ ۔ ﺑﺪﺗﺮﯾﻦ ﺍﺛﺮﺍﺕ ﺍﺑﺘﺪﺍﺋﯽ ﭼﺎﺭ ﮔﮭﻨﭩﻮﮞ ﻣﯿﮟ ﺭﮨﮯ ﺍﻭﺭ ﭼﻮﺑﯿﺲ ﮔﮭﻨﭩﮯ ﺑﺮﻗﺮﺍﺭ ﺭﮨﮯ ﺣﺘﯽٰ ﮐﮧ ﺍﺱ ﻭﻗﺖ ﺑﮭﯽ ﺟﺐ ﭘﺎﺋﻠﭩﻮﮞ ﮐﻮ ﺍﭘﻨﮯ ﻧﺸﮯ ﻣﯿﮟ ﮨﻮﻧﮯ ﮐﺎ ﺍﻧﺪﺍﺯﮦ ﻧﮧ ﺗﮭﺎ۔ ﺍﺱ ﺗﺤﻘﯿﻖ ﮐﺎ ﻧﺘﯿﺠﮧ ﯾﮧ ﻧﮑﻼ، ” ﺍﺱ ﺷﮩﺎﺩﺕ ﮐﮯ ﭘﯿﺶ ﻧﻈﺮ ﮨﻢ ﻣﯿﮟ ﺳﮯ ﺑﯿﺸﺘﺮ ﺍﻓﺮﺍﺩ ﺍﯾﺴﮯ ﭘﺎﺋﻠﭧ ﮐﮯ ﺳﺎﺗﮫ ﺳﻔﺮ ﮐﺮﻧﺎ ﭘﺴﻨﺪ ﻧﮩﯿﮟ ﮐﺮﯾﮟ ﮔﮯ ﺟﺲ ﻧﮯ ﭘﭽﮭﻠﮯ ﺍﯾﮏ ﺩﻭ ﺩﻥ ﮐﮯ ﺩﻭﺭﺍﻥ ﭼﺮﺱ ﭘﯽ ﮨﻮ۔ ”
ﮈﺭﺍﺋﯿﻮﻧﮓ
ﻧﯿﻮﺯﯼ ﻟﯿﻨﮉ ﻣﯿﮟ ﻣﺤﻘﻘﯿﻦ ﮐﻮ ﻣﻌﻠﻮﻡ ﮨﻮﺍ ﮐﮧ ﻭﮦ ﻟﻮﮒ ﺟﻮ ﺑﺎﻗﺎﻋﺪﮔﯽ ﺳﮯ ﭼﺮﺱ ﭘﯿﺘﮯ ﺗﮭﮯ ﺍﻭﺭ
ﮈﺭﺍﺋﯿﻮﻧﮓ ﺳﮯ ﻗﺒﻞ ﭼﺮﺱ ﮐﺎ ﺍﺳﺘﻌﻤﺎﻝ ﮐﺮﭼﮑﮯ ﺗﮭﮯ ﺍﻥ ﻣﯿﮟ ﮐﺎﺭ ﮐﮯ ﺣﺎﺩﺛﮯ ﻣﯿﮟ ﺯﺧﻤﯽ ﮨﻮﻧﮯ ﮐﮯ ﺍﻣﮑﺎﻧﺎﺕ ﺯﯾﺎﺩﮦ ﺗﮭﮯ۔ ﻓﺮﺍﻧﺲ ﻣﯿﮟ ﮨﻮﻧﮯ ﻭﺍﻟﯽ ﺍﯾﮏ ﺣﺎﻟﯿﮧ ﺗﺤﻘﯿﻖ ﻣﯿﮟ ﺍﯾﺴﮯ ﺩﺱ ﮨﺰﺍﺭ ﮈﺭﺍﺋﯿﻮﺭﻭﮞ ﮐﺎ ﺟﺎﺋﺰﮦ ﻟﯿﺎ ﮔﯿﺎ ﺟﻮ ﮐﺎﺭ ﮐﮯ ﺟﺎﻥ ﻟﯿﻮﺍ ﺣﺎﺩﺛﺎﺕ ﻣﯿﮟ ﻣﻠﻮﺙ ﺗﮭﮯ۔ ﺷﺮﺍﺏ ﻧﻮﺷﯽ ﮐﮯ ﺍﺛﺮﺍﺕ ﮐﺎ ﺍﺛﺮ ﻧﮑﺎﻟﻨﮯ ﮐﮯ ﺑﻌﺪ ﺑﮭﯽ ﺍﺱ ﺑﺎﺕ ﮐﺎ ﺩﻭ ﮔﻨﺎ ﺍﻣﮑﺎﻥ ﺗﮭﺎ ﮐﮧ ﭼﺮﺱ ﮐﮯ ﻋﺎﺩﯼ ﺍﻓﺮﺍﺩ ﮐﺎﺭ ﮐﺎ ﺟﺎﻥ ﻟﯿﻮﺍ ﺣﺎﺩﺛﮧ ﮐﺮﻧﮯ ﻭﺍﻟﻮﮞ ﻣﯿﮟ ﺷﺎﻣﻞ ﮨﻮﮞ ﺑﮧ ﻧﺴﺒﺖ ﺍﺱ ﮐﮯ ﮐﮧ ﻭﮦ ﺍﺱ ﺣﺎﺩﺛﮯ ﮐﺎ ﺑﻐﯿﺮ ﺍﭘﻨﯽ ﮐﺴﯽ ﻏﻠﻄﯽ ﮐﮯ ﺷﮑﺎﺭ ﮨﻮﺋﮯ ﮨﻮﮞ۔ ﭘﺲ ﮨﻢ ﻣﯿﮟ ﺳﮯ ﺯﯾﺎﺩﮦ ﺗﺮ ﻟﻮﮒ ﺷﺎﯾﺪ ﮐﺴﯽ ﺍﯾﺴﮯ ﮈﺭﺍﺋﯿﻮﺭ ﮐﯽ ﮔﺎﮌﯼ ﻣﯿﮟ ﻧﮩﯿﮟ ﺑﯿﭩﮭﻨﺎ ﭼﺎﮨﯿﮟ ﮔﮯ ﺟﺲ ﻧﮯ ﭘﭽﮭﻠﮯ ﺍﯾﮏ ﺩﻭ ﺩﻥ ﻣﯿﮟ ﭼﺮﺱ ﮐﺎ ﺍﺳﺘﻌﻤﺎﻝ ﮐﯿﺎ ﮨﻮ۔
ﺫﮨﻨﯽ ﺻﺤﺖ ﮐﮯ ﻣﺴﺎﺋﻞ
ﺍﺱ ﺑﺎﺕ ﮐﮯ ﻗﻮﯼ ﺷﻮﺍﮨﺪ ﻣﻮﺟﻮﺩ ﮨﯿﮟ ﮐﮧ ﺍﯾﺴﮯ ﺍﻓﺮﺍﺩ ﺟﻮ ﺫﮨﻨﯽ ﺑﯿﻤﺎﺭﯾﻮﮞ ﻣﺜﻼً ﮈﭘﺮﯾﺸﻦ ﺍﻭﺭ ﺳﺎﺋﯿﮑﻮﺳﺲ ﻣﯿﮟ ﻣﺒﺘﻼ ﮨﻮﮞ ﺍﻥ ﻣﯿﮟ ﭼﺮﺱ ﮐﮯ ﺣﺎﻟﯿﮧ ﯾﺎ ﻣﺎﺿﯽ ﻣﯿﮟ ﺍﺳﺘﻌﻤﺎﻝ ﮐﺎﺍﻣﮑﺎﻥ ﺍﻭﺭ ﻟﻮﮔﻮﮞ ﺳﮯ ﺯﯾﺎﺩﮦ ﮨﻮﺗﺎ ﮨﮯ۔ ﭼﺮﺱ ﮐﮯ ﺑﺎﻗﺎﻋﺪﮦ ﺍﺳﺘﻌﻤﺎﻝ ﺳﮯ ﺳﺎﺋﯿﮑﻮﺳﺲ ﯾﺎ ﺷﯿﺰﻭﻓﺮﯾﻨﯿﺎ ﮐﺎ ﺧﻄﺮﮦ ﺩﻭﮔﻨﺎ ﮨﻮﺟﺎﺗﺎﮨﮯ۔ ﺗﺎﮨﻢ ﮐﯿﺎ ﭼﺮﺱ ﮈﭘﺮﯾﺸﻦ ﺍﻭﺭ ﺷﯿﺰﻭﻓﺮﯾﻨﯿﺎ ﮐﺎ ﺳﺒﺐ ﺑﻦ ﺳﮑﺘﺎ ﮨﮯ ﯾﺎ ﺍﻥ ﻣﺴﺎﺋﻞ ﮐﺎ ﺷﮑﺎﺭ ﺍﻓﺮﺍﺩ ﺍﺱ ﮐﻮ ﺑﻄﻮﺭ ﺩﻭﺍ ﺍﺳﺘﻌﻤﺎﻝ ﮐﺮﺗﮯ ﮨﯿﮟ؟
ﭘﭽﮭﻠﮯ ﭼﻨﺪ ﺳﺎﻟﻮﮞ ﻣﯿﮟ ﮨﻮﻧﮯ ﻭﺍﻟﯽ ﺗﺤﻘﯿﻖ ﻧﮯ ﺍﺱ ﺑﺎﺕ ﮐﻮ ﺛﺎﺑﺖ ﮐﯿﺎ ﮨﮯ ﮐﮧ ﺟﯿﻨﯿﺎﺗﯽ ﻃﻮﺭ ﭘﺮ ﻣﺘﺎﺛﺮﮦ ﺍﻓﺮﺍﺩ ﻣﯿﮟ ﭼﺮﺱ ﮐﮯ ﺍﺳﺘﻌﻤﺎﻝ ﺍﻭﺭ ﺑﻌﺪ ﻣﯿﮟ ﮨﻮﻧﮯ ﻭﺍﻟﮯ ﺫﮨﻨﯽ ﺻﺤﺖ ﮐﮯ ﻣﺴﺎﺋﻞ ﻣﯿﮟ ﻭﺍﺿﺢ ﺗﻌﻠﻖ ﭘﺎﯾﺎ ﺟﺎﺗﺎ ﮨﮯ ، ﺍﻭﺭ ﯾﮧ ﮐﮧ ﻧﻮﺟﻮﺍﻥ ﻟﻮﮔﻮﮞ ﻣﯿﮟ ﭼﺮﺱ ﮐﮯ ﺍﺳﺘﻌﻤﺎﻝ ﮐﮯ ﺣﻮﺍﻟﮯ ﺳﮯ ﺯﯾﺎﺩﮦ ﺧﻄﺮﮦ ﮨﻮﺗﺎ ﮨﮯ۔
ﮈﭘﺮﯾﺸﻦ
ﺁﺳﭩﺮﯾﻠﯿﺎ ﻣﯿﮟ ﭼﻮﺩﮦ ﺳﮯ ﭘﻨﺪﺭﮦ ﺳﺎﻝ ﮐﮯ ﺳﻮﻟﮧ ﺳﻮ ﺍﺳﮑﻮﻝ ﺟﺎﻧﮯ ﻭﺍﻟﮯ ﺑﭽﻮﮞ ﭘﺮ ﺳﺎﺕ ﺳﺎﻝ ﺗﮏ ﺗﺤﻘﯿﻖ ﮐﯽ ﮔﺊ ﺟﺲ ﺳﮯ ﭘﺘﮧ ﭼﻼ ﮐﮧ ﻭﮦ ﺑﭽﮯ ﺟﻮ ﺑﺎﻗﺎﻋﺪﮔﯽ ﺳﮯ ﭼﺮﺱ ﮐﺎ ﺍﺳﺘﻌﻤﺎﻝ ﮐﺮﺗﮯ ﮨﯿﮟ ﺍﻥ ﻣﯿﮟ ﮈﭘﺮﯾﺸﻦ ﮐﺎ ﺧﻄﺮﮦ ﺑﮩﺖ ﺯﯾﺎﺩﮦ ﮨﻮﺗﺎ ﮨﮯ۔ ﺍﺱ ﮐﮯ ﺑﺮﻋﮑﺲ ﻭﮦ ﺑﭽﮯ ﺟﻮ ﭘﮩﻠﮯ ﮨﯽ ﮈﭘﺮﯾﺸﻦ ﻣﯿﮟ ﻣﺒﺘﻼ ﮨﻮﮞ ﺍﻥ ﻣﯿﮟ ﭼﺮﺱ ﮐﮯ ﺍﺳﺘﻌﻤﺎﻝ ﮐﺎ ﺧﻄﺮﮦ ﺩﻭﺳﺮﻭﮞ ﺳﮯ ﺯﯾﺎﺩﮦ ﻧﮩﯿﮟ۔ ﺗﺎﮨﻢ ﻭﮦ ﻧﻮﺟﻮﺍﻥ ﺍﻓﺮﺍﺩ ﺟﻮ ﺭﻭﺯﺍﻧﮧ ﭼﺮﺱ ﮐﺎ ﺍﺳﺘﻌﻤﺎﻝ ﮐﺮﺗﮯ ﮨﯿﮟ ﺍﻥ ﮐﮯ ﮈﭘﺮﯾﺸﻦ ﺍﻭﺭ ﺍﯾﻨﮕﺰﺍﺋﭩﯽ ﻣﯿﮟ ﻣﺒﺘﻼ ﮨﻮﻧﮯ ﮐﮯ ﺍﻣﮑﺎﻧﺎﺕ ﭘﺎﻧﭻ ﮔﻨﺎ ﺯﯾﺎﺩﮦ ﮨﯿﮟ۔
ﺷﯿﺰﻭﻓﺮﯾﻨﯿﺎ
ﻟﻮﮔﻮﮞ ﮐﯽ ﺍﯾﮏ ﺑﮍﯼ ﺗﻌﺪﺍﺩ ﭘﺮ ﮐﺊ ﺳﺎﻟﻮﮞ ﺗﮏ ﺗﯿﻦ ﺍﮨﻢ ﺗﺤﻘﯿﻘﺎﺕ ﮐﯽ ﮔﺌﯿﮟ ﺟﻦ ﺳﮯ ﭘﺘﮧ ﭼﻼ ﮐﮧ ﭼﺮﺱ ﮐﺎ ﺍﺳﺘﻌﻤﺎﻝ ﮐﺮﻧﮯ ﻭﺍﻟﮯ ﺍﻓﺮﺍﺩ ﻣﯿﮟ ﺷﯿﺰﻭﻓﺮﯾﻨﯿﺎ ﮨﻮﻧﮯ ﮐﮯ ﺍﻣﮑﺎﻧﺎﺕ ﺩﻭﺳﺮﮮ ﻟﻮﮔﻮﮞ ﺳﮯ ﺯﯾﺎﺩﮦ ﮨﯿﮟ۔ ﺍﮔﺮ ﺁﭖ ﭘﻨﺪﺭﮦ ﺳﺎﻝ ﮐﯽ ﻋﻤﺮ ﺳﮯ ﭘﮩﻠﮯ ﺍﺱ ﮐﺎ ﺍﺳﺘﻌﻤﺎﻝ ﺷﺮﻭﻉ ﮐﺮﺩﯾﮟ ﺗﻮ ﭼﮭﺒﯿﺲ ﺳﺎﻝ ﮐﯽ ﻋﻤﺮ ﺗﮏ ﭘﮩﻨﭽﻨﮯ ﺗﮏ ﺁﭖ ﻣﯿﮟ ﺳﺎﺋﯿﮑﻮﺳﺲ ﮨﻮﻧﮯ ﮐﮯ ﺍﻣﮑﺎﻧﺎﺕ ﭼﺎﺭ ﮔﻨﺎ ﺯﯾﺎﺩﮦ ﮨﻮﻧﮕﮯ۔ ﺍﯾﺴﺎ ﻟﮕﺘﺎ ﮨﮯ ﮐﮧ ﮐﻮﺋﯽ ﺷﺨﺺ ﭼﺮﺱ ﮐﯽ ﺟﺘﻨﯽ ﺯﯾﺎﺩﮦ ﻣﻘﺪﺍﺭ ﺍﺳﺘﻌﻤﺎﻝ ﮐﺮﮮ ﮔﺎ ﺍﺗﻨﺎ ﮨﯽ ﺍﺱ ﻣﯿﮟ ﯾﮧ ﻋﻼﻣﺎﺕ ﭘﯿﺪﺍ ﮨﻮﻧﮯ ﮐﺎ ﺍﻣﮑﺎﻥ ﺯﯾﺎﺩﮦ ﮨﻮ ﮔﺎ۔
ﻧﻮﻋﻤﺮ ﺍﻓﺮﺍﺩ ﮐﻮ ﭼﺮﺱ ﮐﮯ ﺍﺳﺘﻌﻤﺎﻝ ﺳﮯ ﻧﻘﺼﺎﻥ ﭘﮩﻨﭽﻨﮯ ﮐﺎ ﺧﺼﻮﺻﺎً ﺯﯾﺎﺩﮦ ﺍﺣﺘﻤﺎﻝ ﮐﯿﻮﮞ ﮨﻮﺗﺎ ﮨﮯ؟ ﮐﻮﺋﯽ ﯾﻘﯿﻨﯽ ﻃﻮﺭ ﭘﺮ ﻧﮩﯿﮟ ﺟﺎﻧﺘﺎ ﺗﺎﮨﻢ ﺍﺱ ﮐﺎ ﺗﻌﻠﻖ ﺩﻣﺎﻏﯽ ﻧﺸﻮﻭﻧﻤﺎ ﺳﮯ ﮨﻮﺳﮑﺘﺎ ﮨﮯ۔ ﻧﻮﻋﻤﺮﯼ ﻣﯿﮟ ﺑﮭﯽ ﺑﯿﺲ ﺳﺎﻝ ﮐﯽ ﻋﻤﺮ ﺗﮏ ﺩﻣﺎﻍ ﮐﯽ ﻧﺸﻮﻭﻧﻤﺎ ﮨﻮﺭﮨﯽ ﮨﻮﺗﯽ ﮨﮯﺍﻭﺭ ‘ ﻧﯿﻮﺭﻝ ﭘﺮﻭﻧﻨﮓ ‘ ﮐﺎ ﻏﯿﺮﻣﻌﻤﻮﻟﯽ ﻋﻤﻞ ﺟﺎﺭﯼ ﮨﻮﺗﺎ ﮨﮯ۔ﯾﮧ ﺑﺎﻟﮑﻞ ﺍﺳﯽ ﻃﺮﺡ ﮨﮯ ﺟﯿﺴﮯ ﺑﺮﻗﯽ ﺳﺮﮐﭩﻮﮞ ﮐﮯ ﺍﯾﮏ ﭘﯿﭽﯿﺪﮦ ﮨﺠﻮﻡ ﮐﻮ ﺗﺮﺗﯿﺐ ﺩﯾﺎ ﺟﺎﺋﮯ ﺗﺎﮐﮧ ﻭﮦ ﺯﯾﺎﺩﮦ ﻣﻮﺛﺮ ﻃﺮﯾﻘﮯ ﺳﮯ ﮐﺎﻡ ﮐﺮﺳﮑﯿﮟ۔ ﺍﯾﺴﺎ ﮐﻮﺋﯽ ﺑﮭﯽ ﺗﺠﺮﺑﮧ ﯾﺎ ﻣﺎﺩﮦ ﺟﻮ ﺍﺱ ﻋﻤﻞ ﮐﻮ ﻣﺘﺎﺛﺮ ﮐﺮﮮ ﻃﻮﯾﻞ ﻣﺪﺗﯽ ﻧﻔﺴﯿﺎﺗﯽ ﺍﺛﺮﺍﺕ ﮐﺎ ﺑﺎﻋﺚ ﺑﻦ ﺳﮑﺘﺎ ﮨﮯ۔
ﯾﻮﺭﭖ ﺍﻭﺭ ﯾﻮﮐﮯ ﻣﯿﮟ ﮨﻮﻧﮯ ﻭﺍﻟﯽ ﺍﯾﮏ ﺣﺎﻟﯿﮧ ﺗﺤﻘﯿﻖ ﺳﮯ ﭘﺘﮧ ﭼﻼ ﮨﮯ ﮐﮧ ﻭﮦ ﺍﻓﺮﺍﺩ ﺟﻦ ﮐﮯ ﺧﺎﻧﺪﺍﻥ ﻣﯿﮟ ﺩﻣﺎﻏﯽ ﺑﯿﻤﺎﺭﯾﺎﮞ ﺭﮨﯽ ﮨﻮﮞ ﺍﻭﺭ ﺟﻦ ﮐﻮ ﺟﯿﻨﯿﺎﺗﯽ ﻃﻮﺭ ﭘﺮ ﺍﻥ ﻣﺴﺎﺋﻞ ﮐﺎ ﺯﯾﺎﺩﮦ ﺍﺣﺘﻤﺎﻝ ﮨﻮ ﺍﮔﺮ ﻭﮦ ﭼﺮﺱ ﮐﺎ ﺍﺳﺘﻌﻤﺎﻝ ﮐﺮﯾﮟ ﺗﻮ ﺍﻥ ﻣﯿﮟ ﺷﯿﺰﻭﻓﺮﯾﻨﯿﺎ ﮨﻮﻧﮯ ﮐﮯ ﺍﻣﮑﺎﻧﺎﺕ ﺯﯾﺎﺩﮦ ﮨﻮﺗﮯ ﮨﯿﮟ۔
ﮐﯿﺎ (Cannabis psychosis) ‏( ﭼﺮﺱ ﺳﮯ ﮨﻮﻧﮯ ﻭﺍﻻ ﺳﺎﺋﯿﮑﻮﺳﺲ ‏) ﻭﺍﻗﻌﯽ ﻣﯿﮟ ﮐﻮﺋﯽ ﺑﯿﻤﺎﺭﯼ ﮨﮯ؟
ﮈﻧﻤﺎﺭﮎ ﻣﯿﮟ ﮨﻮﻧﮯ ﻭﺍﻟﯽ ﺍﯾﮏ ﺣﺎﻟﯿﮧ ﺗﺤﻘﯿﻖ ﺳﮯ ﭘﺘﮧ ﭼﻼ ﮨﮯ ﮐﮧ ﭼﺮﺱ ﮐﮯ ﺍﺳﺘﻌﻤﺎﻝ ﺳﮯ ﻭﺍﻗﻌﯽ ﻣﯿﮟ ﺳﺎﺋﯿﮑﻮﺳﺲ ﮨﻮ ﺳﮑﺘﺎ ﮨﮯ۔ ﯾﮧ ﺍﯾﮏ ﻣﺨﺘﺼﺮ ﻣﺪﺕ ﮐﯽ ﺳﺎﺋﯿﮑﻮﺳﺲ ﮐﯽ ﺑﯿﻤﺎﺭﯼ ﮨﻮﺗﯽ ﮨﮯ ﺟﻮ ﭼﺮﺱ ﮐﮯ ﺍﺳﺘﻌﻤﺎﻝ ﺳﮯ ﺷﺮﻭﻉ ﮨﻮ ﺟﺎﺗﯽ ﮨﮯ ﺗﺎﮨﻢ ﺍﮔﺮ ﺍﺱ ﮐﺎ ﺍﺳﺘﻌﻤﺎﻝ ﺭﻭﮎ ﺩﯾﺎ ﺟﺎﺋﮯ ﺗﻮ ﺑﮩﺖ ﺟﻠﺪﯼ ﺧﺘﻢ ﺑﮭﯽ ﮨﻮﺟﺎﺗﯽ ﮨﮯ۔ ﻟﯿﮑﻦ ﯾﮧ ﺑﯿﻤﺎﺭﯼ ﺑﮩﺖ ﮐﻢ ﮨﻮﺗﯽ ﮨﮯ، ﭘﻮﺭﮮ ﮈﻧﻤﺎﺭﮎ ﻣﯿﮟ ﺍﯾﮏ ﺳﺎﻝ ﻣﯿﮟ ﺍﺱ ﮐﮯ ﺻﺮﻑ ﺳﻮ ﻧﺌﮯ ﮐﯿﺴﺰ ﻧﻈﺮ ﺁﺗﮯ ﮨﯿﮟ۔
ﺗﺎﮨﻢ ﺗﺤﻘﯿﻖ ﺳﮯ ﯾﮧ ﺑﮭﯽ ﭘﺘﮧ ﭼﻼ ﮐﮧ :
· ﺗﯿﻦ ﭼﻮﺗﮭﺎﺋﯽ ﺗﻌﺪﺍﺩ ﺍﮔﻠﮯ ﺍﯾﮏ ﺳﺎﻝ ﻣﯿﮟ ﮐﺴﯽ ﺍﻭﺭ ﻗﺴﻢ ﮐﯽ ﺳﺎﺋﯿﮑﻮﺳﺲ ﮐﯽ ﺑﯿﻤﺎﺭﯼ ﮐﺎ ﺷﮑﺎﺭ ﮨﻮﮔﺌﯽ۔
· ﺗﻘﺮﯾﺒﺎً ﺁﺩﮬﮯ ﻟﻮﮒ ﺗﯿﻦ ﺳﺎﻝ ﺑﻌﺪ ﺑﮭﯽ ﮐﺴﯽ ﻧﮧ ﮐﺴﯽ ﻗﺴﻢ ﮐﮯ ﺳﺎﺋﯿﮑﻮﺳﺲ ﮐﺎ ﺷﮑﺎﺭ ﺗﮭﮯ۔
ﺍﺱ ﺳﮯ ﯾﮧ ﺑﮭﯽ ﻟﮕﺘﺎ ﮨﮯ ﮐﮧ ﻭﮦ ﻟﻮﮒ ﺟﻦ ﻣﯿﮟ Cannabis psychosis ﮐﯽ ﺗﺸﺨﯿﺺ ﮨﻮﺋﯽ ﺗﮭﯽ ﺩﺭﺍﺻﻞ ﮐﺴﯽ ﻃﻮﯾﻞ ﻣﺪﺗﯽ ﺳﺎﺋﯿﮑﻮﺳﺲ ﻣﺜﻼً ﺷﯿﺰﻭﻓﺮﯾﻨﯿﺎ ﮐﯽ ﺍﺑﺘﺪﺍﺋﯽ ﻋﻼﻣﺎﺕ ﻇﺎﮨﺮ ﮐﺮﺭﮨﮯ ﮨﯿﮟ۔ ﯾﮧ ﺑﮭﯽ ﮨﻮﺳﮑﺘﺎ ﮨﮯ ﮐﮧ ﯾﮩﯽ ﮔﺮﻭﭖ ﮨﻮ ﺟﺲ ﮐﻮ ﭼﺮﺱ ﮐﮯ ﺍﺳﺘﻌﻤﺎﻝ ﺳﮯ ﺑﺎﻟﺨﺼﻮﺹ ﺳﺎﺋﯿﮑﻮﺳﺲ ﺷﺮﻭﻉ ﮨﻮ ﺟﺎﻧﮯ ﮐﺎ ﺧﻄﺮﮦ ﮨﻮﺍﺱ ﻟﯿﮯ ﺍﺳﮯ ﻣﺴﺘﻘﺒﻞ ﻣﯿﮟ ﭼﺮﺱ ﮐﮯ ﺍﺳﺘﻌﻤﺎﻝ ﺳﮯ ﭘﺮﮨﯿﺰ ﮐﺮﻧﺎ ﭼﺎﮨﯿﮯ۔
ﮐﯿﺎ ﭼﺮﺱ ﮐﯽ ﻋﺎﺩﺕ ﭘﮍ ﺟﺎﺗﯽ ﮨﮯ؟
ﭼﺮﺱ ﻣﯿﮟ ﻧﺸﮯ ﮐﯽ ﻋﺎﺩﯼ ﺑﻨﺎﻧﮯ ﻭﺍﻟﯽ ﺍﺷﯿﺎ ﮐﯽ ﮐﭽﮫ ﺧﺼﻮﺻﯿﺎﺕ ﭘﺎﺋﯽ ﺟﺎﺗﯽ ﮨﯿﮟ ﻣﺜﻼً :
ﭨﻮﻟﺮﻧﺲ (Tolerance) ۔ ﯾﻌﻨﯽ ﻭﮨﯽ ﺳﺮﻭﺭ ﺣﺎﺻﻞ ﮐﺮﻧﮯ ﮐﮯ ﻟﯿﮯﮐﭽﮫ ﻭﻗﺖ ﮐﮯ ﺑﻌﺪ ﺯﯾﺎﺩﮦ ﻣﻘﺪﺍﺭ ﻣﯿﮟ ﭼﺮﺱ ﺍﺳﺘﻌﻤﺎﻝ ﮐﺮﻧﮯ ﮐﯽ ﺿﺮﻭﺭﺕ ﭘﮍﻧﮯ ﻟﮕﻨﺎ
ﺷﺪﯾﺪ ﻃﻠﺐ
ﺑﮭﻮﮎ ﻣﯿﮟ ﮐﻤﯽ
ﻧﯿﻨﺪ ﮐﯽ ﺧﺮﺍﺑﯽ
ﻭﺯﻥ ﻣﯿﮟ ﮐﻤﯽ
ﺟﺎﺭﺣﯿﺖ ﺍﻭﺭ / ﯾﺎ ﻏﺼﮧ
ﭼﮍﭼﮍﺍ ﭘﻦ
ﺑﮯ ﭼﯿﻨﯽ
ﻋﺠﯿﺐ ﻭ ﻏﺮﯾﺐ ﺧﻮﺍﺏ
ﺗﺮﮎ ﻧﺸﮧ ﮐﯽ ﯾﮧ ﻋﻼﻣﺎﺕ ﺍﺳﯽ ﭘﯿﻤﺎﻧﮯ ﮐﯽ ﺗﮑﻠﯿﻒ ﮐﺎ ﺑﺎﻋﺚ ﺑﻨﺘﯽ ﮨﯿﮟ ﺟﻮ ﺗﻤﺒﺎﮐﻮ ﭼﮭﻮﮌﻧﮯ ﺳﮯ ﮨﻮﺗﯽ ﮨﮯ۔
ﺑﺎﻗﺎﻋﺪﮦ ﻃﻮﺭ ﭘﮧ ﻟﻤﺒﮯ ﻋﺮﺻﮯ ﮐﮯ ﻟﯿﮯ
ﺍﺳﺘﻌﻤﺎﻝ ﮐﺮﻧﮯ ﻭﺍﻟﻮﮞ ﻣﯿﮟ ﻧﻈﺮ ﺁﻧﮯ ﻭﺍﻟﮯ ﺍﺛﺮﺍﺕ :
ﮨﺮ ﭼﺎﺭ ﻣﯿﮟ ﺳﮯ ﺗﯿﻦ ﺍﻓﺮﺍﺩ ﮐﻮ ﺷﺪﯾﺪ ﻃﻠﺐ ﻣﺤﺴﻮﺱ ﮨﻮﺗﯽ ﮨﮯ
ﺁﺩﮬﯽ ﺗﻌﺪﺍﺩ ﭼﮍﭼﮍﯼ ﮨﻮﺟﺎﺗﯽ ﮨﮯ
ﮨﺮ ﺩﺱ ﻣﯿﮟ ﺳﮯ ﺳﺎﺕ ﺍﻓﺮﺍﺩ ﭼﺮﺱ ﺳﮯ ﺑﭽﻨﮯ ﮐﮯ ﻟﯿﮯ ﺗﻤﺒﺎﮐﻮ ﮐﺎ ﺍﺳﺘﻌﻤﺎﻝ ﺷﺮﻭﻉ ﮐﺮﺩﯾﺘﮯ ﮨﯿﮟ۔
ﭼﮍﭼﮍﺍ ﭘﻦ، ﮔﮭﺒﺮﺍﮨﭧ ﺍﻭﺭ ﻧﯿﻨﺪ ﮐﮯ ﻣﺴﺎﺋﻞ ﻋﺎﻡ ﻃﻮﺭ ﭘﺮ ﺁﺧﺮﯼ ﺍﺳﺘﻌﻤﺎﻝ ﮐﮯ ﺩﺱ ﮔﮭﻨﭩﻮﮞ ﺑﻌﺪ ﻇﺎﮨﺮ ﮨﻮﺗﮯ ﮨﯿﮟ ﺍﻭﺭ ﺍﯾﮏ ﮨﻔﺘﮯ ﺑﻌﺪ ﺍﭘﻨﮯ ﻋﺮﻭﺝ ﭘﺮ ﭘﮩﻨﭽﺘﮯ ﮨﯿﮟ۔
ﺍﺿﻄﺮﺍﺭﯼ ﺍﺳﺘﻌﻤﺎﻝ
ﺍﺳﺘﻌﻤﺎﻝ ﮐﺮﻧﮯ ﻭﺍﻻ ﻓﺮﺩ ﯾﮧ ﻣﺤﺴﻮﺱ ﮐﺮﺗﺎ ﮨﮯ ﮐﮧ ﺍﺳﮯ ﭼﺮﺱ ﮨﺮ ﺣﺎﻝ ﻣﯿﮟ ﺍﺳﺘﻌﻤﺎﻝ ﮐﺮﻧﯽ ﮨﮯﺍﻭﺭ ﻭﮦ ﺍﭘﻨﯽ ﺯﻧﺪﮔﯽ ﮐﺎ ﺑﯿﺸﺘﺮ ﺣﺼﮧ ﺍﺱ ﮐﯽ ﺗﻼﺵ، ﺧﺮﯾﺪ ﺍﻭﺭ ﺍﺳﺘﻌﻤﺎﻝ ﻣﯿﮟ ﺻﺮﻑ ﮐﺮﺩﯾﺘﺎ ﮨﮯ۔ ﻭﮦ ﺍﺱ ﻋﻤﻞ ﮐﻮ ﺭﻭﮎ ﻧﮩﯿﮟ ﺳﮑﺘﮯ ﭼﺎﮨﮯ ﺍﻥ ﮐﯽ ﺯﻧﺪﮔﯽ ﮐﮯ ﺍﮨﻢ ﻣﻌﺎﻣﻼﺕ ‏( ﺧﺎﻧﺪﺍﻥ، ﺍﺳﮑﻮﻝ، ﮐﺎﻡ ‏) ﺑﮭﯽ ﻣﺘﺎﺛﺮ ﮨﻮﺭﮨﮯ ﮨﻮﮞ۔ ﺍﮔﺮ ﺁﭖ ﺭﻭﺯﺍﻧﮧ ﭼﺮﺱ ﮐﺎ ﺍﺳﺘﻌﻤﺎﻝ ﮐﺮﯾﮟ ﺗﻮ ﺍﺱ ﺑﺎﺕ ﮐﺎ ﻗﻮﯼ ﺍﻣﮑﺎﻥ ﮨﮯ ﮐﮧ ﺁﭖ ﺍﺱ ﮐﮯ ﻋﺎﺩﯼ ﮨﻮ ﺟﺎﺋﯿﮟ ﮔﮯ۔
ﺍﺳﮑﻨﮏ (skunk) ﺍﻭﺭ ﺩﯾﮕﺮ ﺯﯾﺎﺩﮦ ﻃﺎﻗﺘﻮﺭ ﺍﻗﺴﺎﻡ
ﺭﻭﺍﯾﺘﯽ ﮨﺮﺑﻞ ﭼﺮﺱ ﻣﯿﮟ ﺍﯾﮏ ﺳﮯ ﭘﻨﺪﺭﮦ ﻓﯿﺼﺪ ﺗﮏ ﺳﺐ ﺳﮯ ﺍﮨﻢ ﺳﺎﺋﯿﮑﻮﺍﯾﮑﭩﯿﻮ ﺟﺰﻭ ﭨﯽ ﺍﯾﭻ ﺳﯽ (THC) ﺷﺎﻣﻞ ﮨﻮﺗﺎ ﮨﮯ۔ ﮐﭽﮫ ﻧﺌﯽ ﺍﻗﺴﺎﻡ ﺑﺸﻤﻮﻝ ﺍﺳﮑﻨﮓ ﻣﯿﮟ ﯾﮧ ﺟﺰﻭ ﺑﯿﺲ ﻓﯽ ﺻﺪ ﮨﻮﺗﺎ ﮨﮯ ﺍﺱ ﻟﯿﮯ ﺭﻭﺍﯾﺘﯽ ﮨﺮﺑﻞ ﭼﺮﺱ ﮐﯽ ﻧﺴﺒﺖ ﯾﮧ ﺗﯿﻦ ﮔﻨﺎ ﺯﯾﺎﺩﮦ ﻃﺎﻗﺘﻮﺭ ﮨﻮﺗﯽ ﮨﮯ۔ ﯾﮧ ﺯﯾﺎﺩﮦ ﺗﯿﺰﯼ ﺳﮯ ﮐﺎﻡ ﮐﺮﺗﯽ ﮨﮯ ﺍﻭﺭ ﮔﮩﺮﮮ ﺳﮑﻮﻥ ﺍﻭﺭ ﺣﺪ ﺳﮯ ﺯﯾﺎﺩﮦ ﺧﻮﺷﯽ ﮐﮯ ﺍﺣﺴﺎﺱ ﮐﮯ ﺳﺎﺗﮫ ﮨﯿﻠﻮﺳﯿﻨﯿﺸﻦ (hallucinations) ﭘﯿﺪﺍ ﮐﺮﺗﯽ ﮨﮯ،ﺍﺱ ﮐﮯ ﺳﺎﺗﮫ ﺳﺎﺗﮫ ﮔﮭﺒﺮﺍﮨﭧ ، ﭘﺮﯾﺸﺎﻧﯽ، ﺍﻟﭩﯿﺎﮞ ﺍﻭﺭ ﮐﮭﺎﻧﺎ ﮐﮭﺎﻧﮯ ﮐﯽ ﺷﺪﯾﺪ ﺧﻮﺍﮨﺶ ﺑﮭﯽ ﮨﻮﺗﯽ ﮨﮯ۔ ﮐﭽﮫ ﺍﻓﺮﺍﺩ ﺍﺱ ﮐﻮ ﺍﯾﮑﺴﭩﯿﺴﯽ ﯾﺎ ﺍﯾﻞ ﺍﯾﺲ ﮈﯼ ﮐﮯ ﻣﺘﺒﺎﺩﻝ ﮐﮯ ﻃﻮﺭ ﭘﺮ ﺑﮭﯽ ﺍﺳﺘﻌﻤﺎﻝ ﮐﺮﺳﮑﺘﮯ ﮨﯿﮟ۔
ﮔﻮﮐﮧ ﺍﺏ ﺗﮏ ﮐﻢ ﺗﺤﻘﯿﻖ ﮐﯽ ﮔﺊ ﮨﮯ ﻟﯿﮑﻦ ﺍﺱ ﺑﺎﺕ ﮐﺎ ﺍﻣﮑﺎﻥ ﮨﮯ ﮐﮧ ﭼﺮﺱ ﮐﯽ ﯾﮧ ﺯﯾﺎﺩﮦ ﻃﺎﻗﺘﻮﺭ ﺍﻗﺴﺎ ﻡ ﺫﮨﻨﯽ ﺑﯿﻤﺎﺭﯾﻮﮞ ﭘﯿﺪﺍ ﮐﺮﻧﮯ ﮐﮯ
ﻟﯿﮯ ﺯﯾﺎﺩﮦ ﺑﮍﺍ ﺧﻄﺮﮦ ﺛﺎﺑﺖ ﮨﻮﺳﮑﺘﯽ ﮨﯿﮟ۔ ﺍﯾﮏ ﺍﮨﻢ ﺯﯾﺮ ﺗﮑﻤﯿﻞ ﺭﯾﺴﺮﭺ ﺳﮯ ﭘﺘﮧ ﭼﻼ ﮨﮯ ﮐﮧ ﭼﺮﺱ ﮐﯽ ﻃﺎﻗﺘﻮﺭ ﺍﻗﺴﺎﻡ ﺍﺳﺘﻌﻤﺎﻝ ﮐﺮﻧﮯ ﻭﺍﻟﻮﮞ ﻣﯿﮟ ﺗﻮﺟﮧ ﺍﻭﺭ ﯾﺎﺩﺩﺍﺷﺖ ﮐﮯ ﻣﺴﺎﺋﻞ ﮨﻮﺗﮯ ﮨﯿﮟ۔
ﻧﺎﻣﻮﺭ ﻣﻀﻤﻮﻥ ﻧﮕﺎﺭ ﺣﺴﻨﯿﻦ ﺟﻤﺎﻝ ﺍﭘﻨﮯ ﺍﯾﮏ ﻣﻀﻤﻮﻥ ﻣﯿﮟ ﻟﮑﮭﺘﮯ ﮨﯿﮟ
ﻣﺠﮫ ﺟﯿﺴﺎ ﺍﯾﮏ ﺷﮩﺮﯼ ﭘﮩﻠﯽ ﻣﺮﺗﺒﮧ ﮔﺎﺅﮞ ﮔﯿﺎ ﺗﻮ ﺍﺱ ﻧﮯ ﺳﺎﻣﻨﮯ ﻧﻈﺮ ﺁﻧﮯ ﻭﺍﻟﮯ ﺩﯾﮩﺎﺗﯽ ﺳﮯ ﭘﻮﭼﮭﺎ ﮐﮧ ﯾﮧ ﺟﻮ ﺗﻤﮩﺎﺭﯼ ﮔﺎﺋﮯ ﮨﮯ، ﺍﺱ ﮐﮯ ﺳﯿﻨﮓ ﮐﯿﻮﮞ ﻧﮩﯿﮟ ﮨﯿﮟ؟ ﺟﻮﺍﺏ ﺁﯾﺎ ﺑﻌﺾ ﮐﮯ ﻟﮍﺍﺋﯽ ﻣﯿﮟ ﭨﻮﭦ ﺟﺎﺗﮯ ﮨﯿﮟ، ﺑﻌﺾ ﮐﮯ ﮨﻢ ﻧﮑﺎﻝ ﺩﯾﺘﮯ ﮨﯿﮟ، ﮐﭽﮫ ﮐﮯ ﺗﻮ ﻗﺪﺭﺗﯽ ﻃﻮﺭ ﭘﮧ ﮨﯽ ﻧﮩﯿﮟ ﮨﻮﺗﮯ ﻟﯿﮑﻦ ﺟﺲ ﮐﯽ ﻃﺮﻑ ﺁﭖ ﺍﺷﺎﺭﮦ ﮐﺮ ﺭﮨﮯ ﮨﯿﮟ ﻭﮦ ﺑﮩﺮﺣﺎﻝ ﺍﯾﮏ ﮔﺪﮬﺎ ﮨﮯ۔ ﺗﺤﻘﯿﻖ ﺑﺘﺎﺗﯽ ﮨﮯ ﮐﮧ ﭼﺮﺱ ﭘﯿﻨﮯ ﻭﺍﻟﮯ ﮨﺮ ﺩﺱ ﻣﯿﮟ ﺳﮯ ﺍﯾﮏ ﻓﺮﺩ ﭘﮧ ﭼﺮﺱ ﮐﺎ ﺍﺛﺮ ﮐﭽﮫ ﺧﺎﺹ ﺍﭼﮭﺎ ﻧﮩﯿﮟ ﮨﻮﺗﺎ۔ ﯾﻌﻨﯽ ﻋﺎﻡ ﺁﺩﻣﯽ ﭼﺮﺱ ﺳﮯ ﺟﺲ ﻃﺮﺡ ﻟﻄﻒ ﺍﻧﺪﻭﺯ ﮨﻮ ﺳﮑﺘﺎ ﮨﮯ ﺍﺱ ﻃﺮﺡ ﺍﯾﮏ ﺧﺎﺹ ﺁﺩﻣﯽ، ﺟﻮ ﺩﺱ ﻣﯿﮟ ﺳﮯ ﺍﯾﮏ ﮨﻮﺗﺎ ﮨﮯ، ﻭﮦ ﺑﮯ ﭼﺎﺭﮦ ﻭﯾﺴﮯ ﺍﻧﺠﻮﺍﺋﮯ ﻧﮩﯿﮟ ﮐﺮ ﺳﮑﺘﺎ۔ ﻋﺎﻡ ﻃﻮﺭ ﭘﮧ ﭼﺮﺱ ﺍﻧﺴﺎﻥ ﮐﻮ ﺷﺎﻋﺮﻭﮞ ﻭﺍﻟﯽ ﯾﮏ ﮔﻮﻧﮧ ﺑﮯ ﺧﻮﺩﯼ ﻣﯿﮟ ﻟﮯ ﺟﺎﺗﯽ ﮨﮯ۔ ﭘﯿﻨﮯ ﻭﺍﻻ ﺧﻮﺷﯽ ﻣﺤﺴﻮﺱ ﮐﺮﺗﺎ ﮨﮯ، ﺩﻧﯿﺎ ﺯﯾﺎﺩﮦ ﺭﻧﮕﯿﻦ ﻟﮕﺘﯽ ﮨﮯ، ﺳﮑﻮﻥ ﮐﺎ ﺍﺣﺴﺎﺱ ﮨﻮﺗﺎ ﮨﮯ، ﺑﮯ ﮐﺎﺭ ﺳﮯ ﺑﮯ ﮐﺎﺭ ﮔﺎﻧﺎ ﺧﻮﺍﮦ ﻣﺨﻮﺍﮦ ﭘﺮﻟﻄﻒ ﻟﮕﺘﺎ ﮨﮯ ﺍﻭﺭ ﺗﮭﮑﻦ ﮐﺎ ﺍﺣﺴﺎﺱ ﮐﻢ ﮨﻮ ﺟﺎﺗﺎ ﮨﮯ۔ ﺟﻮ ﺑﺪﻧﺼﯿﺐ ﺍﺳﮯ ﭘﭽﺎ ﻧﮩﯿﮟ ﺳﮑﺘﺎ ﻭﮦ ﻟﻮ ﺑﻠﮉ ﭘﺮﯾﺸﺮ ﮐﺎ ﺷﮑﺎﺭ ﮨﻮ ﺟﺎﺋﮯ ﮔﺎ، ﮔﮭﺒﺮﺍﮨﭧ ﮨﻮﻧﮯ ﻟﮕﮯ ﮔﯽ، ﺍﻟﭩﯽ ﺳﯿﺪﮬﯽ ﺁﻭﺍﺯﯾﮟ ﺳﻨﺎﺋﯽ ﺩﯾﮟ ﮔﯽ، ﮔﺎﺋﮯ ﺍﻭﺭ ﮔﺪﮬﮯ ﻣﯿﮟ ﻓﺮﻕ ﻧﮩﯿﮟ ﮐﺮ ﺳﮑﮯ ﮔﺎ، ﻃﺮﺡ ﻃﺮﺡ ﮐﮯ ﻭﮨﻢ ﺁﺋﯿﮟ ﮔﮯ ﯾﺎ ﭘﮭﺮ ﻭﮦ ﺑﮯ ﮨﻮﺵ ﺑﮭﯽ ﮨﻮ ﺳﮑﺘﺎ ﮨﮯ۔ ﺗﻮ ﭼﺮﺱ ﺩﻭﺳﺮﮮ ﻧﺸﻮﮞ ﮐﮯ ﺑﺮﻋﮑﺲ ﺍﯾﮏ ﺭﺳﮑﯽ ﻧﺸﮧ ﮨﮯ۔ ﺭﺳﮑﯽ ﮨﻮﻧﮯ ﮐﮯ ﺑﺎﻭﺟﻮﺩ ﭼﺮﺱ ﭘﺎﮐﺴﺘﺎﻥ ﮐﺎ ﺳﺐ ﺳﮯ ﺯﯾﺎﺩﮦ ﺍﺳﺘﻌﻤﺎﻝ ﮨﻮﻧﮯ ﻭﺍﻻ ﻧﺸﮧ ﮨﮯ۔ﺍﯾﮏ ﺍﺧﺒﺎﺭﯼ ﺧﺒﺮ ﮐﮯ ﻣﻄﺎﺑﻖ ﻋﺎﻟﻤﯽ ﺭﯾﻨﮑﻨﮓ ﮐﮯ ﺣﺴﺎﺏ ﺳﮯ ﺍﭘﻨﺎ ﮐﺮﺍﭼﯽ ﭘﻮﺭﯼ ﺩﻧﯿﺎ ﻣﯿﮟ ﭼﺮﺱ ﺍﺳﺘﻌﻤﺎﻝ ﮐﺮﻧﮯ ﻭﺍﻟﻮﮞ ﮐﺎ ﺩﻭﺳﺮﺍ ﺑﮍﺍ ﺷﮩﺮ ﮨﮯ۔ ﭘﮩﻠﮯ ﻧﻤﺒﺮ ﭘﺮ ﻧﯿﻮﯾﺎﺭﮎ ﮨﮯ۔ ﭼﻮﻧﮑﮧ ﯾﮧ ﺭﯾﻨﮑﻨﮓ ﺍﯾﮏ ﺍﺳﺮﺍﺋﯿﻠﯽ ﺍﺩﺍﺭﮮ ﮐﯽ ﺗﮭﯽ ﺍﺱ ﻟﯿﮯ ﻓﻘﯿﺮ ﺯﯾﺎﺩﮦ ﭘﺮﯾﺸﺎﻥ ﻧﮩﯿﮟ ﮨﻮﺍ۔ ﮨﻤﺎﺭﮮ ﯾﮩﺎﮞ ﭼﺮﺱ ﭘﯿﻨﮯ ﮐﺎ ﻋﻤﻞ ﺑﮩﺖ ﺳﺴﺖ ﺭﻓﺘﺎﺭ ﻗﺴﻢ ﮐﺎ ﮨﮯ۔ ﭘﮩﻠﮯ ﭼﺮﺱ ﮐﮯ ﮈﻟﮯ ﺳﮯ ﺗﮭﻮﮌﯼ ﺳﯽ ﭼﺮﺱ ﺍﻟﮓ ﮐﺮﯾﮟ ‏( ﺣﺴﺐ ﺗﻮﻓﯿﻖ ‏) ، ﭘﮭﺮ ﺍﺳﮯ ﮔﻮﻝ ﻣﻮﻝ ﮐﺮﯾﮟ، ﭘﮭﺮ ﺍﯾﮏ ﺳﮕﺮﯾﭧ ﮐﺎ ﺗﻤﺒﺎﮐﻮ ﻧﮑﺎﻟﯿﮟ، ﺍﺳﮯ ﺻﺎﻑ ﮐﺮﯾﮟ، ﭘﮭﺮ ﮐﺴﯽ ﻣﺎﭼﺲ ﮐﯽ ﺗﯿﻠﯽ ﻣﯿﮟ ﻭﮦ ﺗﮭﻮﮌﯼ ﺳﯽ ﭼﺮﺱ ﭘﮭﻨﺴﺎ ﮐﮯ ﺍﺳﮯ ﺟﻼﺋﯿﮟ، ﻭﮦ ﭘﮕﮭﻠﮯ ﺗﻮ ﺍﺳﮯ ﺗﻤﺒﺎﮐﻮ ﻣﯿﮟ ﻣﮑﺲ ﮐﺮﯾﮟ، ﭘﮭﺮ ﺳﮕﺮﯾﭧ ﻣﯿﮟ ﻭﮦ ﺗﻤﺒﺎﮐﻮ ﺩﻭﺑﺎﺭﮦ ﺑﮭﺮﯾﮟ، ﭘﮭﺮ ﺳﮕﺮﯾﭧ ﮐﻮ ﺍﻭﭘﺮ ﺳﮯ ﮔﮭﻤﺎ ﮐﺮ ﻻﮎ ﻟﮕﺎﺋﯿﮟ ۔۔۔ ﺍﺱ ﺳﮯ ﺑﮭﯽ ﺯﯾﺎﺩﮦ ﻣﺸﮑﻞ ﮐﺎﻡ ﺭﺫﻻ ﺳﮯ ﺟﻮﺍﺋﻨﭧ ﺑﻨﺎﻧﺎ ﮨﮯ، ﻣﻄﻠﺐ ﮐﺎﻏﺬ ﺑﮭﯽ ﭘﻠﮯ ﺳﮯ ﺧﺮﯾﺪ ﮐﮯ ﺭﻭﻝ ﮐﺮﯾﮟ ﺍﻭﺭ ﺑﺎﻗﯽ ﻣﺤﻨﺖ ﺳﺐ ﮐﯽ ﺳﺐ ﻭﮨﯽ، ﻻﺣﻮﻝ ﻭﻻ ﻗﻮﺓ، ﺍﺗﻨﯽ ﻣﺤﻨﺖ ﮐﮯ ﺑﻌﺪ ﺍﯾﮏ ﺳﮕﺮﯾﭧ ﭘﯿﻨﮯ ﺳﮯ ﺑﮩﺘﺮ ﯾﮧ ﻧﮩﯿﮟ ﮨﮯ ﮐﮧ ﺑﻨﺪﮦ ﻭﯾﺴﮯ ﮨﯽ ﻧﯿﻨﺪ ﮐﯽ ﮔﻮﻟﯽ ﮐﮭﺎ ﮐﮯ ﺳﻮ ﺟﺎﺋﮯ؟ ﭼﺮﺱ ﮐﯽ ﺧﻮﺷﺒﻮ ﮐﭽﮫ ﺳﻔﯿﺪﮮ ﮐﮯ ﭘﺘﻮﮞ ﺟﯿﺴﯽ ﮨﻮﺗﯽ ﮨﮯ۔ ﺩﻭﺭ ﺳﮯ ﭘﮩﭽﺎﻧﯽ ﺟﺎﺗﯽ ﮨﮯ۔ ﻗﺒﺎﺋﻠﯽ ﻋﻼﻗﻮﮞ ﻣﯿﮟ ﺩﺷﻤﻦ ﮐﯽ ﻣﺨﺒﺮﯼ ﻣﻮﺑﺎﺋﻞ ﻓﻮﻥ ﮐﯽ ﺳﻢ ﺳﮯ ﺯﯾﺎﺩﮦ ﭼﺮﺱ ﮐﺎ ﺩﮬﻮﺍﮞ ﮐﺮﺗﺎ ﮨﮯ۔ ﺑﺰﺭﮒ ﺑﺘﺎﺗﮯ ﮨﯿﮟ ﮐﮧ ﭼﺮﺱ ﺍﮔﺮ ﺧﺎﻟﺺ ﮨﻮ ﺗﻮ ﻭﮦ ﺍﯾﮏ ﻗﺴﻢ ﮐﯽ ﺁﺭﮔﯿﻨﯿﮏ ﭼﯿﺰ ﮨﯽ ﮨﻮﺗﯽ ﮨﮯ۔ﺑﮭﻨﮓ ﮐﮯ ﭘﺘﮯ ﮐﺎﭦ ﮐﮯ ﮐﮭﻠﯽ ﺟﮕﮧ ﭘﮧ ﺭﮐﮫ ﺩﯾﺘﮯ ﮨﯿﮟ، ﺑﺎﺭﺵ ﮨﻮ ﺑﺮﻓﺒﺎﺭﯼ ﮨﻮ ﺗﺐ ﺑﮭﯽ ﻧﮩﯿﮟ ﮨﭩﺎﺗﮯ، ﺑﻌﺪ ﻣﯿﮟ ﺟﺐ ﻭﮦ ﭘﺘﮯ ﺍﭼﮭﯽ ﻃﺮﺡ ﺳﯿﺰﻧﮉ ﮨﻮ ﺟﺎﺗﮯ ﮨﯿﮟ، ﺩﮬﻮﭘﯿﮟ ﮐﮭﺎ ﻟﯿﺘﮯ ﮨﯿﮟ ﺗﻮ ﺍﻥ ﻣﯿﮟ ﺳﮯ ﮔﺮﺩﺍ ﻧﮑﺎﻻ ﺟﺎﺗﺎ ﮨﮯ، ﭘﮭﺮ ﺍﺳﮯ ﺩﻧﺒﮯ ﮐﯽ ﮐﮭﺎﻝ ﻣﯿﮟ ﺑﯿﺲ ﭘﭽﯿﺲ ﺩﻥ ﮐﮯ ﻟﯿﮯ ﺭﮐﮫ ﮐﮯ ﺗﮭﻮﮌﺍ ﻧﺮﻡ ﮐﺮﺗﮯ ﮨﯿﮟ، ﺁﺧﺮ ﻣﯿﮟ ﺍﺳﮯ ﻣﻌﻤﻮﻟﯽ ﺳﯽ ﺗﭙﺶ ﺩﮮ ﮐﮯ ﭼﺮﺱ ﺗﯿﺎﺭ ﮨﻮﺗﯽ ﮨﮯ۔ ﻣﺴﺌﻠﮧ ﻭﮨﺎﮞ ﺁﺗﺎ ﮨﮯ ﺟﺐ ﺍﺳﮯ ﺯﯾﺎﺩﮦ ﺑﮭﺮﭘﻮﺭ ﭘﺮﻭﮔﺮﺍﻡ ﺑﻨﺎﻧﮯ ﮐﮯ ﻟﯿﮯ ﺳﺎﺗﮫ ﻣﺨﺘﻠﻒ ﮐﯿﻤﯿﮑﻠﺰ ﻣﻼﺋﮯ ﺟﺎﺗﮯ ﮨﯿﮟ، ﻧﺘﯿﺠﮧ ﯾﮧ ﮨﮯ ﮐﮧ ﭼﺮﺱ ﮐﮯ ﺧﻮﺩ ﮐﻔﯿﻞ ﻋﻼﻗﻮﮞ ﻣﯿﮟ ﺑﮭﯽ ﺧﺎﻟﺺ ﭼﺮﺱ ﻣﻠﻨﺎ ﺍﺗﻨﺎ ﮨﯽ ﻣﺸﮑﻞ ﮨﮯ ﺟﯿﺴﮯ ﺁﭖ ﮔﻮﺟﺮﺍﻧﻮﺍﻟﮧ ﻣﯿﮟ ﺩﯾﺴﯽ ﮔﮭﯽ ﮈﮬﻮﻧﮉﻧﮯ ﻧﮑﻞ ﺟﺎﺋﯿﮟ۔ ﺑﻠﮑﮧ ﺩﻭﺭ ﮐﯿﻮﮞ ﺟﺎﺗﮯ ﮨﯿﮟ، ﺑﻐﯿﺮ ﺳﻮﮈﮮ ﮐﺎ ﮔﮍ ﺍﭘﻨﮯ ﺁﺱ ﭘﺎﺱ ﺗﻼﺵ ﮐﺮ ﮐﮯ ﺩﮐﮭﺎ ﺩﯾﮟ۔ ﺍﯾﮏ ﭘﺮﺍﭘﺮ ﻧﺸﮧ ﺁﻭﺭ ﺷﮯ ﮨﻮﻧﮯ ﮐﮯ ﺑﺎﻭﺟﻮﺩ ﭼﺮﺱ ﻋﺎﻡ ﻃﻮﺭ ﭘﮧ ﺑﮩﺖ ﻻﺋﭧ ﻟﯽ ﺟﺎﺗﯽ ﮨﮯ۔ ﮨﻤﺎﺭﮮ ﺁﺱ ﭘﺎﺱ ﮐﯽ ﺩﻧﯿﺎ ﻣﯿﮟ ﺍﺱ ﮐﺎ ﺷﻤﺎﺭ ﺩﻭﺳﺮﮮ ﺑﮍﮮ ﻣﮑﺮﻭﮨﺎﺕ ﮐﮯ ﺳﺎﺗﮫ ﻧﮩﯿﮟ ﮐﯿﺎ ﺟﺎﺗﺎ۔ ﮐﺴﯽ ﭼﺮﺱ ﭘﯿﻨﮯ ﻭﺍﻟﮯ ﺑﺎﺑﺎ ﺟﯽ ﮐﻮ ﺳﺎﺗﮫ ﺑﭩﮭﺎﺋﯿﮟ ﺗﻮ ﻭﮦ ﺁﭖ ﮐﻮ ﯾﮧ ﺑﮭﯽ ﺑﺘﺎﺋﯿﮟ ﮔﮯ ﮐﮧ ﺍﺱ ﮐﮯ ﺑﻌﺪ ﺑﮭﻮﮎ ﮐﮭﻞ ﮐﮯ ﻟﮕﺘﯽ ﮨﮯ، ﻧﯿﻨﺪ ﺑﮍﯼ ﺍﭼﮭﯽ ﺁﺗﯽ ﮨﮯ، ﺳﺐ ﺳﮯ ﻋﻈﯿﻢ ﭘﯿﻦ ﮐﻠﺮ ﮨﮯ ﺍﻭﺭ “ ﮐﻨﺴﻨﭩﺮﯾﺸﻦ ” ﻗﺎﺋﻢ ﺭﮐﮭﻨﮯ ﻣﯿﮟ ﻣﺪﺩ ﺑﮭﯽ ﺩﯾﺘﯽ ﮨﮯ۔
ﻭﯾﺴﮯ ﯾﮧ ﺗﻮﺟﮧ ﺑﺮﻗﺮﺍﺭ ﺭﮐﮭﻨﮯ ﻭﺍﻟﯽ ﺑﺎﺕ ﮐﺎﻓﯽ ﺣﺪ ﺗﮏ ﭨﮭﯿﮏ ﺑﮭﯽ ﮨﮯ۔ ﺟﺐ ﺑﮭﯽ ﭘﮩﺎﮌﯼ ﻋﻼﻗﻮﮞ ﮐﯽ ﻃﺮﻑ ﺟﺎﻧﺎ ﮨﻮﺍ، ﮨﻤﯿﺸﮧ ﺩﻭﺳﺖ ﯾﺎﺭ ﺳﺎﺗﮫ ﮨﻮﺗﮯ ﺗﮭﮯ۔ ﺍﻧﺘﻈﺎﻣﺎﺕ ﮐﯽ ﺷﮑﻞ ﮐﭽﮫ ﺍﯾﺴﮯ ﺑﻨﺘﯽ ﺗﮭﯽ ﮐﮧ ﺍﺳﻼﻡ ﺁﺑﺎﺩ ﺳﮯ ﮨﯽ ﮐﻮﺳﭩﺮ ﯾﺎ ﻭﯾﻦ ﮐﺮﺍ ﻟﯽ ﺟﺎﺗﯽ ﺍﻭﺭ ﭼﻞ ﺳﻮ ﭼﻞ۔ ﺁﺝ ﺗﮏ، ﻣﺎﺭﮎ ﻣﺎﺋﮯ ﻭﺭﮈﺯ ﮈﺋﯿﺮ ﺭﯾﮉﺭ، ﺁﺝ ﺗﮏ ﺟﺘﻨﮯ ﺑﮭﯽ ﺳﻔﺮ ﮐﯿﮯ ﺍﻟﺤﻤﺪﻟﻠﮧ ﮐﻮﺋﯽ ﺍﯾﮏ ﮈﺭﺍﺋﯿﻮﺭ ﺑﻐﯿﺮ ﭼﺮﺱ ﮐﮯ ﮔﺎﮌﯼ ﭼﻼﺗﮯ ﻧﮩﯿﮟ ﺩﯾﮑﮭﺎ۔ ﺍﺏ ﺗﻮ ﺍﺗﻨﯽ ﻋﺎﺩﺕ ﮨﻮ ﮔﺌﯽ ﮨﮯ ﮐﮧ ﺍﮔﺮ ﮐﺒﮭﯽ ﮐﻮﺋﯽ ﺍﻟﻠﮧ ﮐﺎ ﺑﻨﺪﮦ ﺑﻐﯿﺮ ﺍﺱ ﺫﻭﻕ ﻟﻄﯿﻒ ﮐﮯ ﺑﺲ ﭼﻼﺗﺎ ﭘﮑﮍﺍ ﮔﯿﺎ ﺗﻮ ﺍﺱ ﮐﮯ ﺳﺎﺗﮫ ﺑﺎﻗﯽ ﺳﻔﺮ ﮐﺮﻧﺎ ﺑﮭﯽ ﻣﺸﮑﻞ ﮨﻮ ﺟﺎﺋﮯ ﮔﺎ، ﺧﺪﺍ ﺟﺎﻧﮯ ﮐﺐ ﮐﮩﺎﮞ ﮔﺎﮌﯼ ﭨﮭﻮﻧﮏ ﺩﮮ۔ ﭼﺮﺱ ﮐﺎ ﻧﻘﺼﺎﻥ ﺳﮕﺮﯾﭧ ﮐﮯ ﺳﺎﺋﯿﮉ ﺍﯾﻔﯿﮑﭩﺲ ﺳﮯ ﺷﺎﯾﺪ ﮨﯽ ﺯﯾﺎﺩﮦ ﮨﻮﺗﺎ ﮨﻮ ﻟﯿﮑﻦ ﺍﺱ ﭘﺮ ﭘﺎﺑﻨﺪﯼ ﻟﮕﺎﻧﮯ ﮐﺎ ﻧﺘﯿﺠﮧ ﻋﻤﻮﻣﺎً ﯾﮧ ﮨﻮﺗﺎ ﮨﮯ ﮐﮧ ﭼﺮﺱ ﺩﻭﺳﺮﮮ ﻧﺸﻮﮞ ﮐﯽ ﻃﺮﻑ ﺭﺍﮦ ﮨﻤﻮﺍﺭ ﮐﺮﺗﯽ ﮨﮯ۔ ﻣﺎﺿﯽ ﻣﯿﮟ ﮐﯽ ﮔﺌﯽ ﻣﺨﺘﻠﻒ ﺭﯾﺴﺮﭼﺰ ‏( ﺟﻦ ﮐﺎ ﮈﯾﭩﺎ ﺯﯾﺎﺩﮦ ﺗﺮ ﺟﻮﺍﻥ ﺑﭽﻮﮞ ﮐﮯ ﺍﻣﺎﮞ ﺍﺑﺎ ﮐﮯ ﭘﺎﺱ ﮨﻮﺗﺎ ﮨﮯ ‏) ﮐﮯ ﻣﻄﺎﺑﻖ ﺍﮐﺴﭩﯿﺴﯽ، ﮐﻮﮐﯿﻦ، ﮐﯿﭩﺎﻣﯿﻦ، ﺍﯾﻢ ﮈﯼ ﺍﯾﻢ، ﺁﺋﺲ، ﺍﯾﻞ ﺍﯾﺲ ﮈﯼ، ﺍﻓﯿﻢ، ﮨﯿﺮﻭﺋﯿﻦ، ﭘﻨﮏ ﺍﻭﺭ ﺳﭙﺎﺋﺲ ﺟﯿﺴﮯ ﻧﺸﻮﮞ ﮐﯽ ﻃﺮﻑ ﺟﺎﻧﮯ ﻭﺍﻟﮯ ﻧﻮﺟﻮﺍﻥ ﺍﮐﺜﺮ ﭘﮩﻠﯽ ﺳﯿﮍﮬﯽ ﺍﺩﮬﺮ ﺳﮯ ﮨﯽ ﭼﮍﮬﺘﮯ ﮨﯿﮟ۔ ﻣﺎﺿﯽ ﻣﯿﮟ ﺩﯾﮑﮭﺎ ﺟﺎﺋﮯ ﺗﻮ ﺑﺮﺻﻐﯿﺮ ﻣﯿﮟ ﺍﻓﯿﻢ ﺍﻭﺭ ﺑﮭﻨﮓ ﺍﺱ ﻗﺪﺭ ﻋﺎﻡ ﺗﮭﯽ ﺟﺘﻨﺎ ﮐﻮﺋﯽ ﺟﮭﻮﭦ ﺑﻮﻟﮯ۔ ﺑﮭﻨﮓ ﮐﮯ ﺑﺎﺭﮮ ﻣﯿﮟ ﺗﻮ ﺍﯾﮏ ﺑﮍﮮ ﻣﺰﮮ ﮐﺎ ﺷﻌﺮ ﮨﮯ؛ ﺳﺎﻭﯼ ﻧﺌﯿﮟ ﺍﮮ ﮔﮭﺎﮦ ﺍﮮ، ﻋﺎﺷﻘﺎﮞ ﮐﻮﮞ ﻣﺒﺎﺡ ﺍﮮ ‏( ﯾﮧ ﺑﮭﻨﮓ ﻧﮩﯿﮟ ﮨﮯ ﺑﺎﺑﺎ ﯾﮧ ﺗﻮ ﮔﮭﺎﺱ ﮨﮯ ﺍﻭﺭ ﯾﮧ ﻋﺎﺷﻘﻮﮞ ﮐﮯ ﻟﯿﮯ ﺣﻼﻝ ﮨﮯ ‏) ، ﯾﮩﯽ ﻣﻌﺎﻣﻠﮧ ﺍﻓﯿﻢ ﮐﺎ ﺗﮭﺎ۔ ﺑﮍﮮ ﺑﮍﮮ ﺷﺎﻋﺮ، ﺍﺩﯾﺐ، ﺩﺍﺳﺘﺎﻥ ﮔﻮ، ﺟﺐ ﺗﮏ ﺍﻓﯿﻢ ﮐﯽ ﮈﻟﯽ ﺳﺎﺗﮫ ﻧﮧ ﺭﮐﮭﺘﮯ، ﭘﯿﺎﻟﯽ ﻣﯿﮟ ﻣﮑﺴﭽﺮ ﺗﯿﺎﺭ ﻧﮧ ﮨﻮﺗﺎ، ﺗﺐ ﺗﮏ ﺍﻥ ﮐﮯ ﻟﯿﮯ ﮐﺎﻡ ﮐﺮﻧﺎ ﺣﺮﺍﻡ ﺗﮭﺎ۔ ﺍﺱ ﮐﯽ ﺳﺎﺩﮦ ﺗﺮﯾﻦ ﻭﺟﮧ ﯾﮩﯽ ﺳﻤﺠﮫ ﻣﯿﮟ ﺁﺗﯽ ﮨﮯ ﮐﮧ ﺍﺱ ﻭﻗﺖ ﺗﮏ ﻧﺸﮯ ﮐﻮﻣﭙﻠﯿﮑﺴﮉ ﻧﮩﯿﮟ ﮨﻮﺋﮯ ﺗﮭﮯ۔ ﺍﻓﯿﻢ ﺍﻭﺭ ﺑﮭﻨﮓ ﺳﮯ ﺁﮔﮯ ﺑﮍﮪ ﮐﮯ ﺍﻧﮩﻮﮞ ﻧﮯ ﺟﺎﻧﺎ ﮐﮩﺎﮞ ﺗﮭﺎ؟ ﮔﺎﻧﺠﺎ ﯾﺎ ﺗﺎﮌﯼ ﺑﮭﯽ ﺍﻧﮩﯽ ﺩﻭﻧﻮﮞ ﮐﮯ ﺑﮩﻦ ﺑﮭﺎﺋﯽ ﺗﮭﮯ ﺍﻭﺭ ﺗﺎﺛﯿﺮ ﻣﯿﮟ ﺑﮭﯽ ﺗﮭﻮﮌﺍ ﺁﮔﮯ ﭘﯿﭽﮭﮯ ﺗﮭﮯ ﺗﻮ ﮐﺎﻡ ﭼﻞ ﺟﺎﺗﺎ ﺗﮭﺎ۔ ﭘﮭﺮ ﺍﺱ ﻭﻗﺖ ﻧﺸﮯ ﮐﯽ ﺳﻮﺷﻞ ﺍﯾﮑﺴﯿﭙﭩﻨﺲ ﺁﺝ ﮐﮯ ﻣﻘﺎﺑﻠﮯ ﻣﯿﮟ ﮐﮩﯿﮟ ﺯﯾﺎﺩﮦ ﺗﮭﯽ۔ ﻭﺟﮧ ﯾﮩﯽ ﺗﮭﯽ ﮐﮧ ﺍﺱ ﮐﺎﺭ ﻟﻄﯿﻒ ﮐﻮ ﺑﺪﻧﺎﻡ ﮐﺮﻧﮯ ﻭﺍﻟﯽ ﭼﯿﺰﻭﮞ ﻧﮯ ﺍﯾﻨﭩﺮﯼ ﻧﮩﯿﮟ ﻣﺎﺭﯼ ﺗﮭﯽ۔ ﺍﮔﺮ ﺍﺱ ﻭﻗﺖ ﮨﯿﺮﻭﺋﻦ ﯾﺎ ﻣﻮﺭﻓﯿﻦ ﮐﮯ ﭨﯿﮑﮯ ﻋﺎﻡ ﮨﻮﺗﮯ ﺗﻮ ﺷﺎﯾﺪ ﺗﺐ ﮨﯽ ﺗﻤﺎﻡ ﺑﮭﻨﮕﯿﻮﮞ، ﺍﻓﯿﻤﯿﻮﮞ ﺍﻭﺭ ﭼﻨﮉﻭ ﺧﺎﻧﮯ ﻭﺍﻟﻮﮞ ﮐﻮ ﺩﯾﺲ ﻧﮑﺎﻻ ﻣﻞ ﺟﺎﺗﺎ۔ ﯾﮩﯽ ﺳﺐ ﮐﭽﮫ ﺁﺝ ﭼﺮﺱ ﮐﮯ ﺳﺎﺗﮫ ﮨﻮﺍ ﮨﮯ۔ ﮐﺮﺍﭼﯽ ﻣﯿﮟ ﭼﺮﺱ ﮐﺎ ﺑﮍﮬﺘﺎ ﺭﺟﺤﺎﻥ ﺩﯾﮑﮫ ﮐﺮ ﺛﻘﮧ ﺣﻀﺮﺍﺕ ﺗﻮﺑﮧ ﺗﻮﺑﮧ ﮐﺮﯾﮟ ﮔﮯ، “ ﻧﺸﮯ ﻣﯿﮟ ﮐﮩﯿﮟ ﻭﮦ ﺗﻨﮩﺎ ﻧﮧ ﺭﮦ ﺟﺎﺋﮯ ” ﻭﺍﻟﯽ ﭘﺎﺭﭨﯿﺎﮞ ﻣﺰﯾﺪ ﺑﺠﭧ ﺍﺷﺘﮩﺎﺭ ﺑﺎﺯﯼ ﭘﮧ ﻟﮕﺎﺋﯿﮟ ﮔﯽ ﻟﯿﮑﻦ ﯾﮧ ﮨﻤﯿﮟ ﮐﻮﺋﯽ ﻧﮩﯿﮟ ﺑﺘﺎﺋﮯ ﮔﺎ ﮐﮧ ﺩﻧﯿﺎ ﻣﯿﮟ ﮐﭽﮫ ﻋﻼﻗﮯ ﺍﯾﺴﮯ ﺑﮭﯽ ﮨﯿﮟ ‏( ﻣﺜﻼً ﺍﻣﺮﯾﮑﺎ ﮐﯽ ﭼﻨﺪ ﺭﯾﺎﺳﺘﯿﮟ ‏) ﺟﮩﺎﮞ ﭼﺮﺱ، ﻭﯾﮉ ﯾﺎ ﮐﯿﻨﯿﺒﺲ ﻗﺎﻧﻮﻧﯽ ﻃﻮﺭ ﭘﮧ ﺍﺳﺘﻌﻤﺎﻝ ﮐﺮﻧﺎ ﺟﺎﺋﺰ ﮨﯿﮟ۔ ﺟﮩﺎﮞ ﺍﺯﺭﻭﺋﮯ ﻗﺎﻧﻮﻥ ﺟﺎﺋﺰ ﻧﮩﯿﮟ ﻭﮨﺎﮞ ﺑﮭﯽ ﺍﺳﮯ ﮐﻼﺱ ﻭﻥ ﮈﺭﮒ ﻣﯿﮟ ﺭﮐﮭﺎ ﺟﺎﺗﺎ ﮨﮯ ﯾﻌﻨﯽ ﻃﺒﯽ ﻣﻘﺎﺻﺪ ﮐﮯ ﻟﯿﮯ ﺍﺱ ﮐﺎ ﺍﺳﺘﻌﻤﺎﻝ ﭘﮭﺮ ﺑﮭﯽ “ ﻣﺒﺎﺡ ” ﮨﮯ۔ ﮈﺍﮐﭩﺮ ﺳﻨﺠﮯ ﮔﭙﺘﺎ ﺍﯾﮏ ﻧﯿﻮﺭﻭ ﺳﺮﺟﻦ ﮨﯿﮟ۔ 2013 ﻣﯿﮟ ﺍﻥ ﮐﯽ ﺍﯾﮏ ﮈﺍﮐﯿﻮﻣﯿﻨﭩﺮﯼ ﻓﻠﻢ ﺑﯿﻦ ﺍﻻﻗﻮﺍﻣﯽ ﻧﺸﺮﯾﺎﺗﯽ ﺍﺩﺍﺭﮮ ﻧﮯ ﺩﮐﮭﺎﺋﯽ ‏( ﻭﮨﯽ ﺍﺩﺍﺭﮦ ﺟﻮ ﮨﻤﺎﺭﮮ ﯾﮩﺎﮞ ﺧﺒﺮﯾﮟ ﺩﮐﮭﺎﺗﺎ ﺗﮭﺎ ﺍﻭﺭ ﮨﻢ ﺍﻥ ﺧﺒﺮﻭﮞ ﭘﮧ ﭼﻮﮐﻮﺭ ﮈﺑﯿﺎﮞ ﺑﻨﺎ ﮐﮯ ﺳﻨﺴﺮ ﮐﺮﺗﮯ ﺗﮭﮯ ﺍﻭﺭ ﺟﺲ ﮐﺎ ﺗﻮﮌ ﻣﻠﻤﻞ ﮐﮯ ﺩﻭﭘﭩﻮﮞ ﻣﯿﮟ ﺳﮯ ﺳﮑﺮﯾﻦ ﮐﻮ ﺩﯾﮑﮭﻨﺎ ﮨﻮﺍ ﮐﺮﺗﺎ ﺗﮭﺎ ‏) ۔ ﺗﻮ ﮈﺍﮐﭩﺮ ﺳﻨﺠﮯ ﮔﭙﺘﺎ ﻧﮯ ﺍﯾﮏ ﺳﺎﻝ ﺗﺤﻘﯿﻖ ﻣﯿﮟ ﻟﮕﺎﯾﺎ ﺍﻭﺭ ﺍﻧﮩﻮﮞ ﻧﮯ ﺑﺘﺎﯾﺎ ﮐﮧ ﭼﺮﺱ ﺍﻭﺭ ﮐﯿﻨﯿﺒﺲ ﮐﻮ ﺷﯿﮉﻭﻝ ﻭﻥ ﻣﯿﮟ ﺭﮐﮭﻨﮯ ‏( ﻣﺸﺮﻭﻁ ﻃﻮﺭ ﭘﮧ ﻣﻨﻊ ﮨﻮﻧﮯ ﺍﻭﺭ ﺑﻄﻮﺭ ﺩﻭﺍ ﻣﺴﺘﻌﻤﻞ ﮨﻮﻧﮯ ‏) ﮐﯽ ﮐﻮﺋﯽ ﺧﺎﺹ ﺳﺎﺋﻨﺴﯽ ﻭﺟﮧ ﺳﻤﺠﮫ ﻧﮩﯿﮟ ﺁﺗﯽ۔ ﺍﺱ ﮐﮯ ﺑﮩﺖ ﺳﮯ ﻃﺒﯽ ﻓﺎﺋﺪﮮ ﮨﯿﮟ ﻧﯿﺰ ﯾﮧ ﮐﮧ ﺍﻧﺴﺎﻥ ﺍﺱ ﮐﺎ ﺍﺗﻨﺎ ﺯﯾﺎﺩﮦ ﻋﺎﺩﯼ ﮨﻮﺗﺎ ﻧﮩﯿﮟ ﮨﮯ ﺟﺘﻨﺎ ﻣﯿﮉﯾﺎ ﭘﮧ ﺷﻮﺭ ﻣﭽﺎﯾﺎ ﺟﺎﺗﺎ ﮨﮯ۔ ﻭﮦ ﯾﮧ ﻣﺎﻧﺘﮯ ﮨﯿﮟ ﮐﮧ ﺍﺱ ﺳﮯ ﺁﺋﯽ ﮐﯿﻮ ﮐﻢ ﮨﻮ ﺳﮑﺘﺎ ﮨﮯ ﯾﺎ ﺩﻣﺎﻍ ﮐﯽ ﮔﺮﻭﺗﮫ ﻣﯿﮟ ﮐﻤﯽ ﺁ ﺳﮑﺘﯽ ﮨﮯ ﻟﯿﮑﻦ ﻣﺠﻤﻮﻋﯽ ﻃﻮﺭ ﭘﮧ ﺍﻧﮩﯿﮟ ﭼﺮﺱ ﮐﮯ ﻓﻮﺍﺋﺪ ﺍﺱ ﮐﮯ ﻧﻘﺼﺎﻧﺎﺕ ﺳﮯ ﺑﮩﺖ ﺯﯾﺎﺩﮦ ﻧﻈﺮ ﺁﺗﮯ ﮨﯿﮟ۔ ﺍﺏ ﯾﮧ ﮈﺍﮐﭩﺮ ﺳﻨﺠﮯ ﮔﭙﺘﺎ ﮐﯽ ﺭﺍﺋﮯ ﺗﮭﯽ۔ ﺍﻭﺭ ﺑﮭﯽ ﻏﻢ ﮨﯿﮟ ﺯﻣﺎﻧﮯ ﻣﯿﮟ ﻣﺤﺒﺖ ﮐﮯ ﺳﻮﺍ، ﻭﺍﮦ ﭘﯿﺎ ﺟﺎﻧﮯ ﺗﮯ ﺭﺍﮦ ﭘﯿﺎ ﺟﺎﻧﮯ، ﭘﯿﻨﮯ ﻭﺍﻻ ﺟﺎﻧﮯ ﺍﻭﺭ ﺍﺳﮯ ﭘﻮﭼﮭﻨﮯ ﻭﺍﻟﮯ ﺟﺎﻧﯿﮟ، ﻧﯿﮏ ﻭ ﺑﺪ ﯾﮩﯽ ﺗﮭﺎ ﺟﻮ ﺣﻀﻮﺭ ﮐﻮ ﺳﻤﺠﮭﺎ ﺩﯾﺎ۔ ﭼﺮﺱ ﻧﺎﻣﮧ ﺧﺘﻢ ﮨﻮﺗﺎ ﮨﮯ۔ ﺧﯿﺎﻝ ﺭﮐﮭﯿﮯ، ﭼﺮﺱ ﯾﺎ ﮐﻮﺋﯽ ﺑﮭﯽ ﻧﺸﮧ ﺣﺎﻻﺕ ﮐﯽ ﺍﻧﮕﻠﯽ ﭘﮑﮍ ﮐﺮ ﺷﺮﻭﻉ ﮐﯿﺎ ﺟﺎﺗﺎ ﮨﮯ۔ ﺑﭽﻮﮞ ﮐﺎ ﻣﺎﺣﻮﻝ ﺍﻭﺭ ﺯﻧﺪﮔﯽ ﭨﯿﻨﺸﻦ ﻟﯿﺲ ﺭﮐﮭﯿﮟ، ﺑﺎﻗﯽ ﺍﻟﻠﮧ ﺳﺎﺋﯿﮟ ﺑﮩﺘﺮﯼ ﮐﺮﮮ ﮔﺎ۔