اسلام آباد :اسلام آباد ہائیکورٹ نے کیپیٹل ڈویلپمنٹ اتھارٹی (سی ڈی اے )کو شادی ہالز گرانے سے روک دیا ۔
تفصیلات کے مطابق،بدھ کو اسلام آباد ہائیکورٹ کے جج جسٹس عامر فاروق نے شادی ہالز کو گرانے سے متعلق کیس کی سماعت کی۔
جسٹس عامر فاروق نے سی ڈی اے کو شادی ہالز گرانے سے روکتے ہوئے شادی ہالزاور مارکی مالکان کی درخواست پرحکم امتناع جاری کردیا۔
جسٹس عامر فاروق نے استفسار کیا کہ گزشتہ ہفتے بھی ایسے کیس میں ایک آرڈر کیا تھا۔
عدالت نے شادی ہالزاور مارکیوں کے متعلقہ تمام کیسز کو اکٹھا کرنے کی ہدایت کردی۔
درخواست گزار نے مؤقف اختتار کیا کہ شادی ہالز ریگولر کرانے کو تیار ہیں، بھاری فیسیں خلاف قانون ہیں، دیہی علاقوں میں قائم شادی ہالز سے فیسوں کی وصولی سی ڈی اے کا اختیار نہیں۔
عدالت نے سی ڈی اے سے دو ہفتوں میں جواب طلب کرتے ہوئے شادی ہالزاورمارکیز کے متعلقہ تمام کیسزکو اکٹھا کرنے کی ہدایت کردی جبکہ کیس کی مزید سماعت 21 مئی تک ملتوی کردی گئی۔
Facebook Comments
بذریعہ فیس بک تبصرہ تحریر کریں